18:39 04.06.2018
Այսօր վարչապետ Նիկոլ Փաշինյանի կինը՝ Աննա Հակոբյանը, ով «Հայկական ժամանակ» օրաթերթի գլխավոր խմբագիրն է, այցելել է ԵՊՀ ժուռնալիստիկայի ֆակուլտետ: Նա պատասխանել է գործող և ապագա լրագրողների հարցերին: Հարցերը, հիմնականում, վերաբերել են մամուլի ազատությանը, լրագրողական գործունեությանը, լրագրողական էթիկային, համացանցում ստեղծված ֆեյք էջերին ու կայքերին, Հայաստանում փոփոխված իրողություններին և այլն:
Աննա Հակոբյանը ավելի վաղ ասել էր, որ շարունակելու է իր լրագրողական գործունեությունը, բայց այսօր ուսանողների հետ հանդիպման ժամանակ նաև անդրադարձել է այդ թեմային և նշել է, որ իրոք իր համար շատ կարևոր է իր աշխատանքը, սակայն, իրավիճակի փոփոխություններից ելնելով, հնարավոր է կայացնի նաև իր համար ոչ ցանկալի որոշում.
«Ես մեծ դժվարությամբ կբաժանվեմ «Հայկական ժամանակ» օրաթերթի գլխավոր խմբագրի պաշտոնից, բայց փաստն այն է, որ այս պահի դրությամբ առնվազն երկու ամիս ես զբաղվածությանը զուգահեռ չեմ կարողանում իմ աշխատանքային պարտականությունները կատարել»,- ասել է Աննա Հակոբյանը և նշել, որ գիտակցում է, որ նաև լրագրողական էթիկայի խնդիր կարող է առաջանալ.
«Ինձ նաև ընկերներս ու բարեկամներս նշում էին, որ էթիկայի տեսակետից ճիշտ չի լինի, որ նոր կարգավիճակի բերումով ես շարունակեմ մնալ խմբագիր: Բայց ես մինչև վերջերս վստահ էի, որ կարող եմ այս հարցում գտնել լուծում, սակայն, ելնելով նաև այսօրվա օրինակից, որ ես մի շարք քաղաքական հարցերի, անգամ որպես լրագրող, չեմ կարող իմ դիրքորոշումը հայտնել, արդեն սկսում եմ անհանգստանալ և կարծում եմ , որ առաջիկայում այդ հարցին որևէ լուծում կգտնվի»,- նշել է Աննա Հակոբյանը:
09:13 01.05.2025
Կարևոր է աշխատանքային իրավունքների ապահովման նկատմամբ պետության պատշաճ վերահսկողության միջոցների ձեռնարկումը․ ՀՀ ՄԻՊՀՀ մարդու իրավունքների պաշտպան Անահիտ Մանասյանը շնորհավորական ուղերձ է հղել Աշխատանքի օրվա առթիվ․ «Սիրելի՛ հայրենակիցներ, Շնորհավորում եմ Մայիսի 1-ի` Աշխատանքի միջազգային օրվա առթիվ: Այս օրը ևս մեկ առիթ է ընդգծելու յուրաքանչյուրի աշխատանքային իրավունքները պաշտպանելու կարևորությունը: Մեր երկրում աշխատանքային իրավունքների պատշաճ իրացման հետ կապված մի շարք խնդիրներ շարունակում են արդիական մնալ: ՄԻՊ աշխատակազմի ուսումնասիրությունները, ստացված բողոքների […] ...
09:10 01.05.2025
Աշխատանքը պետք է լինի արդյունք ստեղծելու և այդ արդյունքը վայելելու միջոց․ Նիկոլ ՓաշինյանՎարչապետ Նիկոլ Փաշինյանի շնորհավորական ուղերձն Աշխատանքի և աշխատավորների համերաշխության միջազգային օրվա առթիվ. «Սիրելի՛ ժողովուրդ, Հայաստանի Հանրապետության սիրելի՛ քաղաքացիներ, Մայիսի 1–ին նշում ենք Աշխատանքի և աշխատավորների համերաշխության միջազգային օրը, և ուզում եմ բոլորիս շնորհավորել օրվա առիթով։ Քաղաքակրթությունը ձևավորվել ու զարգանում է աշխատանքի արդյունքում, և աշխատանքն է այն գործիքը, որով հնարավոր է անհատի և հանրության կյանքն ավելի […] ...
09:00 01.05.2025
Al Jazeera. Իսրայելի հարվածները Գազայում 24 ժամում 35 մարդու կյանք են խլելԳազայի հատվածին Իսրայելի հարվածների հետեւանքով վերջին 24 ժամում առնվազն 35 պաղեստինցի է զոհվել։ Այս մասին հայտնում է քաթարյան Al Jazeera հեռուստաալիքը՝ հղում անելով անկլավի առողջապահության նախարարությանը։ Զոհվածներից առնվազն 8-ը զոհ են դարձել պաղեստինյան անկլավի կենտրոնական մասում գտնվող Նուսեյրաթ փախստականների ճամբարին իսրայելական բանակի հարվածին։ Հաղորդվել է նաեւ, որ Գազայի հատվածի հիվանդանոցներ է տեղափոխվել 109 վիրավոր։ Նախարարությունը […] ...
08:48 01.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
08:40 01.05.2025
Guardian. Լոնդոնը Փարիզի հետ քննարկում է հունիսին Պաղեստինը ճանաչելու հնարավորությունըԲրիտանիան Ֆրանսիայի հետ քննարկում է Պաղեստինի ճանաչման մասին 2025 թվականի ամռան սկզբին հայտարարելու ծրագրերը: Ըստ բրիտանական The Guardian թերթի՝ այս քայլը կարող է համընկնել հունիսի 2-4-ը ՄԱԿ-ի հովանու ներքո կազմակերպված «երկու պետություն երկու ժողովուրդների համար» ծրագրի իրականացման վերաբերյալ միջազգային համաժողովի հետ: Չորեքշաբթի օրը, ելույթ ունենալով բրիտանական խորհրդարանական հանձնաժողովի հետ, Մեծ Բրիտանիայի արտաքին գործերի նախարար Դեյվիդ […] ...
08:30 01.05.2025
ԱՄՆ-ը չի հրաժարվում Ուկրաինայի կարգավորման հարցում միջնորդությունից․ Քիթ ՔելլոգԱՄՆ-ը չի հրաժարվում ուկրաինական հակամարտության կարգավորման իր միջնորդական ջանքերից։ Այս մասին հայտարարել է Ուկրաինայում ԱՄՆ նախագահ Դոնալդ Թրամփի հատուկ բանագնաց Քիթ Քելլոգը։ «Չեմ կարծում»,-ասել է նա Fox News-ին տված հարցազրույցում՝ ի պատասխան հարցի։ Ավելի վաղ բրիտանական Financial Times թերթը հայտնել էր, որ Կիևը և նրա եվրոպացի դաշնակիցները վախենում են, որ Վաշինգտոնը կարող է դուրս գալ […] ...
