19:20 11.02.2021
Ավարտվել է համայնքների սուբվենցիոն հայտեր ներկայացնելու ժամկետը: Մարզպետարանները ընդունել են հայտերը և մինչև փետրվարի 5-ը դրանք ներկայացրել ՀՀ տարածքային կառավարման և ենթակառուցվածքների նախարարություն: Շիրակի մարզի համայնքները 62 հայտ են ներկայացրել: Դրանք վերաբերում են ճանապարհաշինությանը, մանկապարտեզների, մշակույթի տների վերանորոգմանը, ջրագծերի անցկացման և ֆոտովոլտային կայանների տեղադրմանը: Ընդհանուր գումարային հաշվարկում Շիրակի մարզը 4 մլրդ դրամից ավելի արժողության ծրագրերի հայտ է ներկայացրել, որի ուղիղ կեսը բաժին է հասնում Գյումրիին:
Ձյունը Գյումրիի փողոցներում հալվել է, ու նորից բացվել են մեծ ու փոքր փոսերը: Քաղաքի գրեթե բոլոր երկրորդական փողոցներն են քանդված ու ցեխոտ: Այդպիսիների ցանկը տասնյակների է հասնում: Քաղաքապետարանն այս տարի էլ մեծ ցանկից ընտրություն է կատարել, թե որ երկրորդական փողոցների վերանորոգումն է կարևոր և որոնց համար համայնքային բյուջեն կկարողանա համաֆինանսավորում կատարել:
«Ընտրել ենք 8 փողոց և 1 հրապարակ՝ Վարդանանց հրապարակը: Այն ասֆալտապատվել է 2013-ին, այսինքն՝ 8 տարի առաջ: Արդեն ճաքեր են առաջացել, աստիճանաբար քանդվում է: Ընտրել ենք դպրոց ու մանկապարտեզ տանող փողոցները, նորակառույց փողոցներն իրար կապող հատվածները, երկար կամ կարճ՝ կարևոր չէ: Այդ փողոցները ընդգրկել ենք սուբվենցիան հայտում, որպեսզի ցեխը դուրս չգա կենտրոնական փողոցներ»,- SHANTNEWS-ի հետ զրույցում նշել է Գյումրիի քաղաքապետարանի կոմունալ և շրջակա միջավայրի պահպանության բաժնի պետ Կնյազ Մանասյանը:
Մեկ այլ սուբվենցիոն հայտով Գյումրիում տրանսպորտային ցանցն է նորացվելու: 70 միկրոավտոբուս գնելու հայտ է ներկայացվել: Կառավարության և քաղաքապետարանի հավասար՝ 50/50 հարաբերակցությամբ են մեքենաները ձեռք բերվելու, եթե սուբվենցիոն հայտը բավարարվի:
«Ռուսական արտադրության մեքենաներ ենք ընտրել, որովհետև փորձը ցույց է տալիս, որ ռուսականներն ավելի հեշտ են շահագործվում, սպասարկումն ավելի էժան է, քան չինականը: 70 մեքենան գնելու ենք 50/50 հարաբերակցությամբ՝ սուբվենցիոն ծրագրով: Կառավարությունը ֆինանսավորելու է 35 մեքենայի ձեռք բերումը, ևս 35-ը քաղաքի բյուջեով է գնվելու»,- նշել է Գյումրիի քաղաքապետարանի տրանսպորտի բաժնի պետ Արտյոմ Սարգսյանը:
Գյումրիում շահագործվող չինական ավտոբուսներից ընդամենը երկուսն է սարքին, իսկ ամբողջ քաղաքի երթուղին սպասարկվում է 75 միկրոավտոբուսներով: Կառավարության որոշմամբ՝ 10 տարուց ավելի տարիք ունեցող տրանսպորտային միջոցները չեն կարող շահագործվել:
Գյումրիի ներկայացրած սուբվենցիոն հայտերը գումարային առումով ամենամեծն են, իսկ քանակով ամենաշատ հայտերը Մարմաշեն խոշորացված համայնքից է: Ընդհանուր առմամբ, նախորդ տարվա համեմատ՝ հայտերի քանակը նվազել է, բայց այս տարի, արժողությամբ ավելի մեծ ծրագրերի հայտեր են ներկայացվել:
«2020 թվականին ունեցել ենք 68 սուբվենցիոն հայտ: Քանակն ավելի շատ է եղել, սակայն գումարային առումով այս տարի ավելի զգալի է: Անցյալ տարի ներկայացվել էր 3,8 մլրդ դրամի չափով, սակայն այս տարի ունենք 4,3 մլրդ դրամի չափով սուբվենցիոն հայտ: Այսինքն՝ 2021 թվականը գերազանցում է 2020-ին»,– նշել է Շիրակի մարզպետարանի զարգացման ծրագրերի, զբոսաշրջության և վերլուծության բաժնի պետ Կարեն Բադիշյանը:
