ԾՀՕԿ, վարորդ, երաժիշտ. Ծառայության ի՞նչ առանձին ձևեր են գործում սկսած այս զորակոչից – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
30 04 2025
  • $
    389.45
  • RUBLE
    4.78
  • 443.12
WEATHER
+15.09 oC

ԾՀՕԿ, վարորդ, երաժիշտ. Ծառայության ի՞նչ առանձին ձևեր են գործում սկսած այս զորակոչից

16:43 04.07.2018

Հայաստանի զինված ուժերում այժմ գործում է զորակոչի վիճակահանությամբ անցկացվող ընթացակարգ՝ նորակոչիկն ինքն է վիճակահանությամբ ընտրում իր ծառայության զորամասը։ Սակայն այժմ բանակ ուղարկվող զորակոչիկներին, նրանց ունակություններից ելնելով, բաժանում են տարբեր խմբերի՝ ծառայությունն ավելի արդյունավետ դարձնելու համար։ Կենտրոնական հավաքակայանում անցկացված ճեպազրույցի ընթացքում ՀՀ ԶՈւ ԳՇ կազմզորահավաքային վարչության պետ, գեներալ-մայոր Կամո Քոչունցն այսօր ներկայացրեց, թե ինչ խմբեր կան։

  1. Ծառայություն՝ հեշտացված օրվա կարգացուցակով («ԾՀՕԿ» թմբուկը) տարբերակն այս տարի առաջին անգամ է մտցվել։ Այս ծառայության մեկնելու են թերքաշ, գերքաշ, գիշերամիզություն ու հեմոգլոբինի քանակի խախտումներ ունեցողները։ Նրանք ծառայելու են անցակետերում, հոսպիտալներում ու ընդհանրապես հեշտ ծառայություն ենթադրող վայրերում։ Այս ծրագրի մանրամասները կարող եք տեսնել այստեղ։
  2. Վարորդների («Վ») թմբուկից վիճակահանությանը մասնակցում են ՀՀ ՊՆ պատվերով հատուկ վարորդական ուսուցում անցած զորակոչիկները։
  3. Ռուսաստանի Դաշնության Սահմանապահ զորքեր («ՌԴՍԶ») գործուղվում են հայ-ռուսական համաձայնություններով նախատեսված քանակի զորակոչիկներ։ Ռուսական կողմի մասնագետներն ընտրում են իրենց համար նախընտրելի զորակոչիկներին։ Սակայն վերջիններս ընտրում են սովորական կարգով՝ վիճակահանությամբ են ընտրում իրենց զորամասը։ Եվ միայն ՌԴՍԶ կտրոն քաշելու դեպքում կարող են գործուղվել այնտեղ ծառայության։
  4. Ուսումնական զորամասում խոհարարի («Ուխ» թմբուկ) մրցույթին մասնակցելու կարգը սահմանված էր նաև նախկինում։ Զորակոչիկներն այս թմբուկից կտրոն քաշելուց հետո մեկնում են ուսումնական զորամաս, սովորում խոհարարի մասնագիտություն, ապա տեղափոխվում զորքեր՝ հիմնականում դիրքապահ ստորաբաժանումների կազմում դիրքերում խոհարարի ծառայություն իրականացնելու։
  5. Ուսումնական զորամասում համազորային («Ուհ» թմբուկ) մրցույթին մասնակցողները համազորային՝ հրաձգային, մոտոհրաձգային և այլ մասնագիտություններ ստանալու համար զորակոչվելուց անմիջապես հետո գործուղվում են ուսումնական զորամասեր, ապա ջոկի հրամանատարի պաշտոնները լրացնելու համար ուղարկվում են զորքեր։
  6. Ուսումնական զորամասում տեխնիկական («Ուտ» թմբուկ) մասնագիտացում ստանալու համար ընտրվում են քաղաքացիական տեխնիկական կրթություն ունեցողները։ Նրանք ուսումնական զորամասերում ստանում են կապավորի, ՀՕՊ մասնագետի, հրետանավորի որակավորումներ, ինչից հետո ուղարկվում են զորքեր։
  7. Պատվո պահակախումբ («ՊՊ») մեկնելու համար առանձին ընտրություն կատարվում է արտաքին համապատասխան տվյալներ ունեցող զորակոչիկների միջև։ Քոչունցը բացատրեց, որ միշտ չէ, որ հեշտությամբ են գտնում այդպիսի նորակոչիկների, քանի որ այստեղ ծառայության ուղարկելու համար հաշվի են առնում ոչ միայն հասակը, այլև դիմագծերը և այլն։
  8. Ուսումնական զորամասում ուժակուտակչագործ վարպետների («Ուվ» թմբուկ) մրցույթին մասնակցում են ակումուլյատորների սպասարկման մասնագետները, որոնց թիվը չի էլ գերազանցում 10 զորակոչիկը։ Պատճառն այն է, որ վերանորոգման ստորաբաժանումներում ներկայում ծառայում են հիմնականում պայմանագրայիններ, և ժամկետայինների քիչ պահանջարկ կա։
  9. Երաժիշտները, երգիչներն ու պարողները իրենց ծառայության վայրն ընտրում են «Ե» թմբուկից, որտեղից քաշած կտրոնի հիման վրա էլ գործուղվում են այս կամ այն զորամասի երաժշտական դասակ։
  10. Վերը նշված ոչ մի առանձնահատուկ թմբուկից ընտրություն չկատարողներն իրենց ծառայության վայրը որոշում են Ընդհանուր («Ը») թմբուկից վիճակահանության միջոցով։ Զորակոչիկների մեծ մասը, Քոչունցի հավաստմամբ, հենց այս տարբերակով են մեկնում ծառայության, քանի որ վերը նշված առանձնահատուկ դեպքերը շատ չեն։

