18:45 31.03.2021
Google Maps հարթակում ստեղծվել է Գյումրիի հուշարձանների ու տեսարժան վայրերի էլեկտրոնային քարտեզը, որի միջոցով հնարավոր է գտնել քաղաքում հայտնի ու անհայտ կոթողները, դրանց տեղակայման վայրերն ու ամփոփ ինֆորմացիա հուշարձանի մասին։ Հեղինակը Համլետ Ղազարյանն է: Արդեն երկու տարի է՝ շրջում է քաղաքի բոլոր փողոցներով ու թաղամասերով, լուսանկարում հայտնի ու անհայտ քանդակները, խաչքարերն ու տեսարժան վայրերը: Որոշակի բազա ունենալուց հետո որոշել է ստեղծել հուշարձանների էլեկտրոնային քարտեզ։
«Էս քարտեզը թույլ է տալիս ամբողջ քաղաքի պատկերն ունենալ, որպեսզի եկող զբոսաշրջիկները կարողանան ընտրելու ավելի լայն հնարավորություն ունենան՝ ուր գնան, ինչ տեսնեն՝ ըստ իրենց նախասիրությունների, և քաղաքն ավելի շատ ճանաչեն»,- SHANTNEW.am-ի հետ զրույցում նշել է Համլետ Ղազարյանը։
Գյումրիի նախկին մանվածքային ֆաբրիկայի տարածքում գտնվող խճանկարը էլեկտրոնային քարտեզի հեղինակը բացահայտել է իր շրջայցերից մեկի ժամանակ, լուսանկարել է և հստակ տեղորոշումով տեղադրել է օնլայն հարթակում: Խճանկարի հարևանությամբ է գտնվում Մեծ հայրենականում զոհված մանվածքային ֆաբրիկայի աշխատակիցների հուշակոթողը:
Էլեկտրոնային քարտեզն ունի 10 շերտ, քանդակներից և հուշարձաններից բացի, քարտեզում ներառված են աղբյուրները, կիսանդրիները, հուշատախտակները, հուշասյուները, քանդակազարդ կամարներն ու հարթաքանդակները: Բոլոր բաժինները ներկայացված են գունային շերտերով ու տարբերանշաններով:
Քարտեզի ամենամեծ բաժինը խաչքարերի հատվածն է՝ մոտ 120 խաչքարով: Դրանք տարբեր ժամանակահատվածներում քաղաքի թաղամասերում տեղադրված խաչքարեր են: Քաղաքի հատակագծի էլեկտրոնային պատկերում գունավոր նշումները արագ ավելանում են: Հեղինակի բացահայտումները շարունակելի են։
«400-ին մոտ օբյեկտներ եմ ես նշել քաղաքում։ Այս քարտեզը գալիս է ցույց տալու, որ իրոք մշակութային մայրաքաղաք է, որովհետև 400 հուշարձան մի փոքրիկ քաղաքում կենտրոնացված լինելը վկայում է, որ այս առումով շատ զարգացած է»,- ասում է մտահղացման հեղինակը։
Հին ու նոր հուշարձանների բացահայտումներն առիթ են նաև հեղինակի համար ահազանգ ու մտահոգություն հնչեցնելու շատ գործերի քայքայման մասին։ Քաղաքի ծայրամասային թաղամասում, քայքայված ու քանդված Սավոյան փողոցին հարող հատվածում է գտնվում գյումրեցի հայտնի քանդակագործ, ՀՀ վաստակավոր նկարիչ Զավեն Կոշտոյանի «Շինարարներ» հարթաքանդակը, որի պահպանության մասին առաջին մտահոգությունը չէ, որ մասնագետները հայտնում են։
«Հարթաքանդակը նույնիսկ նկարելու հնարավորություն չկար, դիմացը ամբողջովին թփեր ու ծառեր էին։ Բարձիթողի վիճակում է գտնվում կոթողը, որոշ հատվածներ քանդված են, քարերն ընկել են, տարածքը անբարեկարգ, ցավոք, էդպիսի շատ հուշարձաններ կան մեր քաղաքում»,- ասում է Համլետ Ղազարյանը։
Անտեսված լինելուց և ոչնչացումից փրկել, հեղինակը հույս ունի, որ կօգնի իր էլեկտրոնային քարտեզը, եթե խնդիրը պատասխանատուների ուշադրությանն արժանանա։ Համլետն առաջիկայում ինտերնետային տիրույթում կտեղադրի նաև գյուղական համայնքների հետաքրքիր վայրերի էլեկտրոնային քարտեզները։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
23:26 03.05.2025
Երևանում «Volkswagen ID.4»-ը բախվել է կայանված «BMW»-ին
00:00 04.05.2025
Տիգրան Սողոմոնյանը «Sardinia World Chess Festival 2025» շախմատի միջազգային մրցաշարի B խմբի հաղթողՏիգրան Սողոմոնյանը դարձավ Իտալիայում անցկացված «Sardinia World Chess Festival 2025» շախմատի միջազգային մրցաշարի B խմբի հաղթող։ Այս մասին հայտնել են Հայաստանի շախմատի ֆեդերացիայից։ Տիգրանը 9 հնարավորից վաստակեց 7.5 միավոր և 188 կետով բարելավեց իր միջազգային վարկանիշը: ...
