22:27 24.12.2019
ԵՊՀ ՈւԽ նախագահ Դավիթ Ափոյանին բերման ենթարկելու դեպքի առթիվ Ազգային Հակակոռուպցիոն Խորհուրդը հայտարարություն է տարածել.
«Ազգային Հակակոռուպցիոն Խորհուրդը, ուսումնասիրելով զանգվածային լրատվության միջոցներով տարածված տեսանյութը, որտեղ երևում է ԵՊՀ ուսանողական խորհրդի նախագահ Դավիթ Ափոյանին ձեռնաշղթաներով բերման ենթարկելու դատավարական գործողություն, ինչպես նաև այդ դեպքի առնչությամբ մամուլում առկա որոշ մեկնաբանություններ, հարկ է համարում ընդգծել․
Նշված տեղեկությունների համաձայն` Դավիթ Ափոյանին բերման են ենթարկել ոստիկանություն, որպեսզի ԵՊՀ ուսանողական խորհրդի նախագահը ցուցմունք տա առ այն, թե արդյոք ճանաչում է ԵՊՀ-ի տարածքում օրեր առաջ տեղի ունեցած` կրակոցներով ուղեկցված վիճաբանության մասնակիցներին (տեղեկատվությունը մամուլին հայտնել է ԵՊՀ ռեկտորի պաշտոնակատարը):
Հաշվի առնելով մասնավորապես այն հանգամանքը, որ իրավապահ մարմինները դեռևս չեն ներկայացրել դեպքի առնչությամբ պաշտոնական տեղեկություններ, Խորհուրդը ձեռնպահ է մնում առավել մանրամասն և խորը վերլուծությունից և արձանագրում է բացառապես այն մտահոգությունները, որոնք առաջացել են միայն այս պահին առկա հրապարակված տեղեկությունների ուսումնասիրությամբ: Խորհուրդը չի բացառում, որ հետագայում, երբ հայտնի կդառնան դեպքին առնչվող ավելի մանրամասն և բազմակողմանի տեղեկություններ, այս մտահոգությունները կարող են փոխվել:
Այսպիսով, Խորհուրդն արձանագրում է, որ անձին չի կարելի բերման ենթարկել, եթե նրանից ակնկալվում է միայն ցուցմունք տալը, և եթե անձը չի խուսափել ներկայանալ քննության:
Հրապարակված տեսանյութի ծավալից ակնհայտ է դառնում, որ ԵՊՀ ուսանողական խորհրդի նախագահ Դավիթ Ափոյանը չի դիմադրում, որևէ կերպ չի խոչընդոտում Ոստիկանության գործողություններին, չի հրաժարվում Ոստիկանության բաժին տեղափոխվելուց, հետևաբար Խորհրդի համար համոզիչ չէ Ոստիկանության կողմից բերում իրականացնելու կամ բերման ենթարկելու գործողությունը, առավել ևս` այդ ընթացքում ձեռնաշղթաների կիրառման անհրաժեշտությունը:
Հարկ է նկատել, որ տվյալ դեպքում անձի նկատմամբ այնպիսի գործողությունների իրականացումը, որոնք զուգորդվում են անձի իրավունքների և ազատությունների ժամանակավոր սահմանափակմամբ (տվյալ դեպքում` ազատության սահմանափակմամբ), կարող են կատարվել քրեական դատավարության օրենսդրությամբ նախատեսված՝ ձերբակալման կամ բերման ենթարկելու դատավարական գործողությունների միջոցով: Իսկ առկա տեղեկությունները վկայում են այն մասին, որ Դավիթ Ափոյանին ձերբակալելու կամ բերման ենթարկելու հիմքերը բացակայել են:
Ելնելով վերոգրյալից` Խորհուրդը կոչ է անում իրավապահ մարմիններին անհապաղ հանրությանը համոզիչ կերպով ներկայացնել անձի նկատմամբ ազատության իրավունքը սահմանափակող գործողության իրականացման օրինական պատճառները և ձեռնաշղթաներ կիրառելու անհրաժեշտությունը»:
21:06 08.06.2025
Քննարկվել են էներգետիկ ոլորտում ՀՀ-ԻԻՀ համագործակցությանը վերաբերող հարցերՀունիսի 7-ին դեսպան Գ․ Հակոբյանը հանդիպում է ունեցել ԻԻՀ էներգետիկայի նախարար Աբբաս Ալիաբադիի հետ։ Հանդիպման ընթացքում անդրադարձ է կատարվել էներգետիկ ոլորտում ՀՀ-ԻԻՀ համագործակցությանը վերաբերող հարցերին։ Այս մասին հայտնել են Իրանում ՀՀ դեսպանությունից: Երկուստեք կարևորվել է համատեղ ծրագրերի իրականացումը, մասնավորապես ընգծվել է Իրան-Հայաստան բարձրավոլտ էլեկտրահաղորդման երրորս գծի շինարարությունն ընթացիկ տարվա ընթացքում ավարտին հասցնելու անհրաժեշտությունը։ ...