Բոլոր լուրերը

Կապակցված լուրեր

Ներկայացվել է մայիս ամսվա եղանակի կանխատեսումը

12:12 30.04.2025

Ներկայացվել է մայիս ամսվա եղանակի կանխատեսումը

«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է մայիս ամսվա եղանակի կանխատեսումը։ Նշվում է, որ օդի ամսական միջին ջերմաստիճանը և տեղումների քանակը սպասվում է նորմային մոտ։ ...

SHANTNEWS

12:00 30.04.2025

SHANTNEWS

Հայտնաբերվել է 190 գրամից ավելի մարիխուանա․ Աշտարակի համայնքային ոստիկանների բացահայտումը

11:52 30.04.2025

Հայտնաբերվել է 190 գրամից ավելի մարիխուանա․ Աշտարակի համայնքային ոստիկանների բացահայտումը

Համայնքային ոստիկանության Աշտարակի բաժնի ծառայողները ստացել էին տեղեկություն, որ փաստացի Աշտարակ քաղաքում բնակվող 38-ամյա տղամարդը զբաղվում է ապօրինի թմրաշրջանառությամբ: Տղամարդը հայտնաբերվեց ու ձերբակալվեց: Նրա խուզարկությամբ հայտնաբերվեց մոխրացած հետքերով կաթուցիչ ու մարիխուանայի նմանվող զանգվածով փաթեթ: Ըստ նրա` փաթեթում թմրանյութ էր: Արագածոտնի մարզային քննչական վարչությունում նախաձեռնված քրեական վարույթի շրջանակում զննվեց նրա բնակարանը։ Արդյունքում հայտնաբերվեց 190 գրամից ավելի […] ...

Պետդեպարտամենտը սպառնում է դուրս գալ Ուկրաինայի հարցով բանակցություններից, եթե առաջընթաց չգրանցվի

11:43 30.04.2025

Պետդեպարտամենտը սպառնում է դուրս գալ Ուկրաինայի հարցով բանակցություններից, եթե առաջընթաց չգրանցվի

Միացյալ Նահանգները կհրաժարվի մասնակցել Ուկրաինայի հարցով բանակցային գործընթացին, եթե այն կանգ առնի, հայտարարել է Պետդեպարտամենտի մամուլի խոսնակ Թեմի Բրյուսը։ «Հիմա ժամանակն է, որ երկու կողմերն էլ ներկայացնեն առաջարկներ, թե ինչպես վերջ դնել այս հակամարտությանը, եթե առաջընթաց չլինի, ապա մենք՝ միջնորդներս, կհեռանանք այս գործընթացից», – ասել է նա ճեպազրույցի ժամանակ։ Սակայն նա չի մանրամասնել, թե հակամարտության […] ...

ՍԱՏՄ ղեկավար Արմեն Դանիելյանն աշխատանքից ազատման դիմում է ներկայացրել

11:28 30.04.2025

ՍԱՏՄ ղեկավար Արմեն Դանիելյանն աշխատանքից ազատման դիմում է ներկայացրել

Սննդամթերքի անվտանգության տեսչական մարմնի (ՍԱՏՄ) ղեկավար Արմեն Դանիելյանը ներկայացրել է պաշտոնից ազատման դիմում։ Այս մասին «Արմենպրես»-ի հետ զրույցում հայտնեց ՍԱՏՄ իրազեկման, խորհրդատվության և հանրության հետ տարվող աշխատանքների բաժնի պետ Անուշ Հարությունյանը։ «Արմեն Դանիելյանը ՍԱՏՄ ղեկավարի պաշտոնից ազատման դիմում է ներկայացրել, պատճառն ինձ հայտնի չէ: Աշխատանքից ազատման վարչապետի որոշում, սակայն, դեռ չկա»,- ասաց Հարությունյանը։ Արմենը Դանիելյանը […] ...

Կտրել-տարել էին նոր կառուցվող բարձրավոլտ էլեկտրացանցի հաղորդալարեր. Սիսիանի համայնքային ոստիկանների բացահայտումը

11:18 30.04.2025

Կտրել-տարել էին նոր կառուցվող բարձրավոլտ էլեկտրացանցի հաղորդալարեր. Սիսիանի համայնքային ոստիկանների բացահայտումը

Համայնքային ոստիկանության Սիսիանի բաժնի ծառայողները ստացել են օպերատիվ տեղեկություն, որ Գորիս համայնքի Հարթաշեն բնակավայրի երեք բնակիչ Երևան-Մեղրի ավտոճանապարհի 198-199-րդ կիլոմետրերի հատվածում կառուցվող և կարևորագույն նշանակություն ունեցող բարձրավոլտ ցանցի էլեկտրասյուներից կատարում են հաղորդալարերի գողություն: Հետագա միջոցառումներով պարզվեց, որ նրանք կտրած-գողացված հաղորդալարերը տեղափոխելու համար բարձել են 33-ամյա հարթաշենցու վարած բեռնատարը, գողության ժամանակ օգտագործած գործիքներն էլ թաքցրել են […] ...

BACK_TO_TOP