10:23 01.02.2021
ԱՄՆ-ն դատապարտել է Մյանմայում տեղի ունեցած հեղաշրջումը՝ նշելով, որ Վաշինգտոնը դեմ է ցանկացած փորձի՝ փոխելու վերջերս տեղի ունեցած ընտրությունների արդյունքները կամ խոչընդոտելու Մյանմայի ժողովրդավարական անցման գործընթացին։
BBC-ի փոխանցմամբ՝ ԱՄՆ պետքարտուղար Էնթոնի Բլինկենը կոչ է արել ազատ արձակել կառավարության բոլոր պաշտոնյաներին և քաղաքացիական հասարակության առաջնորդներին։ Նա հայտնել է, որ «ԱՄՆ-ն կանգնած է Բիրմայի ժողովրդի կողքին՝ ժողովրդավարության, ազատության, խաղաղության և զարգացման նրանց ձգտումներում։ Զինվորականությունը պետք է անմիջապես փոխի իր գործողությունները»։
Ավստրալիայի արտգործնախարարությունը զինվորականությանը կոչ է արել հարգել օրենքի ուժը, տարաձայնությունները լուծել օրինական մեխանիզմների միջոցով և անմիջապես ազատ արձակել բոլոր քաղաքացիական առաջնորդներին և մյուսներին, ովքեր ձերբակալվել են անօրինական կերպով։
ՄԱԿ-ի գլխավոր քարտուղար Անտոնիու Գուտերեշը «խստորեն դատապարտել է Մյանմայի պետական խորհրդական Աուն Սան Սու Չժիի և նախագահ Վան Մյինի և քաղաքական այլ ղեկավարների ձերբակալությունը երկրի նոր խորհրդարանի նիստի բացումից առաջ»։
ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկի տարածած հայտարարության մեջ նշվում է, որ Անտոնիու Գուտերեշը կոչ է անում զինվորական ղեկավարությանը հարգել Մյանմայի ժողովրդի կամքը և պահպանել դեմոկրատական նորմերը, ինչպես նաև ցանկացած տարաձայնություն լուծել խաղաղ երկխոսության ճանապարհով։
Հիշեցնենք՝ Մյանմայում ռազմական հեղաշրջում է տեղի ունեցել։ Վաղ առավոտյան զինվորականները ձերբակալել են երկրի դե ֆակտո ղեկավար Աուն Սան Սու Չժիին և այլ քաղաքական գործիչների։ Զինվորական հեռուստաընկերությունը հայտնել է, որ երկրում 1 տարով արտակարգ դրություն է մտցվել և իշխանության փոխանցում տեղի ունեցել։
Հեղաշրջումից առաջ կառավարության և զինվորականության միջև լարվածությունն աճել էր։ Զինվորական հրամանատարությունը պնդում էր, որ նոյեմբերին տեղի ունեցած ընտրությունները կեղծված են։ Մինչև 2011 թ.-ի ժողովրդավարական բարեփոխումները Մյանման, որը հայտնի է նաև որպես Բիրմա, ղեկավարվում էր զինվորականության կողմից։
15:27 20.08.2025
Տարադրամի փոխարժեքները օգոստոսի 20-ին
15:16 20.08.2025
Ոչ ոք չպետք է պահանջի, որ Վրաստանը սրի հարաբերությունները Ռուսաստանի հետ․ ՊապուաշվիլիԵվրամիությունը պետք է դադարեցնի Վրաստանից պահանջել սրել Ռուսաստանի հետ հարաբերությունները, սոցիալական ցանցերում հայտարարել է երկրի խորհրդարանի խոսնակ Շալվա Պապուաշվիլին։ «Զինված հակամարտության թեժ պահին, ինչպես Բրյուսելն արեց, ոչ ոք չպետք է պահանջի, որ Վրաստանը, որը երեք պատերազմ է անցել, սրի հարաբերությունները Ռուսաստանի հետ», – գրել է նա։ Ավելին, ինչպես նշել է Պապուաշվիլին, Եվրամիությունը «չպետք է նաև […] ...
15:08 20.08.2025
«Ես տեսնում եմ խնդիրները և կգտնեմ լուծումները»․ Մելիքյանը սեպտեմբերին կսկսի աշխատանքըԵղիշե Մելիքյանը սեպտեմբերին կսկսի իր ճանապարհը Հայաստանի ազգային հավաքականի հետ: Այս մասին հայտնում է ՀՖՖ-ն։ «Ես տեսնում եմ խնդիրները և կգտնեմ լուծումները»,-Մելիքյանի խոսքերն է մեջբերում ՀՖՖ-ն։ ...
14:54 20.08.2025
Պուտինն Էրդողանի հետ հեռախոսազրույց է ունեցելՌուսաստանի նախագահ Վլադիմիր Պուտինը իր թուրք գործընկեր Ռեջեփ Թայիփ Էրդողանի հետ հեռախոսազրույցի ընթացքում ներկայացրել է Անքորիջում կայացած ռուս-ամերիկյան գագաթնաժողովի իր գնահատականները: Այս մասին հայտնում է Կրեմլի մամուլի ծառայությունը: «Թուրքիայի Հանրապետության նախագահ Ռեջեփ Թայիփ Էրդողանի հետ հեռախոսազրույցի ընթացքում Ռուսաստանի Դաշնության նախագահ Վլադիմիր Պուտինը իր գնահատականն է տվել Անքորիջում կայացած ռուս-ամերիկյան գագաթնաժողովին», – ասվում է հաղորդագրության մեջ։ […] ...
14:41 20.08.2025
Վարչապետ Փաշինյանը շնորհավորական ուղերձ է հղել Հունգարիայի վարչապետինՎարչապետ Նիկոլ Փաշինյանը շնորհավորական ուղերձ է հղել Հունգարիայի վարչապետ Վիկտոր Օրբանին Ազգային տոնի առթիվ: Ուղերձում նշված է. «Հայաստանի Հանրապետության և անձամբ իմ անունից ջերմորեն շնորհավորում եմ Ձեզ և Հունգարիայի ժողովրդին՝ Ազգային տոնի առթիվ։ Գոհունակությամբ պետք է արձանագրեմ, որ վերջին ժամանակաշրջանում մեր երկրների միջև ձևավորված բարեկամական հարաբերությունները ստանում են նոր որակ, որոնք հիմնված են փոխվստահության և […] ...
14:36 20.08.2025
Միրզոյանը և Խոսե Մանուել Ալբարեսը քննարկել են Հայասատնի և Իսպանիայի միջև գործընկերության զարգացմանն ուղղված աշխատանքներըՕգոստոսի 20-ին ՀՀ ԱԳ նախարար Արարատ Միրզոյանը հեռախոսազրույց է ունեցել Իսպանիայի Թագավորության ԱԳ, ԵՄ և համագործակցության նախարար Խոսե Մանուել Ալբարեսի հետ։ Զրուցակիցները քննարկել են Հայասատնի և Իսպանիայի միջև գործընկերության զարգացմանն ուղղված աշխատանքները, այդ թվում երկկողմ բարձր մակարդակի փոխայցելությունների և ԵՄ հարթակում ակտիվ փոխգործակցության միջոցով։ Անդրադառնալով տարածաշրջանային թեմաների՝ նախարար Միրզոյանը շնորհակալություն է հայտնել Վաշինգտոնում Հայաստանի և […] ...
