16:40 02.09.2020
ՀՀ կրթության, գիտության, մշակույթի և սպորտի նախարարի տեղակալ Նարինե Խաչատուրյանը և շինարարական կազմակերպությունների ղեկավար Նորայր Մարտիրոսյանն այսօր ստորագրել են հուշագիր Արագածոտնի մարզի Հարթավան համայնքի Աստվածընկալ վանական համալիրի Սուրբ Նշան եկեղեցու տանիքի և գավթի վերականգնման վերաբերյալ: Այս մասին հաղորդում են ԿԳՄՍ նախարարությունից։
Նախարարի տեղակալ Նարինե Խաչատուրյանը երախտագիտություն է հայտնել բարերարին համագործակցության առաջարկի և աջակցության համար ու ընդգծել նման աշխատանքների կարևորությունը. «Շնորհակալություն եմ հայտնում այս գործը ստանձնելու համար: Չափազանց կարևոր է ոչ միայն եկեղեցաշինությունն ու նոր հոգևոր, մշակութային արժեքների ստեղծումը, այլև եղած հարուստ ժառանգության պահպանումը և վերականգնումը: Այս տեսանկյունից սա շատ կարևոր և ուրախալի իրադարձություն է, որը, հուսով եմ, կդառնա լավ օրինակ: Հուշագրի ստորագրումը պետության և մասնավոր ոլորտի համագործակցության հիանալի օրինակ է՝ ի շահ մշակութային ժառանգության և ապագայի»,- ասել է Նարինե Խաչատուրյանը՝ ընդգծելով, որ նախարարությունը կհետևի վերականգնման աշխատանքների ամբողջ ընթացքին և մշտապես կաջակցի:
Ն. Մարտիրոսյանը նշել է, որ տպավորված է իրենց առաջարկին նախարարության արագ արձագանքից, ինչն ավելի է մեծացրել իր ոգևորությունը, գործը մինչև վերջ և սեղմ ժամկետներում ավարտին հասցնելու պատրաստակամությունը. «Շնորհակալ եմ նախարարությանը մեր առաջարկին արագ արձագանքելու և համագործակցության համար: Սա ինձ համար շատ կարևոր նախաձեռնություն է: Հոգևոր մշակույթի զարգացմանը պետք է նպաստել ոչ միայն մարդաշատ քաղաքներում նոր եկեղեցիներ կառուցելով, այլև լքված վայրերում գտնվող մեր հոգևոր կենտրոնները վերականգնելով: Կարծում եմ՝ եթե ունես գումար աշխատելու հնարավորություն, պետք է նաև կարողանաս աջակցել, ներդրումներ կատարել կարևոր ձեռնարկներում: Հույս ունեմ՝ վերականգնման աշխատանքներից հետո այս գողտրիկ եկեղեցին կգրավի նաև զբոսաշրջիկների ուշադրությունը»,- ասել է բարերարը՝ վստահեցնելով, որ աշխատանքները կիրականացվեն պատշաճ մակարդակով:
Նախատեսվում է, որ Սուրբ Նշան եկեղեցու վերականգնման աշխատանքները կտևեն 3 տարի, սակայն կողմերի համոզմամբ՝ ջանքերի համատեղումը կնպաստի աշխատանքներն ավարտել առավել սեղմ ժամկետներում։
23:59 16.06.2025
Ելփին բնակավայրի հարակից հատվածում հիմնանորոգվում է 6.4կմ երկարությամբ ճանապարհահատվածըՄ-2 միջպետական ճանապարհի՝ Ելփին բնակավայրի հարակից հատվածում հիմնանորոգվում է 6.4կմ երկարությամբ ճանապարհահատվածը։ Այս մասին հայտնել են «Ճանապարհային դեպարտամենտ» հիմնադրամից: Մանրամասները՝ տեսանյութում: ...
