Ռուսաստանի արտաքին գործերի նախարար Սերգեյ Լավրովը օգոստոսի 21-ին բանակցություններ կվարի Հնդկաստանի արտաքին գործերի նախարար Սուբրամանյամ Ջայշանկարի հետ, որը պաշտոնական այցով կգտնվի Մոսկվայում: Այս մասին ճեպազրույցի ժամանակ հայտարարեց Ռուսաստանի արտաքին գործերի նախարարության տեղեկատվության և մամուլի դեպարտամենտի փոխտնօրեն Ալեքսեյ Ֆադեևը:
«Օգոստոսի 21-ին բանակցություններ կկայանան Ռուսաստանի արտաքին գործերի նախարար Սերգեյ Լավրովի և նրա հնդիկ գործընկերոջ՝ Սուբրամանիամ Ջայշանկարի միջև, որը պաշտոնական այցով կգտնվի Մոսկվայում՝ մասնակցելու առևտրատնտեսական, գիտական, տեխնիկական և մշակութային համագործակցության միջկառավարական ռուս-հնդկական հանձնաժողովի 26-րդ նիստին», – ասաց նա։
Ֆադեևի խոսքով՝ արտաքին քաղաքականության գերատեսչությունների ղեկավարները կքննարկեն «երկկողմ օրակարգի ամենակարևոր թեմաները, ինչպես նաև միջազգային ձևաչափերում փոխգործակցության արդիական ասպեկտները»։
