19:57 07.05.2020
Ապրիլի 27-ին` ժամը 4-ին, ոստիկանություն զանգած քաղաքացին հայտնեց, որ քիչ առաջ Նորք-Մարաշի իր տնից գողություն են արել։
Ոստիկանության Մարաշի բաժանմունքի ծառայողները դեպքի վայրում արձանագրեցին, որ օգտվելով տան դուռը բաց լինելու հանգամանքից` մտել են և հյուրասենյակից գողացել բիժուտերիա:
Մինչ դեպքի վայրում ոստիկանները հանցագործության բացահայտմանն ուղղված աշխատանքներ էին կատարում, հնչեց երկրորդ ահազանգը։
Զանգողը նույնպես Նորք-Մարաշի բնակիչ էր։ Հայտնում էր, որ րոպեներ առաջ իրենց տնից գողություն են արել։
Ոստիկանության օպերատիվ մյուս խումբը մեկնեց նշված տուն, որտեղից փող էին հափշտակել։ Իրավապահները հիմնավոր կասկածներ ունեին, որ գործում է խումբ և գողությունները նույն մարդկանց ձեռքի գործն են։
Պարզվեց, որ տան բակ են մտել պարսպի վրայով, մի հոգի տուն է մտել պատշգամբից, ներսից բացել դուռը, որպեսզի մյուսը նույնպես մտնի տուն։ Ի դեպ, երկու դեպքում էլ տանտերերը տանն են եղել, ձայն են լսել, արթնացել և տունը տակնուվրա արված տեսնելով` միանգամից զանգել էին ոստիկանություն։
Բնակարանային գողությունների բացահայտման աշխատանքներն ընթացքի մեջ էին, երբ ժամեր անց հնչեց ևս մի ահազանգ։
Կրկին Նորք-Մարաշի բնակիչներից մեկը ոստիկաններին հայտնեց, որ գիշերը՝ ժամը 3:45-ի սահմաններում, իր տնից գողություն են արել։
Այստեղ ոստիկաններն արձանագրեցին, որ ննջասենյակից գողացել են ոսկյա զարդեր ու հագուստ։ Պարզեցին, որ գողություն անողները երկու երիտասարդներ են, որոնց կասկածում էին նաև մյուս գողությունները կատարելու մեջ։
Եվս մի ահազանգ ստացվեց արդեն ապրիլի 28-ին։ Այս անգամ փորձել էին բացել Նորք-Մարաշի տներից մեկի պատուհանը, բայց չէին կարողացել ու հեռացել էին։
Ոստիկանության Մարաշի բաժանմունքի ծառայողներին միացան նաև ոստիկանության Երևան քաղաքի վարչության և Կենտրոնական բաժնի աշխատակիցները։ Նրանց հետևողական ու պրոֆեսիոնալ ծավալուն գործողությունների շնորհիվ կարճ ժամանակ անց ճշտվեց կասկածյալների ինքնությունը։
Ապրիլի 30-ին Երևանի Տիգրան Մեծի պողոտայի և Գլինկայի փողոցի խաչմերուկից, բնակարանային գողություններ կատարելու կասկածանքով, ոստիկանության Երևան քաղաքի վարչություն բերման ենթարկվեցին Աշտարակի 30-ամյա և Երևանի 34-ամյա բնակիչներ։
Նրանց բնակության և փոխկապակցված վայրերում իրականացված խուզարկություններով հայտնաբերվեց գողոնի մի մասը։ Կասկածներ կան, որ նշվածից բացի, հանրապետության տարբեր քաղաքներում նրանք կատարել են նմանատիպ բազմաթիվ գողություններ։
Բերման ենթարկվածները կալանավորվել են։
Կատարվում է նախաքննություն:
18:33 14.05.2025
Տեղի է ունեցել Կանանց հարցերով խորհրդին կից աշխատանքային խմբի հանդիպումըՀՀ գենդերային քաղաքականության իրականացման 2025-2028թթ․ ռազմավարության շրջանակում 2025 թ․ ընթացքում կատարման ենթակա միջոցառումները քննարկելու նպատակով այսօր տեղի է ունեցել Կանանց հարցերով խորհրդին կից աշխատանքային խմբի հանդիպումը, որին մասնակցել են շահագրգիռ գերատեսչությունների, կանանց հիմնահարցերի ոլորտում ակտիվ գործունեություն իրականացնող միջազգային և հասարակական կազմակերպությունների ներկայացուցիչներ։ Ընդգծելով Ռազմավարության մշակման և իրականացման գործընթացում փորձագիտական համայնքի, զարգացման գործընկերների ակտիվ մասնակցության դերը՝ […] ...