20:53 08.06.2025
Ջերմատների հիմնման պետական աջակցության ծրագրի շահառուներն ընդլայնում են գործունեությունըԿառավարության` ջերմատների հիմնման պետական աջակցության ծրագրի շահառուներն ընդլայնում են գործունեությունը, մեծացնում են արտադրական ծավալները, արտահանման ճանապարհներն էլ՝ դիվերսիֆիկացնում: Այս մասի ն հայտնել են ՀՀ Կառավարության մամուլի ծառայությունից: Արագածոտնի Ոսկեվազ համայնքում վարդեր աճեցնող ջերմոցային տնտեսությունից այսօր տարեկան 10 միլիոն ծաղիկ են հավաքում: Սպառում են տեղական շուկայում, արտահանում են ԵԱՏՄ երկրներ, նաև Արաբական Միացյալ Էմիրություններ, Քաթար: Մանրամասները՝ […] ...
20:34 08.06.2025
ՃՏՊ Արարատի մարզում. երեք տուժածներից մեկը պարեկային ծառայող էՀունիսի 8-ին՝ ժամը 19․10-ին, ՆԳ նախարարության ոստիկանություն վթարի վերաբերյալ ահազանգ է ստացվել։ Պարզվել է, որ Արարատի մարզի Արմաշ գյուղում պարեկային ծառայության կարգախումբը կանգնեցրել է «Նիսան» մակնիշի ավտոմեքենա’ վարչարարություն իրականացնելու նպատակով։ Կարճ ժամանակ անց նույն ճանապարհով երթևեկող «Հյունդայի» մակնիշի ավտոմեքենայի վարորդը, չկարողանալով կառավարել այն, բախվել է պարեկային ծառայության կարգախմբի կայանված ավտոմեքենային։ Պատահարի հետևանքով երեք մարդ, այդ […] ...
20:19 08.06.2025
Նիկոլ Փաշինյանի շարասյունն ավտովթարի չի ենթարկվելՏարածած տեղեկությունը, թե վարչապետ Նիկոլ Փաշինյանի շարասյունը Սյունիքից վերադառնալիս ավտովթարի է ենթարկվել Արմաշ գյուղում, չի համապատասխանում իրականությանը։ Այս մասին Ֆեյսբուքի իր էջում գրել է վարչապետի մամուլի քարտուղար Նազելի Բաղդասարյանը։ «Կոչ եմ անում լրատվամիջոցներին զերծ մնալ չճշգրտված և անհիմն տեղեկատվություն տարածելուց»,- գրել է նա: ...
19:27 08.06.2025
Դավթաշենում թալանել են շենքի բակում կայանված «Chevrolet Volt»-ըՀունիսի 8-ին, Երևանում ավտոմեքենայի թալանման հերթական դեպքն է տեղի ունեցել՝ այս անգամ Դավթաշեն վարչական շրջանում։ Ինչպես հայտնում է shamsyan.com-ը, «Chevrolet Volt» մակնիշի ավտոմեքենայի սեփականատերը Դավթաշենի 4-րդ թաղամասի 45/7 շենքի դիմաց ուրբաթ օրը կայանել է իր ավտոմեքենան ու այսօր առավոտյան իջել է բակ, որպեսզի ավտոմեքենան տեղափոխի ավտոլվացման կետ և հայտնաբերել է ավտոմեքենան թալանված։ Դեպքի մասին ավտոմեքենայի […] ...
19:12 08.06.2025
Հայաստանում մեկնարկել է «Միջազգային քրեական դատարանի նյութական և վարութային իրավունքը դատավորների, դատախազների և քննիչների համար» թեմայով աշխատաժողովՀայաստանում մեկնարկել է «Միջազգային քրեական դատարանի նյութական և վարութային իրավունքը դատավորների, դատախազների և քննիչների համար» թեմայով աշխատաժողովը, որը կազմակերպվել է «Իրավունքի Եվրոպա միավորում» հասարակական կազմակերպության կողմից`Արդարադատության նախարարության հետ համագործակցությամբ, ՀՀ-ում Նիդերլանդների Թագավորության դեսպանության աջակցությամբ իրականացվող «Աջակցություն Հայաստանի Հանրապետության կառավարությանը Հռոմի կանոնադրության հետվավերացման գործընթացներում» ծրագրի շրջանակներում։ Այս մասին հայտնել են Արդարադատության նախարարությունից: Աշխատաժողովի նպատակն է Միջազգային […] ...
