17:52 01.02.2021
Պեկինի դժկամությունը՝ կիսվել COVID-19-ի ծագման վերաբերյալ ամբողջ տեղեկատվությամբ, խնդիր է, որը պետք է լուծել։ Interfax գործակալության փոխանցմամբ՝ այս մասին NBC հեռուստաընկերությանն ասել է ԱՄՆ պետքարտուղար Էնթոնի Բլինկենը:
Բլինկենի խոսքերով՝ կասկած չկա, որ COVID-19-ը «առաջին անգամ հարված է հասցրել» հենց Չինաստանում: Պետքարտուղարության ղեկավարը նշել է, որ Չինաստանի իշխանությունների կողմից թափանցիկության բացակայությունը լուրջ խնդիր է ներկայացնում, որով հարկավոր է զբաղվել։ Հարցին՝ արդյո՞ք Չինաստանի իշխանությունները պետք է պատասխանատվություն կրեն դրա համար, Բլինկենը պատասխանել է, որ այս պահին անհրաժեշտ է «տեղի ունեցածի վերաբերյալ լիարժեք պատկերացում և հաշվետվություն ստանալ»:
Բլինկենը նաև ասել է, որ միջազգային ասպարեզում ԱՄՆ-ն գործ ունի «Չինաստանի մարտահրավերի» հետ, և որ Վաշինգտոնը կամրապնդի իր դիրքերը Պեկինին դիմակայելու հարցում՝ մեծացնելով Միացյալ Նահանգների ներգրավվածությունը համաշխարհային քաղաքականության և միջազգային կազմակերպությունների գործունեության մեջ։
Հիշեցնենք՝ հունվարի 28-ին Առողջապահության համաշխարհային կազմակերպության 12 երկրների միջազգային փորձագետների խումբը, որը հետազոտում է COVID-19-ի ծագումը, երկշաբաթյա պարտադիր կարանտինից դուրս գալուց հետո անցել է աշխատանքի Ուհանում:
Գործակալությունը նշում է, որ COVID-19-ի ծագումը երկար ժամանակ ենթադրությունների առարկա է: Գիտնականների մեծ մասը կարծում է, որ վիրուսը կենդանական ծագում ունի: Հայտնի է, որ Ուհանում կորոնավիրուսով հիվանդացած առաջին մարդիկ այցելել էին Հուանան մեծածախ շուկա կամ աշխատում էին այնտեղ։ Շուկան վաճառում էր ծովամթերք, ինչպես նաև կենդանիներ՝ օձեր, թռչուններ, չղջիկներ: Սակայն «զրոյական հիվանդն» այդպես էլ չի հայտնաբերվել:
Վաշինգտոնում չեն բացառել, որ վիրուսը կարող էր պահվել Ուհանի վիրուսաբանության ինստիտուտի գիտական լաբորատորիայում: ԱՄՆ-ում նաև կարծիք կա, որ ԱՀԿ-ն նույնպես ներգրավված է COVID-19 բռնկման մասին տեղեկատվությունը թաքցնելու մեջ: Պեկինն այս վարկածն անհիմն է համարում:
15:16 20.08.2025
Ոչ ոք չպետք է պահանջի, որ Վրաստանը սրի հարաբերությունները Ռուսաստանի հետ․ ՊապուաշվիլիԵվրամիությունը պետք է դադարեցնի Վրաստանից պահանջել սրել Ռուսաստանի հետ հարաբերությունները, սոցիալական ցանցերում հայտարարել է երկրի խորհրդարանի խոսնակ Շալվա Պապուաշվիլին։ «Զինված հակամարտության թեժ պահին, ինչպես Բրյուսելն արեց, ոչ ոք չպետք է պահանջի, որ Վրաստանը, որը երեք պատերազմ է անցել, սրի հարաբերությունները Ռուսաստանի հետ», – գրել է նա։ Ավելին, ինչպես նշել է Պապուաշվիլին, Եվրամիությունը «չպետք է նաև […] ...
15:08 20.08.2025
«Ես տեսնում եմ խնդիրները և կգտնեմ լուծումները»․ Մելիքյանը սեպտեմբերին կսկսի աշխատանքըԵղիշե Մելիքյանը սեպտեմբերին կսկսի իր ճանապարհը Հայաստանի ազգային հավաքականի հետ: Այս մասին հայտնում է ՀՖՖ-ն։ «Ես տեսնում եմ խնդիրները և կգտնեմ լուծումները»,-Մելիքյանի խոսքերն է մեջբերում ՀՖՖ-ն։ ...
14:54 20.08.2025
Պուտինն Էրդողանի հետ հեռախոսազրույց է ունեցելՌուսաստանի նախագահ Վլադիմիր Պուտինը իր թուրք գործընկեր Ռեջեփ Թայիփ Էրդողանի հետ հեռախոսազրույցի ընթացքում ներկայացրել է Անքորիջում կայացած ռուս-ամերիկյան գագաթնաժողովի իր գնահատականները: Այս մասին հայտնում է Կրեմլի մամուլի ծառայությունը: «Թուրքիայի Հանրապետության նախագահ Ռեջեփ Թայիփ Էրդողանի հետ հեռախոսազրույցի ընթացքում Ռուսաստանի Դաշնության նախագահ Վլադիմիր Պուտինը իր գնահատականն է տվել Անքորիջում կայացած ռուս-ամերիկյան գագաթնաժողովին», – ասվում է հաղորդագրության մեջ։ […] ...
14:41 20.08.2025
Վարչապետ Փաշինյանը շնորհավորական ուղերձ է հղել Հունգարիայի վարչապետինՎարչապետ Նիկոլ Փաշինյանը շնորհավորական ուղերձ է հղել Հունգարիայի վարչապետ Վիկտոր Օրբանին Ազգային տոնի առթիվ: Ուղերձում նշված է. «Հայաստանի Հանրապետության և անձամբ իմ անունից ջերմորեն շնորհավորում եմ Ձեզ և Հունգարիայի ժողովրդին՝ Ազգային տոնի առթիվ։ Գոհունակությամբ պետք է արձանագրեմ, որ վերջին ժամանակաշրջանում մեր երկրների միջև ձևավորված բարեկամական հարաբերությունները ստանում են նոր որակ, որոնք հիմնված են փոխվստահության և […] ...
14:36 20.08.2025
Միրզոյանը և Խոսե Մանուել Ալբարեսը քննարկել են Հայասատնի և Իսպանիայի միջև գործընկերության զարգացմանն ուղղված աշխատանքներըՕգոստոսի 20-ին ՀՀ ԱԳ նախարար Արարատ Միրզոյանը հեռախոսազրույց է ունեցել Իսպանիայի Թագավորության ԱԳ, ԵՄ և համագործակցության նախարար Խոսե Մանուել Ալբարեսի հետ։ Զրուցակիցները քննարկել են Հայասատնի և Իսպանիայի միջև գործընկերության զարգացմանն ուղղված աշխատանքները, այդ թվում երկկողմ բարձր մակարդակի փոխայցելությունների և ԵՄ հարթակում ակտիվ փոխգործակցության միջոցով։ Անդրադառնալով տարածաշրջանային թեմաների՝ նախարար Միրզոյանը շնորհակալություն է հայտնել Վաշինգտոնում Հայաստանի և […] ...
