19:00 20.03.2020
Գյումրիի համատիրությունները կանխարգելող միջոցառումներ են ձեռնարկել բազմաբնակարան շենքերում: Ձեռք են բերել քլորի որոշակի քանակություն, որով լուծույթ են ստանում ու ախտահանում շենքերի մուտքերը: Դռների ու աստիճանավանդակների բռնակները համարվում են վիրուսի տարածման համար ռիսկային, իսկ քլորով ախտահանումը փորձված ու արդյունավետ միջոցներից է: Ամեն համատիրություն իր սպասարկման տարածքում մի քանի տասնյակ շենքերի մուտքերում ախտահանումներն ավարտելու է 3 օրում:
Մուտքերի ախտահանման պրոցեսը սկսվում է համապատասխան լուծույթի պատրաստումից:
Ջրի ու քլորի խառնուրդից ստանում են ախտահանիչ լուծույթ, որն օգտագործելուց առաջ համատիրության աշխատակիցները, նախ, համապատասխան արտահագուստ են կրում: Կիրառում են այն, ինչ ձեռքի տակ ունեն: Քլորի սուր հոտից ու հետևանքներից պաշտպանվելուց հետո համատիրության նախագահը մտնում է մուտքերը: Մուտքերի դռները, առաջինից մինչև վերջին հարկի աստիճանավանդակները, բռնակները քլորաջրով ախտահանում է: Ամեն մուտքի ախտահանումը, կախված նրանից, թե քանի հարկ է, 10-15 րոպե է տևում: Աշխատանքը համատիրության նախագահը մենակ է անում։
«Քլորամինի 3 տոկոսանոց լուծույթ ենք ստանում, որը ախտահանում է, եթե վիրուսներ կա, ոչնչացնում է: Անձնական պաշտպանիչ միջոցներ ենք կիրառել՝ դիմակ, արտահագուստ, որ քլորի հոտից վատ չզգանք: Մուտքերի, աստիճանավանդակների բռնակներն ախտահանում ենք քլորամինի լուծույթով: 3-4 օր հոտը մնում է մուտքերում, այսինքն՝ առնվազն այդքան ազդեցությունը պահում է: Բնակիչներն էլ մեկուսացված են: Տանից գրեթե դուրս չեն գալիս: Պարզ երևում է՝ մուտքերն ախտահանում ենք, բայց ոչ մի բնակիչ այդ պահին անգամ տնից դուրս չի գալիս»,- SHANTNEWS-ին ասել է Գյումրիի «Կարին» համատիրության նախագահ Սենիկ Եսայանը:
«Կարին» համատիրությունը 30-ից ավելի շենքեր է սպասարկում Անի և Մուշ 2-2 թաղամասերում: Իսկ ախտահանման ենթակա մուտքերի քանակը 178-ն է: Ախտահանումն ավարտելու են 3 օրում: Մուտքերի թիվն ավելի քիչ է, բայց ախտահանման ժամկետները նույնն են «Բարեկամություն» համատիրությունում: 115 մուտք են ախտահանելու:
Մուտքերի դռների բռնակները, աստիճանավանդակները վտանգավոր հատվածներն են, որոնք կարող են վիրուսի փոխանցման վտանգ ներկայացնել: Թեև, ելումուտը շենքերից նվազել է: Բնակիչները մեկուսացել են: Համատիրությունների աշխատակիցներն են նշում, որ իրենք ախտահանում են ամբողջ մուտքը, իսկ բնակիչները շարունակում են գործն ամեն օր, ամեն մեկն իր աստիճանահարթակն է լվանում հատուկ նյութերով:
Ախտահանիչ նյութերը համատիրությունները ձեռք են բերել իրենց միջոցներով: Առայժմ յուրաքանչյուր մուտք նախատեսված է մեկ անգամ ախտահանել: Կպահանջվի՞ արդյոք կրկնել ախտահանման աշխատանքները շենքերում ու քանի անգամ, կանխարգելիչ միջոցառումների հետագա անհրաժեշտությունից է կախված։
23:26 03.05.2025
Երևանում «Volkswagen ID.4»-ը բախվել է կայանված «BMW»-ին
00:00 04.05.2025
Տիգրան Սողոմոնյանը «Sardinia World Chess Festival 2025» շախմատի միջազգային մրցաշարի B խմբի հաղթողՏիգրան Սողոմոնյանը դարձավ Իտալիայում անցկացված «Sardinia World Chess Festival 2025» շախմատի միջազգային մրցաշարի B խմբի հաղթող։ Այս մասին հայտնել են Հայաստանի շախմատի ֆեդերացիայից։ Տիգրանը 9 հնարավորից վաստակեց 7.5 միավոր և 188 կետով բարելավեց իր միջազգային վարկանիշը: ...
