19:34 22.06.2018
ԵԿՄ վարչության նախագահ, երկամսյա կալանքի մեջ գտնվող Մանվել Գրիգորյանի փաստաբանները բարձրաձայնում են իրենց հասցեին հնչող սպառնալիքների մասին: SHANTNEWS.am-ն այս առնչությամբ խոսեց Մանվել Գրիգորյանի փաստաբանների հետ մանրամասները ճշտելու համար:
Արսեն Մկրտչյանն ասաց, որ հանցագործության մասին հաղորդում է ներկայացրել ոստիկանություն: Նա իր ֆեյսբուքյան էջին սպառնալիքներ պարունակող նամակներ է ստանում, սպառնում են գալ, մորթել իրեն և ընտանիքի անդամներին: Պատճառն այն է, որ պաշտպանում է Մանվել Գրիգորյանի շահերը:
Լևոն Բաղդասարյանն այսօր ասուլիսի ժամանակ դիմեց վարչապետին, հորդորեց հրապարակավ հայտարարել, որ Մանվել Գրիգորյանի պաշտպաններին չվիրավորեն, չահաբեկեն, չնույնականացնեն իրենց պաշտպանյալի հետ:
Փաստաբանը նշեց, որ սպառնալիքների մասին հայտարարություն արել է իր գործընկերը, սակայն հանրահայտ փաստ է, որ, ընդհանուր առմամբ, կա բացասական տրամադրվածություն:
«Ես հորդորել եմ երկրի ղեկավարությանը օրենքով սահմանված կարգով միջոցներ ձեռնարկել, ավելորդ բացասական աուրայով չտրամադրել»,- ասաց նա:
Հարցին՝ իր հասցեին հնչող սպառնալիքներ եղե՞լ են, նա պատասխանեց.
«Համացանցը, որ բացեք, կծանոթանաք: Իհարկե կան»:
Փաստաբանից հետաքրքրվեցինք՝ պատրաստվո՞ւմ է հետևել գործընկերոջ օրինակին և դիմել ոստիկանություն, նա պատասխանեց.
«Առաջիկա օրերին տեսնեմ աստիճանը, նոր կկողմնորոշվեմ, այս պահին՝ ոչ»:
Կարեն Քամալյանն էլ ասաց, որ ուշադրություն չի դարձնում իր հասցեին հնչող սպառնալիքներին և չի վախենում դրանցից:
«Ցավդ տանեմ, իմ վախը հանած ա, ես ոչ մի բանից չեմ վախում, էդ սպառնալիքներն էլ ընդհանրապես չեն կարա անդրադառնան իմ ծառայողական պարտականությունները կատարելու վրա»,- ասաց նա:
Ճշտող հարցին՝ այդուհանդերձ, իր հասցեին սպառնալիքներ հնչե՞լ են, նա պատասխանեց, որ, ամեն դեպքում, ինքն ուշադրություն չի դարձրել:
«Բնականաբար, հնչած կլինեն, բայց իմ վախը հանած ա էս 20 տարվա գործունեության ընթացքում, էլի»,- նշեց փաստաբանը:
Քամալյանը նաև ասաց, որ չի պատրաստվում դիմել ոստիկանություն:
08:50 02.05.2025
Ռուբիոն կոչ է արել Իրանին թույլ տալ տեսուչներին մտնել բոլոր միջուկային օբյեկտներԱՄՆ պետքարտուղարը և ազգային անվտանգության հարցերով խորհրդականի ժամանակավոր պաշտոնակատար Մարկո Ռուբիոն ասել է, որ Իրանը պետք է թույլ տա միջազգային ստուգումներ իրականացնել իր բոլոր միջուկային օբյեկտներում, այդ թվում՝ ռազմական: Այս մասին նա ասել է Fox News-ին տված հարցազրույցում՝ մեկնաբանելով միջուկային ծրագրի շուրջ նոր համաձայնագրի հնարավոր պայմանները։ «Եթե Իրանն իսկապես ցանկանում է խաղաղ միջուկային էներգիա, այլ […] ...
08:38 02.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
08:30 02.05.2025
Իրանի ԱԳՆ․ Թեհրանը ձգտում է ԱՄՆ-ի հետ տարաձայնությունները լուծել բանակցությունների միջոցովԻրանը շարունակում է բանակցությունների միջոցով լուծել իր միջուկային ծրագրի շուրջ տարաձայնությունները: Այս մասին հայտարարել է Իսլամական Հանրապետության արտաքին գործերի նախարար Աբբաս Արաղչին՝ մեկնաբանելով ԱՄՆ-ի և Իրանի միջև բանակցությունների հաջորդ փուլը հետաձգելու որոշումը։ «Օմանցի և ամերիկացի մեր գործընկերների հետ մենք որոշել ենք հետաձգել բանակցությունների չորրորդ փուլը՝ լոգիստիկ և տեխնիկական պատճառներով։ Իրանական կողմից որևէ փոփոխություն չկա բանակցային […] ...
08:20 02.05.2025
Ֆրանսիայի ԱԳՆ. ԵՄ 3 երկրների հետ Իրանի խորհրդակցությունները չեն կայանաԻրանի և ԵՄ 3 երկրների (Գերմանիա, Մեծ Բրիտանիա և Ֆրանսիա) մասնակցությամբ խորհրդակցությունները, որոնք պետք է անցկացվեին մայիսի 2-ին Թեհրանի և Վաշինգտոնի միջև միջուկային ծրագրի շուրջ բանակցություններին ընդառաջ, չեն կայանա։ Այս մասին Agence France Presse-ին տված հարցազրույցում հայտարարել է Ֆրանսիայի ԱԳՆ ղեկավար Ժան-Նոել Բարրոն։ «Ենթադրվում էր, որ մինչև ԱՄՆ-Իրան բարձր մակարդակի հանդիպումը, պետք է տեղի ունենար […] ...
08:10 02.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
00:00 02.05.2025
ՆԳՆ շրջիկ սպասարկման գրասենյակները մայիս ամսին կշարունակեն հանրային ծառայություններ մատուցել ՀՀ մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով թե՛ միգրացիայի և քաղաքացիության ծառայության, թե՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ մայիս ամսին ծառայություններ կմատուցվեն հետևյալ բնակավայրերում․ մայիսի 2-ին ժամը 11։30-16։00 Կոտայքի մարզի Չարենցավան համայնքում (Կարեն Դեմիրճյան հրապարակ 1, Քաղաքապետարանի դիմաց), ժամը 11։30-16։00 Լոռու մարզի Ստեփանավան համայնքում (համայնքապետարանի տարածքում), մայիսի 12-ին Կոտայքի մարզի […] ...
