19:50 25.11.2019
Ախուրյան խոշորացված համայնքի Ջրառատ գյուղի եկեղեցին վերականգնվել է։ Այն թվագրվում է 6-7-րդ դարերի։ Այս ժամանակաշրջանի եկեղեցիները Շիրակի մարզում ընդամենը երկուսն են՝ Ջրառատում և Մայիսյանում։ Դրանք արժեքավոր են նախ որպես հոգևոր կառույց, ապա նաև որպես պատմաճարտարապետական հուշարձան։ Ջրառատի եկեղեցու վերակառուցումը տևել է 3 տարի։ Աշխատանքները կատարվել են ռուսաստանաբնակ ջրառատցի Հակոբյան եղբայրների հանգանակություններով։ Երեկ Սուրբ Մինաս եկեղեցին օծվել է ձեռամբ Շիրակի թեմի առաջնորդ Միքայել արքեպիսկոպոս Աջապահյանի։
Ջրառատի եկեղեցու բակում կանգնելու տեղ չկար։ Գյուղովի էին եկել` Ջրառատի համար ամենակարևոր իրադարձությանը մասնակցելու: Եկեղեցին տասնյակ տարիներ խոնարհված էր, երեք տարվա վերանորոգումներից հետո վերաբացվել է։ Ու սա առիթ է դարձել Սուրբ Մինաս եկեղեցու, գյուղի ու գյուղացիների պատմությունների համադրման ու բնակատեղիի հին և նոր պատմությունը տարանջատելու համար: Ջրառատը 1828-ին վերաբնակեցրել են Ալաշկերտից գաղթած հայերը, իսկ եկեղեցին թվագրվում է 6-7-րդ դարերի, որը վերակառուցվել է 19-րդ դարում։ Այն բազիլիկ է եղել, գերանածածկ տանիքով։ Եկեղեցին հենց այդպիսի տեսքով վերակառուցելու առաջարկներ շատ են եղել, որոնք Շիրակի թեմը մերժել է։
«Համաձայն չէինք դարձյալ 19-րդ դարի տեսքով, կրկին գերաններով, ուղղանկյունաձև հատակագծով, 19-րդ դարի ժամ ունենալ չէինք ուզում, որովհետև այս գյուղն օրհնված է 7-րդ դարի պատը ունենալ և ուրեմն՝ 7-րդ դարի եկեղեցուն համապատասխան պետք է վերակառուցվեր: 7-րդ դարի եկեղեցին նաև Մայիսյան գյուղը ունի, երկրորդը, ահավասիկ, Ջրառատի եկեղեցին է, որը հպարտությունն է Շիրակ աշխարհի, Ջրառատի և Հայաստանի»,- ասել է Շիրակի թեմի առաջնորդ Միքայել արքեպիսկոպոս Աջապահյանը:
Երկրաշարժերից ու անխնամ մնալուց է եկեղեցին նախ վթարային դարձել, ապա՝ ավերվել։ Ինչպես բոլոր հոգևոր կառույցները, Սուրբ Մինասն էլ խորհրդային տարիներին պահեստի է վերածվել։ Գյուղացիները հիշում են, թե ինչի համար էր այդ տարիներին ծառայում եկեղեցու միակ սրահը։
6-7-րդ դարերի ճարտարապետությունը հիշեցնող ընդամենը մեկ պատ է եղել պահպանված։ Այն տարիներով ծածկված է եղել հողով, մինչև որ գյուղապետարանն ու թեմը 2000-ականների սկզբին մաքրել են ու խոնարհված եկեղեցում սկսել են պատարագներ մատուցվել:
Սուրբ Մինասը վերակառուցվել է նույն՝ 6-7-րդ դարերի տեսքով։ Օծվել են եկեղեցու 4 սյուները, որոնք ավետարանիչների անուններ են կրում, ապա՝ խորանն ու մկրտության ավազանը։
Սուրբ Մինասը պատկանում է խաչաթև գմբեթավոր հուշարձանների ենթատիպին: Այդպիսիք շատ չկան Հայաստանում։ Եկեղեցին նոր զանգակատուն ու ավանդատուն ունի։ Շինաշխատանքների համար անհրաժեշտություն է առաջացել հարակից հին գերեզմանատանը տեղափոխություններ անելու համար։ Գյուղապետարանը տեղափոխել է Ջրառատի ամենաուժեղ մարդու՝ փահլևանի հուշաքարը։
Եկեղեցու վերակառուցումը Ջրառատում հոգևորը վերարժևորելու սկիզբը պետք է լինի։ Սա Շիրակի թեմի առաջնորդի հորդորն էր գյուղացիներին։ Իսկ առաջին հոգևոր ծեսը եկեղեցու օծումից անմիջապես հետո կատարվեց։ Առաջինը, վերակառուցումից հետո, Սուրբ Մինասում մկրտվեցին բարերարների զավակները։
12:21 22.07.2025
Գլխավոր դատախազը բավարարել է Գերմանիայի միջնորդությունը. բնակարանային գողություն մեղադրվողը հանձնվել է ԳԴՀ իրավասու մարմիններինՀայաստանի Հանրապետության գլխավոր դատախազ Աննա Վարդապետյանը բավարարել է Գերմանիայի Դաշնային Հանրապետության իրավասու մարմնի միջնորդությունը. բնակարանային գողություն մեղադրվող Ն.Գ.-ն հանձնվել է ԳԴՀ իրավասու մարմիններին, հայտմում են ՀՀ գլխավոր դատախազությունից։ ...