23:51 03.05.2025
Գեղարքունիքի և Կոտայքի մարզերի մի շարք հասցեներում ջուր չի լինի«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված՝ ս.թ. մայիսի 5-ին՝ ժամը 08:00-ից մինչև մայիսի 6-ը՝ ժամը 08:00-ն, կդադարեցվի՝ Գեղարքունիքի մարզի Սևանի քաղաքի, Գագարինավան, Վարսեր գյուղերի, ինչպես նաևԿոտայքի մարզի Ջրառատ գյուղի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
23:45 03.05.2025
Երևանում «КамАЗ»-ը բախվել է գազատար խողովակներին, ինչի հետևանքով սկսվել է գազի արտահոսքՄայիսի 3-ին, արտակարգ դեպք է տեղի ունեցել Երևանում։ Ժամը 16։50-ի սահմաններում Սուրեն Սաֆարյան և Շոպրոն փողոցների խաչմերուկում «КамАЗ» մակնիշի բեռնատարը բախվել է գազատար խողովակներին։ Ինչպես հայտնում է shamshyan.com-ը, բախման հետևանքով տուժածներ չկան, սակայն գազախողովակները վնասվել են և սկսվել է գազի արտահոսք։ Դեպքի վայր են ժամանել ՀՀ ներքին գործերի նախարարության փրկարար ծառայության Երևանի հրշեջ -փրկարարական ջոկատից՝ […] ...
23:39 03.05.2025
Telegram-ում ավելացվել է նոր գործառույթՊավել Դուրովը հայտարարել է Telegram-ում նոր գործառույթի՝ խմբային զանգերի գործարկման մասին, որի կարող է միանալ մինչև 200 մասնակից։ Այս մասին նա գրել է իր Telegram ալիքում։ «Telegram-ի վերջին թարմացումը կներդնի ուլտրա անվտանգ խմբային զանգեր։ Դրանք պաշտպանված են ոչ միայն բաժանորդների կոդավորմամբ, այլև բլոկչեյնանման տեխնոլոգիայով՝ ապահովելու համար, որ ոչ ոք չկարողանա գաղտնի կերպով միանալ դրանց», – […] ...
23:26 03.05.2025
Երևանում «Volkswagen ID.4»-ը բախվել է կայանված «BMW»-ինՄայիսի 3-ին, արտակարգ դեպք է տեղի ունեցել Երևանում: Ժամը 13:50-ի սահմաններում «Volkswagen ID.4» մակնիշի ավտոմեքենան, ըստ նախնական տեղեկությունների, տեխնիկական անսարքության պատճառով Պարույր Սևակի փողոցում բախվել է ճանապարհի թույլատրելի հատվածում կայանված «BMW» մակնիշի ավտոմեքենային, ապա անցել երթևեկելի 2 գոտիով, բախվել մեկ այլ կայանված ավտոմեքենայի, անցել բազալտե եզրաքարի վրայով, հայտնվել հետիոտնի համար նախատեսված մայթին և բախվել քարե […] ...
23:09 03.05.2025
Finnair-ը Հելսինկիում գործադուլի պատճառով չեղարկել է գրեթե 100 չվերթFinnair -ը հայտարարել է մոտ 100 չվերթի չեղարկման մասին՝ Ֆինլանդիայի ավիացիոն միության կողմից մայիսի 5-ին նախատեսված գործադուլի պատճառով։ Այս մասին հաղորդում է kommersant.ru-ն։ Ընկերության ներկայացուցիչների խոսքով՝ սպասվում են թռիչքների ժամանակացույցի զգալի փոփոխություններ։ Հելսինկիում գործադուլը կտևի չորս ժամ և կընթանա հերթափոխով։ Finnair-ը հայտարարել է, որ 7500 ուղևորի տեղեկացրել է այլընտրանքային երթուղիների մասին։ Բացի այդ, գործադուլը կարող […] ...
