15:50 25.12.2019
«Մենք կարո՞ղ ենք հստակ որոշակի տեղեկատվություն ունենալ և քաղաքացիների համար ժամկետներ մատնանշել, թե տրանսպորտային բարեփոխումները երբվանի՞ց են մեկնարկելու, կառավարության հետ բանակցություններն ի՞նչ փուլում են, ֆինանսների մասով ունե՞նք հստակ տեղեկատվություն»,- այսօր ավագանու նիստի ժամանակ Երևանի հնգամյա ծրագրի փաթեթը ներկայացնելիս հարց բարձրացրեց «Բարգավաճ Հայաստան» խմբակցության անդամ Հռիփսիմե Առաքելյանը:
Հարցին արձագանքեց քաղաքապետի առաջին տեղակալ Հրաչյա Սարգսյանը, նա հայտարարեց, որ աշխատանքները կատարվում են, երկու օր է` համաձայնություն են ձեռք բերվել կառավարության ու դոնոր կազմակերպության հետ:
«Ամենաուշը երևի փետրվարի վերջ մրցույթ կհայտարարենք, որը հնարավորություն կտա ձեռք բերել ավտոբուսներ, իհարկե, գիտեք, որ ավտոբուսների թիվը նոր ցանցի համար մեծ է, և միանգամից դրանց արտադրությունը դժվար կլինի, ակնկալում ենք, որ ինչ-որ չափաքանակ կունենանք 2020-ին, այնուհետև կունենանք համալրումներ: Երբ վերջնական համաձայնության գանք, կբարձրաձայնենք հստակ ժամկետներով: Այս պահին աշխատանքները մեծ տեմպով առաջ են շարժվում, դոնոր կազմակերպություններն աշխատանքներ իրականացնում են, որ մասնագետներին շուտ կարողանանք ներգրավել»,- ասաց Սարգսյանը:
Նրա պատասխանը չգոհացրեց ավագանու անդամին. Հռիփսիմե Առաքելյանը զայրույթով արձագանքեց.
«Դուք նույն բանն ասացիք, ինչ լսում ենք մի քանի ամիս, մենք ունե՞նք ֆինանսական ապահովման հոսքերը հստակ, ունե՞նք բյուջե, նախահաշվարկներն արե՞լ եք, ինչքա՞ն գումարի մասին է խոսքը, ասում եք` կսկսենք քննարկումներ, ունե՞նք հստակ մի բան, որ մեկնարկը տալիս ենք»,- հարցրեց նա:
Երևանի փոխքաղաքապետը նշեց, որ մինչ այժմ նման հայտարարություն չի եղել:
«Ասում եմ, որ քննարկման արդյունքները վերջնական են, կառավարության հետ համաձայնության ենք եկել, հանդիպում ունեցել դոնոր կազմակերպության հետ, գնման փաթեթ պետք է ստեղծվի, իսկ դրա համար մասնագետները ներգրավում են: Նախնական բյուջեն 120-150 մլն դոլարի շրջանակի մասին է խոսում և կարծում եմ, որ այդքան գումար ներգրավելը մեծ պատասխանատվություն է, կարծում եմ, որ հստակ հաշվարկներ պիտի արվեն և ներկայացվեն»,-ասաց նա:
Նա նաև հավելեց, որ Երևանը համապատասխան բյուջե չունի, ավտոբուսները պետք է վարկային միջոցներով ձեռք բերի, որից հետո սպասարկի վարկը: Ավագանու անդամը, թեև այլևս արձագանքելու իրավունք չուներ, այնուամենայնիվ, փորձեց պատասխան կորզել փոխքաղաքապետից, ասաց.
«Ես պատասխան չեմ ստանում, սա թիվ մեկ խնդիրն է աղբահանության հարցը լուծելուց հետո, ի՞նչ փաթեթ է կառավարությունը պատրաստում, որ այս վարկը վերցնենք, չկա պատասխան»:
Այս անգամ արձագանքեց քաղաքապետ Հայկ Մարությանը:
«2-3 անգամ պատասխանեցինք, մարդիկ պատասխանեցին, ավելին չենք կարող անել, բացի պատասխանելուց, չենք կարող ձեզ ֆիլմ ցույց տալ էստեղ»:
23:59 15.05.2025
Երևանի հեռուստաաշտարակը նոր լուսավորման համակարգ կունենա. ԲՏԱ նախարարՀՀ ԲՏԱ նախարար Մխիթար Հայրապետյանը Ֆեյսբուքի իր էջում գրել է, որ Երևանի հեռուստաաշտարակը նոր լուսավորման համակարգ կունենա: «Երևանի հեռուստաաշտարակի արդիականացման ծրագրի նպատակն է փոխարինել հեռուստաաշտարակի գեղազարդ լուսավորման համակարգը՝ ներդնելով ժամանակակից, բազմաֆունկցիոնալ և գեղագիտական բարձր արժեք ունեցող նոր լուսային լուծումներ, ինչը ոչ միայն կընդգծի մայրաքաղաքի ճարտարապետական ինքնատիպությունը, այլև զգալիորեն կբարձրացնի տուրիստական գրավչությունը»,- գրել է նա։ ...