Տարածքային կառավարման և ենթակառուցվածքների նախարարությունը ուսումնասիրում է հայտերը: Երկու շաբաթից պարզ կդառնա, թե որ մարզում քանի հայտ կհաստատվի, քանիսը կմերժվի: Անցած տարի Շիրակի մարզում ընդամենը մեկ հայտ է մերժվել:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
21:11 01.05.2025
Ժամանակավորապես կդադարեցվի Երևանի և մարզերի որոշ հասցեների էլեկտրամատակարարումը«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մայիսի 2-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Արաբկիր վարչական շրջան՝ 11։00-17։00 Ձորափի փ. 70/2, 74 շենքեր, Ռիգայի փ. 12-14 առանձնատներ, Քոչարի փ. 41-139 առանձնատներ, Աճառյան փ. 37/7-39/8 առանձնատներ, Երևանի Մալաթիա-Սեբաստիա վարչական շրջան՝ 10:00-16:00 Լուկաշինի 1, 2, 3 փողոցներ և հյուսիս-հարավ […] ...
20:51 01.05.2025
Պայթյուն Երևան քաղաքի Սարյան փողոցում. կան տուժածներՄայիսի 1-ին, ժամը 19:31-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Սարյան փողոցի 2/2 հասցեի մոտակայքում ավտոմեքենայում տեղի է ունեցել պայթյուն․ կան տուժածներ։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և ոստիկանության կարգախմբեր։ Պարզվել է, որ «Opel» մակնիշի ավտոմեքենայում տեղի է ունեցել գազաբալոնի պայթյուն․ […] ...
20:36 01.05.2025
Իրանը կշարունակի ԱՄՆ-ի հետ արդյունքների հասնելուն ուղղված բանակցություններըԻրանը կշարունակի վճռականորեն մասնակցել Միացյալ Նահանգների հետ արդյունքների վրա կենտրոնացած բանակցություններին՝ իր միջուկային ծրագրի շուրջ տարաձայնությունները լուծելու համար։ Այս մասին նշվում է Իսլամական Հանրապետության արտաքին գործերի նախարարության հայտարարության մեջ, որը տարածվել է երկխոսության հաջորդ փուլը հետաձգելու որոշումից հետո։ «Բանակցությունների հենց սկզբից իրանական պատվիրակությունը բարեխղճորեն ուրվագծել է հստակ շրջանակ, որը հիմնված է մեր երկրի սկզբունքային դիրքորոշումների […] ...
20:14 01.05.2025
Բաղրամյան գյուղում թոնրատուն է այրվելՄայիսի 1-ին, ժամը 17:50-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Բաղրամյան գյուղի Հակոբյան փողոցում այրվում է թոնրատուն։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Հրդեհը մեկուսացվել է ժամը 18։07-ին, մարվել՝ 18։26-ին: Այրվել են թոնրատունը (20 քմ), կենցաղային իրեր և հարակից խորդանոցի տանիքի փայտե […] ...
19:51 01.05.2025
Արթուր Սերոբյանի գեղեցիկ գոլը «Շերիֆի» կազմումՄոլդովայի գավաթի խաղարկության կիսաեզրափակչի առաջին խաղում Տիրասպոլի «Շերիֆը» մրցակցի դաշտում 2-1 հաշվով հաղթել է «Զիմբրուին»։ Հյուրերի մեկնարկային կազմում էր Հայաստանի ազգային հավաքականի կիսապաշտպան Արթուր Սերոբյանը, որը 22-րդ րոպեին հեռվից գեղեցիկ հարվածով խփել է իր թիմի երկրորդ գոլը։ Կողմերի պատասխան հանդիպումը կկայանա մայիսի 14-ին։ View this post on Instagram A post shared by FC […] ...
