23:59 15.09.2020
Այսօր կայացել է Գյումրիի թիվ 25 հիմնական դպրոցի տնօրենի թափուր պաշտոնի համար հայտարարված մրցույթը: Սահմանված ժամկետում մրցույթի մասնակցության հայտ էին ներկայացրել յոթ թեկնածուներ: Նրանք բոլորն էլ ներկայացել ու մասնակցել են մրցույթին:
Մրցութային հանձնաժողովի 8 անդամներից ներկա են գտնվել վեցը, այս դեպքում մրցույթում անհրաժեշտ քվորում եղել է, ու մրցույթը կայացել է:
Հանձնաժողովի անդամները լսել են բոլոր յոթ թեկնածուների զարգացման հայեցակարգերը, որից հետո տեղի է ունեցել փակ գաղտնի քվեարկություն: Հաջորդ փուլ են անցել թեկնածուներից երկուսը` ներկայումս թիվ 9 դպրոցի փոխտնօրեն Իրինա Բաղդասարյանը՝ 2 ձայնով, և թիվ 25 հիմնական դպրոցի պատմության ուսուցիչ Մերուժան Մինասյանը` 4 ձայնով:
«Նման դեպքում անցկացվում է կրկնակի քվեարկություն: Մենք փակ քվեարկություն ենք անցկացրել երկրորդ անգամ: Մրցույթի ընթացքում, որպես այդպիսին, հաղթող չճանաչվեց: Ես, որպես խորհրդի նախագահ, երկու թեկնածուների փաստաթղթերը ուղարկելու եմ փոխվարչապետին, որը լիազորված է վճռելու մրցույթի վերջնական արդյունքները»,- SHANTNEWS.am-ին տեղեկացրել է Գյումրիի թիվ 25 հիմնական դպրոցի խորհրդի նախագահ Էմմա Պալյանը:
Ըստ նախագահի՝ շուրջ 4 ժամ ընթացող մրցույթից հետո միավորներ չստացած երկու մասնակիցներն արտահայտել են իրենց դժգոհությունները և հայտարարել, որ պատրաստվում են արդյունքները սահմանված կարգով բողոքարկել:
«Երկու թեկնածուները դժգոհում էին: Մրցույթին ներկա էին և՛ նախարարության ներկայացուցիչը, և՛ ՀԿ-ից դիտորդ, որոնք հավաստեցին, որ ամեն ինչ անցել է պահանջվող նորմերին համապատասխան: Տեղյակ չեմ թեկնածուները բողոքարկեցին, թե՝ ոչ: Մրցույթի ավարտից հետո նրանք դիմումը մեկ ժամվա ընթացքում պետք է ուղղեին անձամբ նախարարին»,- նշեց Էմմա Պալյանը:
Հիշեցնենք, որ Գյումրիի թիվ 25 հիմնական դպրոցի նախկին տնօրեն Գագիկ Ստեփանյանն աշխատանքից ազատվել էր մի քանի ամիս առաջ կենսաթոշակի անցնելու պատճառով, որից հետո մարզպետի որոշմամբ տնօրենի պաշտոնակատար էր նշանակվել նույն դպրոցի աշխարհագրության ուսուցչուհի Ալիսա Պողոսյանը, որը, սակայն, մրցույթին մասնակցելու հայտ չէր ներկայացրել:
12:34 11.05.2025
Պուտինն առաջարկել է Ուկրաինային վերսկսել ուղիղ բանակցություններըՌուսաստանի նախագահ Վլադիմիր Պուտինը Կիևին առաջարկել է Ստամբուլում վերսկսել ուղիղ բանակցությունները։ «Մենք բազմիցս առաջարկել ենք կրակի դադարեցման քայլեր։ Մենք երբեք չենք հրաժարվել ուկրաինական կողմի հետ երկխոսությունից։ Թույլ տվեք ևս մեկ անգամ հիշեցնել ձեզ։ 2022 թվականին բանակցությունները մենք չէինք խզել։ Դա ուկրաինական կողմն էր: Չնայած ամեն ինչին, մենք առաջարկում ենք, որ Կիևի իշխանությունները վերսկսեն բանակցությունները, որոնք […] ...
12:23 11.05.2025
Թամանյան փողոցում ծառն ընկել է «GAZ» մակնիշի ավտոմեքենայի վրաՄայիսի 10-ին, ժամը 22:56-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Թամանյան փողոցում ծառն ընկել է «GAZ» մակնիշի ավտոմեքենայի վրա․ անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը: Պարզվել է, որ ծառն ընկել և վնասել է շենքի բակում կայանած […] ...
12:09 11.05.2025
Մխիթարյանը բաց կթողնի առաջիկա խաղըՀենրիխ Մխիթարյանը բաց կթողնի «Տորինոյի» դեմ Իտալիայի Ա Սերիայի 36-րդ տուրի հանդիպումը, հայտնում է Tuttomercatoweb-ը։ Նա ազդրի մկանի ծանրաբեռնվածություն ունի և մարզչական շտաբը որոշել է ռիսկի չդիմել ու խաղադաշտ դուրս չբերել 36-ամյա ֆուտբոլիստին։ Մխիթարյանից բացի, «Ինտերի» ֆուտբոլիստներից թուրինյան ակումբի դեմ խաղն, ամենայն հավանականությամբ, բաց կթողնեն նաև Լաուտարո Մարտինեսը, Ֆրանչեսկո Աչերբին ու Բենժամեն Պավարը։ «Տորինո» – […] ...
11:53 11.05.2025
Փրկարարները հեռացրել են ծառը ճանապարհահատվածից․ երթևեկությունը վերականգնվել էՄայիսի 10-ին, ժամը 22:59-ին Լոռու մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Վանաձոր-Ալավերդի ավտոճանապարհին՝ Դսեղ գյուղ տանող կամրջի մոտակայքում, ծառ է ընկել. երթևեկությունը դարձել է միակողմանի։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարները մասնատել են ծառը և հեռացրել ավտոճանապարհից. երթևեկությունը վերականգնվել է։ ...
11:36 11.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
11:21 11.05.2025
Հայ ձյուդոիստները մնացին առանց մեդալներիՀայաստանի ձյուդոիստներն ավարտել են պայքարը «Մեծ սաղավարտի» հերթական մրցաշարում, որն անցկացվել է Աստանայում: Մինչև 60 կգ քաշային կարգում Աշիկ Անդրեյանը առաջին փուլում պարտվել է Ղազախստանի ներկայացուցչին։ 73 կգ քաշային կարգում Արտակ Թորոսյանը ևս չի կարողացել հաղթահարել մեկնարկային փուլը՝ պարտվելով կորեացի ձյուդոիստին։ Այս քաշային կարգում հանդես են եկել նաև Գեորգիոս Մարկարյանը (Հունաստան), Կարեն Գալստյանը և Արմեն […] ...