23:57 15.05.2025
Մերց. Ռուսաստանի դեմ նոր պատժամիջոցների փաթեթը պատրաստ է և կընդունվի մայիսի 20-ինԳերմանիայի կանցլեր Ֆրիդրիխ Մերցը հայտարարել է, որ Ռուսաստանի դեմ պատժամիջոցների նոր փաթեթը պատրաստ է և կընդունվի Բրյուսելում մայիսի 20-ին։ «Այս (խմբ.պատժամիջոցների) փաթեթը պատրաստ է և կընդունվի հաջորդ երեքշաբթի Բրյուսելում։ Խորհրդակցություններն ավարտվել են», – ասել է Մերցը ZDF հեռուստաընկերության եթերում: Միաժամանակ, Գերմանիայի կառավարության ղեկավարը նշել է, որ պատժամիջոցները ուժի մեջ կմտնեն անմիջապես։ «Դրանք (խմբ.սահմանափակումները) պատրաստ են, […] ...
23:54 15.05.2025
TASS. Թուրքիայի, Ռուսաստանի և Ուկրաինայի եռակողմ հանդիպումը նախատեսված է մայիսի 16-ին ՍտամբուլումԹուրքիայի, Ռուսաստանի և Ուկրաինայի ներկայացուցիչների եռակողմ հանդիպումը նախատեսված է ուրբաթ օրը Ստամբուլում։ Այս մասին TASS-ին հայտնել է Թուրքիայի արտաքին գործերի նախարարության աղբյուրը։ «Վաղը կկայանան հանդիպումների ևս մի շարք՝ տարբեր ձևաչափերով։ Դրանք են՝ ԱՄՆ-ն, Ուկրաինան, Թուրքիան։ Օրակարգում են նաև Ռուսաստանի Դաշնության, Ուկրաինայի և Թուրքիայի միջև եռակողմ բանակցությունները», – ասել է աղբյուրը: Նշվում է, որ «դեռևս հայտնի […] ...
23:49 15.05.2025
Սպիտակ տունը հույս ունի, որ Թրամփ-Պուտին հանդիպումը կկայանա շատ շուտովԱՄՆ վարչակազմը սպասում է, որ շատ շուտով կկայանա ամերիկացի առաջնորդ Դոնալդ Թրամփի և Ռուսաստանի նախագահ Վլադիմիր Պուտինի հանդիպումը։ Այս մասին հայտարարել է Սպիտակ տան Ազգային անվտանգության խորհրդի հակաահաբեկչական հարցերով ավագ տնօրեն Սեբաստիան Գորկան։ «Գործարքները կախված են ժամանակից։ Երբ ժամանակը գա, այդ ժամանակ (խմբ.Միացյալ Նահանգների) նախագահ Դոնալդ Թրամփը կլինի (խմբ.Ռուսաստանի առաջնորդ Վլադիմիր) Պուտինի հետ նույն սենյակում։ […] ...
23:44 15.05.2025
Արագածոտնի մարզում բախվել են «Infiniti»-ն և «Mercedes»-ը․ կա վիրավորՄայիսի 15-ին, ավտովթար է տեղի ունեցել Արագածոտնի մարզում։ Ժամը 16։20-ի սահմաններում Մարգարա-Վանաձոր ավտոճանապարհի 24 կմ հատվածում բախվել են Արագածոտնի մարզի բնակիչ 41-ամյա Դավիթ Ասատրյանի վարած «Mercedes» և Կոտայքի մարզի բնակիչ 20-ամյա Արայիկ Նազարյանի վարած «Infiniti» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 1 հոգի մարմնական վնասվածքներով տեղափոխվել է հիվանդանոց։ Վթարի մասին ՊԾ Արագածոտնի մարզի […] ...
23:37 15.05.2025
Ծիծեռնակաբերդի բարձունքի՝ տարիներ շարունակ անխնամ մնացած տարածքն անտառային գոտու է վերածվելԾիծեռնակաբերդի բարձունքի՝ տարիներ շարունակ անխնամ մնացած ու աղբով պատված, համայնքին պատկանող շուրջ 9 հա տարածքը անտառային գոտու է վերածվել: Այս մասին Ֆեյսբուքի իր էջում գրել Երևանի քաղաքապետ Տիգրան Ավինյանը: «Տարածքում տնկվել է շուրջ 5000 ծառաթփատեսակ: Քաղաքային անտառն ապահովված է ոռոգման համակարգով. նախագծի շրջանակում անցկացվել է 2300 գծմ մայր ոռոգման համակարգ և 1600 մ ոռոգման ցանց»,- […] ...