18:23 14.05.2025
Սուրեն Պապիկյանը ՄԱԿ-ի խաղաղապահության նախարարական հանդիպման շրջանակում հանդես է եկել ելույթովՄայիսի 14-ին ՀՀ պաշտպանության նախարար Սուրեն Պապիկյանը ՄԱԿ-ի խաղաղապահության նախարարական հանդիպման շրջանակում հանդես է եկել ելույթով: Ողջունելով հանդիպման մասնակիցներին՝ Սուրեն Պապիկյանն իր ելույթում նշել է միջազգային խաղաղապահ գործընթացներին Հայաստանի աջակցության մասին և ներկայացրել ՀՀ նոր հանձնառությունները՝ ՄԱԿ-ի խաղաղապահ առաքելություններում ներգրավվելու համար համապատասխան պատրաստությամբ անձնակազմի տրամադրում, խաղաղապահների պատրաստության միջազգային դասընթացների կազմակերպում Հայաստանում և ՄԱԿ-ի առաքելություններում կին […] ...
18:14 14.05.2025
Թրամփը չի բացառել իր մասնակցությունը Ստամբուլում կայանալիք ռուս-ուկրաինական բանակցություններինԱՄՆ նախագահ Դոնալդ Թրամփը չի բացառել Ռուսաստանի և Ուկրաինայի միջև մայիսի 15-ին Թուրքիայում նախատեսված բանակցություններին իր մասնակցությունը, սակայն չգիտի՝ արդյոք Ռուսաստանի նախագահ Վլադիմիր Պուտինը կմասնակցի՞, թե՞ ոչ։ Ինչպես «Արմենպրես»-ը տեղեկանում է Reuters-ից, այս մասին Կատար մեկնելիս նախագահական ինքնաթիռում լրագրողների հետ զրույցում նշել է Թրամփը։ «Նա (խմբ.՝ Պուտինը) կցանկանար, որ ես այնտեղ լինեմ, և դա հնարավոր […] ...
18:07 14.05.2025
Քաղաքաշինության կոմիտեի նախագահն այցելել է Եղվարդի բժշկական կենտրոնի շինհրապարակՔաղաքաշինության կոմիտեի նախագահ Եղիազար Վարդանյանն այցելել է Կոտայքի մարզում կոմիտեի համակարգմամբ կառուցվող Եղվարդի (Նաիրի) բժշկական կենտրոնի շինարարական հրապարակ։ Շրջայցին մասնակցող բժշկական կենտրոնի տնօրենի, Քաղաքաշինության կոմիտեի պատասխանատու ստորաբաժանումների մասնագետների, նախագծային, շինարարական և տեխնիկական հսկողություն իրականացնող կազմակերպությունների ներկայացուցիչների հետ նա դիտարկել է կատարված աշխատանքները՝ ընդգծելով որակի սահմանված նշաձողը պահպանելու կարևորությունը։ Ներկայում ընթանում են արտաքին պատերի երեսապատման, միջնորմների […] ...
17:54 14.05.2025
Բենզինի ռեզերվուարում բռնկված հրդեհը մարվել էՄայիսի 14-ին` ժամը 09:37-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Արին Բերդի փողոցում, նախնական տվյալներով, այրվում է բենզինի դատարկ ռեզերվուար: Հրդեհի բարդության «Թիվ 2» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, մեկ ավտոսանդուղք, Հրդեհաշիջման և փրկարարական աշխատանքների կազմակերպման բաժնի հերթապահ և Ճգնաժամային […] ...