23:55 16.06.2025
Tasnim. Իրանը հրթիռների նոր ալիք է արձակել Իսրայելի ուղղությամբԻրանի զինված ուժերը սկսել են նոր հրթիռային հարվածներ հասցնել Իսրայելում գտնվող թիրախներին, հաղորդում է իրանական Tasnim լրատվական գործակալությունը։ Հրեական պետության ուղղությամբ արձակված հրթիռների ճշգրիտ թիվը չի նշվում։ ...
23:49 16.06.2025
Սա գիտակրթական ներուժի զարգացման կարևոր քայլ է․ Տիգրան ԱվինյանԵրևանի քաղաքապետ Տիգրան Ավինյանը Ֆոյսբուքի իր էջում գրել է. «Որպես Հայաստանի ազգային պոլիտեխնիկական համալսարանի Հոգաբարձուների խորհրդի նախագահ՝ ցանկանում եմ կիսվել մի կարևոր նախաձեռնությամբ։ ՀԱՊՀ-ում հիմնադրվել է «Ինտեգրալ սխեմաների նախագծման և մոդելավորման ուսումնական ու գիտահետազոտական լաբորատորիա»։ Պարզեցված ձևակերպմամբ՝ սա լաբորատոր միջավայր է, որտեղ կիրականացվի միկրոչիպերի և էլեկտրոնային համակարգերի նախագծում և փորձարկում՝ ժամանակակից ծրագրային ապահովման, բարձր ճշգրտությամբ […] ...
23:44 16.06.2025
Ավան վարչական շրջանում շարունակվում են բարեկարգման աշխատանքներըԱվան վարչական շրջանում շարունակվում են բարեկարգման աշխատանքները։ Այս մասին հայտնել են Երևանի քաղաքապետարանից: 2025-ին նախատեսվում է կառուցել և բարեկարգել 12 բակային տարածք՝ ավանցիների համար ստեղծելով ավելի հարմարավետ ու կանաչ միջավայր։ Մանրամասները՝ տեսանյութում: ...
23:37 16.06.2025
Ագրոօդերևութաբանական տեղեկատվություն. հունիսի 9-15-ըՀանրապետությունում շարունակվել է գյուղատնտեսական մշակաբույսերի աճն ու զարգացումը։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: Հովտային շրջաններում սկսվել է ծիրանի հասունացումը և շաքարանյութի կուտակումը, կատարվել է ընտրովի բերքահավաք։ ՀԱշնանացան ցորենը շարունակել է գտնվել կաթնային հասունացման փուլում։ Բանջարանոցային մշակաբույսերի մոտ սկսվել է ծաղիկների թառամումը։ Նախալեռնային և լեռնային շրջաններում շարունակվել է պտղատուների պտղի ձևավորումը, կարտոֆիլի […] ...
23:30 16.06.2025
Աշխարհի արագ շախմատի թիմային առաջնությունում հայ գրոսմայստեր Հայկ Մարտիրոսյանի մասնակցությամբ «Freedom» թիմը դարձավ բրոնզե մեդալակիրԼոնդոնում անցկացված 2025 թվականի աշխարհի արագ շախմատի թիմային առաջնությունում հայ գրոսմայստեր Հայկ Մարտիրոսյանի մասնակցությամբ «Freedom» թիմը դարձավ բրոնզե մեդալակիր: Այս մասին հայտնել են Հայաստանի շախմատի ֆեդերացիայից։ Թիմի անդամներն են. Վիշվանաթան Անանդ (Հնդկաստան) Լե Քուանգ Լիեմ (Վիետնամ) Սամուել Սևյան (ԱՄՆ) Ռաուֆ Մամեդով (Ադրբեջան) Հայկ Մարտիրոսյան (Հայաստան) Ալեքսեյ Սարանա (Սերբիա) Աննա Մուզիչուկ (Ուկրաինա) Թեոդորա Ինյաց (Սերբիա) Սարբարթո […] ...
