Ադրբեջանի գլխավոր դատախազությունը հաստատել է գեներալ-լեյտենանտ Ռովշան Աքփերովի ձերբակալությունը

Ադրբեջանի գլխավոր դատախազությունը հաստատել է գեներալ-լեյտենանտ Ռովշան Աքփերովի ձերբակալությունը: Նշվում է, որ մանրամասն տեղեկատվություն կտրամադրվի: Դատարանը որպես խափանման միջոց ընտրել է 4 ամիս ժամկետով ազատազրկումը: Վերջին շրջանում նա ղեկավարում էր 4-րդ (Բաքվի) բանակային կորպուսը: Աքփերովը հեռացվել է Պաշտպանության նախարարությունից պատերազմի առաջին օրերին: Բայց միայն փետրվարի 8-ին է հաղորդվել, որ Պաշտպանության նախարար Զաքիր Հասանովը հրաման է ստորագրել նրան հեռացնելու մասին: Նա մասնակցել է ղարաբաղյան առաջին պատերազմին: Երկու անգամ պարգևատրվել է «Ադրբեջանի դրոշ» շքանշանով ու մեդալներով: Աքփերովը ազգային հերոս է: Նա այն ստացել է Հեյդարից՝ 1995-ին Բաքվում ՕՄՕՆ-ի խռովությունները ճնշելու համար: Նա ռազմական հանցագործ է: Նրա զոհն էր գերի ընկած Տավուշի մարզի բնակիչ Կարեն Պետրոսյանը, որին 2014-ին նա անձամբ է խոշտանգումների ժամանակ սպանել:

Կան կադրեր և լուսանկարներ, որոնք ցույց են տալիս, թե ինչպես է նա նվաստացնում և ծաղրում Պետրոսյանին: Նրա անունը հիշատակվում է 2001 թվականին Կիևում գործարար Էլչին Ալիևի սպանության հետ կապված: Ենթադրաբար, գեներալը մեղադրվում է սպանության մեջ, բայց տեղեկություններ կան խռովություն կազմակերպելու փորձի մասին: Աքփերովն այն քչերից է, որը կարող էր դա անել: Նա գլխավոր շտաբի նախկին պետ Նաջմեդդին Սադիխովի թիմից էր: Այժմ մաքրում են նրա բոլոր մարդկանց: Նրա հետ միասին աշխատանքից հեռացվել են կազմավորման հրամանատար, գեներալ-մայոր Խագանի Ջեբրաիլովը, գեներալ-մայոր Ռամիլ Ասկերովը, Սադիգովի զարմիկը և մի քանի այլ գեներալներ: Նաջմեդդին Սադիկովը ադրբեջանական բանակի հիմնադիր հայրն է: Նա ստեղծել է Գլխավոր շտաբը և ղեկավարել այն 28 տարի՝ 1993 թվականից: Որտեղ է նա այժմ՝ անհայտ է: Ըստ որոշ աղբյուրների՝ նա գտնվում է Մոսկվայում, ըստ մյուսների՝ Բաքվում տնային կալանքի տակ:

Գերմանիայում բնակվող բլոգեր Գաբիլ Մամեդովը պնդում է, որ Անկարայի խնդրանքով նրան տեղափոխել են Թուրքիա՝ հայրենիքի դավաճանության մեջ մեղադրվող 6 այլ ադրբեջանցի գեներալների հետ: Ըստ որոշ տեղեկությունների՝ նա նույնպես մեղադրվում է պետական դավաճանության մեջ: Մամուլում հրապարակումներ կային, որ նրա միջոցով ռուսները իմացել են պատերազմի սկսվելու օրվա մասին և կարողացել են տեղեկությունները փոխանցել հայերին: Նա նաև մեղադրվում է Տավուշի սահմանին հուլիսյան ռազմական գործողությունը ձախողելու մեջ, երբ գեներալը սպանվել է:

Ադրբեջանական բանակի հրամանատարության մեջ վաղուց արդեն ձևավորվել են երկու մրցակից ճամբարներ: Առաջինը՝ անկախ զինված ուժերի հայեցակարգի կողմնակիցները, երկրորդը՝ թուրքական բանակի հետ փաստացի միաձուլման և թուրքական զինված ուժերի ենթակայության տակ գտնվելու կողմնակիցները: Առաջին խմբի ղեկավարներն էին Սադիկովը և Աքփերովը: Նրանք դեմ էին թուրքերի զանգվածային ներգրավմանը և գործողության ընդհանուր կառավարման նրանց փոխանցմանը: Այս զտումը կարող է լինել Անկարայի պահանջի հետևանք: Այդ դեպքում Ալիևի զիջումը կնշանակի վերահսկողության վերջնական կորուստ սեփական բանակի նկատմամբ: