17:30 13.11.2019
ՀՀ ԿԳՄՍ նախարար Արայիկ Հարությունյանը իր` ՅՈՒՆԵՍԿՕ-ի Գլխավոր համաժողովի ընթացքում հնչած ելույթից մի քանի կարևոր շեշտադրում է հրապարակել իր ֆեյսբուքյան էջում.
«Կրթությունը յուրաքանչյուր հասարակության զարգացման շարժիչ ուժն է։ Մենք հավատում ենք, որ կրթության միջոցով հնարավոր է կանխել ցեղասպանության ոճիրն ու մարդկության դեմ ուղղված այլ հանցագործությունները: Ցեղասպանությունների կանխարգելման համար Հայաստանի ներկայացրած ՄԱԿ-ի բանաձևի հիմնական բաղադրիչներից մեկը կրթությունն է: ՄԱԿ-ի գլխավոր ասամբլեան և Մարդու իրավունքների խորհուրդն ընդունել են այդ բանաձևը:
️Պատերազմների և զինված հակամարտությունների պատճառով ոտնահարվել են շատերի հիմնարար իրավունքները։ Ցավոք, մեր տարածաշրջանն այդ առումով բացառություն չէ։ Մենք միացյալ հանձնառություն ունենք Կայուն զարգացման նպատակների 2030թ համատեքստում, որը խոստանում է՝ ոչ ոք չի անտեսվելու, և նպատակին հասնելու մեր քայլերը պետք է համահունչ լինեն այս տրամաբանությանը։ Արցախի ժողովուրդն ունի քաղաքական, տնտեսական, կրթական և մշակութային ազատ զարգացման անքակտելի իրավունք, և Հայաստանն աջակցում է Արցախի ժողովրդին։
Հայաստանի կառավարությունը կրթության բնագավառում կարևորում է նաև նորարարական տեխնոլոգիաների զարգացումը։ Բոլորովին վերջերս Հայաստանում անցկացվեց Տեղեկատվական տեխնոլոգիաների համաշխարհային կոնգրեսը (WCIT)։ Մեր երկրում գործող մի շարք կազմակերպություններ լուրջ հաջողություններ են արձանագրել տեղեկատվական տեխնոլոգիաների և արհեստական բանականության ոլորտներում։
Լինելով տարբեր քաղաքակրթությունների կենտրոնում՝ Հայաստանը խորն արմատավորված ավանդույթներ ունի համակեցության և մյուսների մշակույթն ու կրոնը հարգելու առումով: Սա է պատճառը, որ Հայաստանը պահպանում է իր հարուստ մշակութային ժառանգությունը, որն ընդգրկում է, օրինակ, հելլենիստական շրջանի տաճար, տարբեր քրիստոնեական ուղղությունների հնագույն եկեղեցիներ, միջնադարյան հրեական գերեզմանատուն, 18-րդ դարի իրանական մզկիթ և աշխարհի ամենամեծ եզդիական տաճարը։
Դժբախտաբար, նույնիսկ խաղաղ պայմաններում էթնիկական կամ կրոնական անհանդուրժողականության պատճառով մշակութային ժառանգության շատ արժեքներ են ոչնչացվել։ Այդպիսի արժեքներից են Ջուղայի միջնադարյան խաչքարերը Նախիջևանում, որոնք իմ ժողովրդի մշակութային ժառանգության մի մասն են։
Մեր օրերում, երբ ծայրահեղականությունը և անհանդուրժողականությունը աննախադեպ աճ են գրանցել, պետք է ավելի քան գնահատենք ՅՈՒՆԵՍԿՕ-ի դերը հանդուրժողականության, փոխադարձ հարգանքի և մշակութային երկխոսության արժեքների տարածման գործում։
Հայաստանում տեղի ունեցած թավշյա հեղափոխությունը բացառապես խաղաղ ու ժողովրդավարական վերափոխում էր՝ հիմնված համամարդկային և ազգային արժեքների վրա։ Այն լավագույնս արտահայտում է միասնականությունը, խաղաղությունը, ժողովրդավարությունը և մարդու իրավունքների գերակայությունը։
Հայաստանի Հանրապետությունը վստահ է, որ ՅՈՒՆԵՍԿՕ-ին յուրահատուկ առաքելություն է վերապահված, և մենք պատրաստ ենք ներդնել մեր գիտելիքներն ու նորարարական գաղափարներն այդ կարևոր նպատակներին հասնելու գործում»:
10:57 20.07.2025
Թրամփը մեղադրել է Օբամային ընտրակեղծիքների մեջԱՄՆ նախագահ Դոնալդ Թրամփը Truth Social սոցիալական ցանցում մեղադրել է Սպիտակ տան նախկին ղեկավար Բարաք Օբամային 2016 թվականի ընտրություններում խարդախության մեջ։ Թրամփը գովաբանել է ԱՄՆ ազգային հետախուզության տնօրեն Թուլսի Գաբբարդի և Սպիտակ տան մամուլի քարտուղարի տեղակալ Հարիսոն Ֆիլդսի ելույթը Fox News-ի եթերում: Թրամփի խոսքով՝ նրանք «ֆանտաստիկ կերպով խոսել են Օբամային և «ավազակներին» քրեական հետապնդման ենթարկելու […] ...