23:51 03.05.2025
Գեղարքունիքի և Կոտայքի մարզերի մի շարք հասցեներում ջուր չի լինի«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված՝ ս.թ. մայիսի 5-ին՝ ժամը 08:00-ից մինչև մայիսի 6-ը՝ ժամը 08:00-ն, կդադարեցվի՝ Գեղարքունիքի մարզի Սևանի քաղաքի, Գագարինավան, Վարսեր գյուղերի, ինչպես նաևԿոտայքի մարզի Ջրառատ գյուղի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
23:45 03.05.2025
Երևանում «КамАЗ»-ը բախվել է գազատար խողովակներին, ինչի հետևանքով սկսվել է գազի արտահոսքՄայիսի 3-ին, արտակարգ դեպք է տեղի ունեցել Երևանում։ Ժամը 16։50-ի սահմաններում Սուրեն Սաֆարյան և Շոպրոն փողոցների խաչմերուկում «КамАЗ» մակնիշի բեռնատարը բախվել է գազատար խողովակներին։ Ինչպես հայտնում է shamshyan.com-ը, բախման հետևանքով տուժածներ չկան, սակայն գազախողովակները վնասվել են և սկսվել է գազի արտահոսք։ Դեպքի վայր են ժամանել ՀՀ ներքին գործերի նախարարության փրկարար ծառայության Երևանի հրշեջ -փրկարարական ջոկատից՝ […] ...
23:39 03.05.2025
Telegram-ում ավելացվել է նոր գործառույթՊավել Դուրովը հայտարարել է Telegram-ում նոր գործառույթի՝ խմբային զանգերի գործարկման մասին, որի կարող է միանալ մինչև 200 մասնակից։ Այս մասին նա գրել է իր Telegram ալիքում։ «Telegram-ի վերջին թարմացումը կներդնի ուլտրա անվտանգ խմբային զանգեր։ Դրանք պաշտպանված են ոչ միայն բաժանորդների կոդավորմամբ, այլև բլոկչեյնանման տեխնոլոգիայով՝ ապահովելու համար, որ ոչ ոք չկարողանա գաղտնի կերպով միանալ դրանց», – […] ...
23:26 03.05.2025
Երևանում «Volkswagen ID.4»-ը բախվել է կայանված «BMW»-ինՄայիսի 3-ին, արտակարգ դեպք է տեղի ունեցել Երևանում: Ժամը 13:50-ի սահմաններում «Volkswagen ID.4» մակնիշի ավտոմեքենան, ըստ նախնական տեղեկությունների, տեխնիկական անսարքության պատճառով Պարույր Սևակի փողոցում բախվել է ճանապարհի թույլատրելի հատվածում կայանված «BMW» մակնիշի ավտոմեքենային, ապա անցել երթևեկելի 2 գոտիով, բախվել մեկ այլ կայանված ավտոմեքենայի, անցել բազալտե եզրաքարի վրայով, հայտնվել հետիոտնի համար նախատեսված մայթին և բախվել քարե […] ...
23:09 03.05.2025
Finnair-ը Հելսինկիում գործադուլի պատճառով չեղարկել է գրեթե 100 չվերթFinnair -ը հայտարարել է մոտ 100 չվերթի չեղարկման մասին՝ Ֆինլանդիայի ավիացիոն միության կողմից մայիսի 5-ին նախատեսված գործադուլի պատճառով։ Այս մասին հաղորդում է kommersant.ru-ն։ Ընկերության ներկայացուցիչների խոսքով՝ սպասվում են թռիչքների ժամանակացույցի զգալի փոփոխություններ։ Հելսինկիում գործադուլը կտևի չորս ժամ և կընթանա հերթափոխով։ Finnair-ը հայտարարել է, որ 7500 ուղևորի տեղեկացրել է այլընտրանքային երթուղիների մասին։ Բացի այդ, գործադուլը կարող […] ...