12:20 22.07.2025
Վարսենիկ Մանուչարյանը Հայաստանի ռեկորդ է գրանցել․ ՈւնիվերսիադաԳերմանիայի Ռայն-Ռուր շրջանում ընթացող Համաշխարհային համալսարանական ամառային խաղերում (Ունիվերսիադա) Հայաստանի ներկայացուցիչ լողորդ Վարսենիկ Մանուչարյանը 100 մետր ազատ ոճ մրցաձևում ցույց է տվել 58,19 վայրկյան արդյունքը և գրանցել Հայաստանի ռեկորդ։ 22-ամյա մարզուհին մասնակցել է նաև 100 մետր բաթերֆլայ մրցաձևին՝ 1,01,35 րոպե արդյունքով 43 մասնակիցների պայքարում զբաղեցնելով 20-րդ տեղը։ Աշոտ Չախոյանն էլ 100 մետր ազատ ոճ լողատարածությունը […] ...
12:12 22.07.2025
Հիմնանորոգվում է Վերին Սասունիկ-Լեռնարոտ ճանապարհըՄեկնարկել է Տ-1-33, Կոշ (Տ-1-8)-Վերին Սասունիկ-Լեռնարոտ տեղական նշանակության ավտոճանապարհի 9.5 կմ երկարությամբ հատվածի հիմնանորոգումը։ Այս մասին հայտնում են «Ճանապարհային դեպարտամենտ» հիմնադրամից։ ...
12:05 22.07.2025
Երևանի Նոր Նորք վարչական շրջանում գործարկվելու են էլեկտրական շչակներՀուլիսի 23-ին՝ ժամը 10:30-ից մինչև 14:30-ն ընկած ժամանակահատվածում, Երևանի Նոր Նորք վարչական շրջանի 4-րդ զանգվածի Գյուլիքևխյան, 5-րդ զանգվածի Ա. Միկոյան, 6-րդ զանգվածի Լյուքսեմբուրգի, 7-րդ զանգվածի Կարախանյան, 8-րդ զանգվածի Մինսկի, 9-րդ զանգվածի Վիլնյուսի փողոցների, ինչպես նաև Գայի պողոտայի և Բագրևանդ թաղամասի մի շարք հասցեներում գործարկվելու են էլեկտրական շչակներ, տեղեկացնում են ՀՀ ՆԳՆ ՓԾ-ից։ ...
11:48 22.07.2025
Ա Սերիայի ռմբարկուն կարիերան կշարունակի Սաուդյան ԱրաբիայումԻտալիայի հավաքականի հարձակվող Մատեո Ռետեգին Բերգամոյի «Ատալանտայից» տեղափոխվել է Սաուդյան Արաբիան ներկայացնող «Ալ Քադիսիա»։ Այս մասին հաղորդում է ակումբի մամուլի ծառայությունը: Արաբական ակումբը 26-ամյա ֆուտբոլիստի տրանսֆերի համար վճարել է շուրջ 68 միլիոն եվրո: Կողմերը ստորագրել են երեք տարվա պայմանագիր: Ռետեգին 2024/2025 մրցաշրջանում 25 գոլով դարձել էր Իտալիայի Ա Սերիայի ռմբարկու: ...