10:40 20.07.2025
Սևանա լճում երեկվանից կորած ամուսինները հայտնաբերվել ենԱյսօր՝ հուլիսի 20-ին, ՀՀ Ներքին գործերի նախարարության քրեական ոստիկանության գլխավոր վարչության Գեղարքունիքի մարզային քրեական վարչության, ՀՀ ՆԳՆ ոստիկանության համայնքային ոստիկանության գլխավոր վարչության Ճամբարակի ոստիկանության բաժնի, ՀՀ ՆԳՆ ոստիկանության Պարեկային ծառայության Գեղարքունիքի մարզի գումարտակի պարեկները, ՀՀ ՆԳՆ Փրկարար ծառայության Գավառի, Մարտունու, Ճամբարակի, Վարդենիսի հրշեջ-փրկարարական ջոկատների մեծ թվով հրշեջ-փրկարարներ, ՀՀ ՆԳՆ Փրկարար ծառայության ստորաբաժանումների մի քանի ուժեր […] ...
10:28 20.07.2025
Տարադրամի փոխարժեքները հուլիսի 20-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 383 դրամ, վաճառքի նվազագույն արժեքը՝ 386 դրամ: Եվրոյի առքի առավելագույն արժեքն է 442 դրամ, վաճառքի նվազագույն արժեքը՝ 450 դրամ: Ռուսական ռուբլու առքի առավելագույն արժեքն է 4.85 դրամ, վաճառքի նվազագույն արժեքը՝ 4.95 դրամ: ...
10:12 20.07.2025
Ավտոմեքենան բախվել է ճանապարհի բաժանարար արգելապատնեշինՀուլիսի 19-ին` ժամը 19։14-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Սևան ավտոճանապարհին՝ «Արծվի թևեր» կոչվող արձանի մոտակայքում, տեղի է ունեցել ՃՏՊ․ կան արգելափակված քաղաքացիներ: Դեպքի վայր է մեկնել ՆԳՆ ՓԾ Փրկարարական ուժերի վարչության Հատուկ նշանակության փրկարարական աշխատանքների իրականացման կենտրոնի փրկարարական խումբը։ Պարզվել է, որ «Opel» մակնիշի ավտոմեքենան բախվել է ճանապարհի […] ...
10:00 20.07.2025
Իրավիճակը Հայաստանի ճանապարհներին և ԼարսումՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար։ Ըստ Ճանապարհային դեպարտամենտի՝ ճանապարհաշինական աշխատանքներով պայմանավորված՝ հուլիսի 4-ից Մ-1 միջպետական ճանապարհի (Երևան-Գյումրի) կմ38+030 հատվածից (Ուջանի մոտից) երթևեկությունը կտեղափոխվի Հյուսիս-հարավի նորակառույց ճանապարհ։ Լարսի մասին Վրաստանի ՆԳՆ ԱԻ դեպարտամենտից և ՌԴ […] ...
23:59 19.07.2025
Թեյագործ Սոնա Աղաբեկյանը պատրաստում է չորացված մրգերի հետ համակցված խոտաբույսային թեյերԹեյագործ Սոնա Աղաբեկյանը հիմնել է «Memories» ապրանքանիշը․ պատրաստում է չորացված մրգերի հետ համակցված խոտաբույսային թեյեր։ Այս մասին հայտնել են ՀՀ կառավարությունից: Մանրամասները՝ տեսանյութում: ...
