18:26 27.01.2018
Հանրապետության նախագահ, զինված ուժերի գերագույն գլխավոր հրամանատար Սերժ Սարգսյանն այսօր Նախագահի նստավայրում հանդիպում է ունեցել 2017-2018թթ. զորացրված՝ լավագույն արդյունքներ և դրական բնութագիր ունեցող թվով 30 զինծառայողների հետ: Բաց և անկաշկանդ մթնոլորտում բանակի և ծառայության ընթացքում ի հայտ եկող խնդիրների, դրանց լուծման հնարավոր ուղիների, պետության կողմից ձեռնարկվող քայլերի և զինված ուժերում իրականացվող բարեփոխումների վերաբերյալ զրույցից բացի, հանդիպման ընթացքում ներկայացվել են պաշտպանության նախարարության նախաձեռնած «Դիտակետ» ծրագրի շրջանակում իրականացված սոցիոլոգիական հետազոտության արդյունքները, որոնց մասնակցել են նաև հանդիպմանը ներկա մի շարք զորացրված զինծառայողներ:
Հանրապետության Նախագահը նախ շնորհավորել է հանդիպման մասնակիցներին մի քանի առիթով՝ պարտքը հայրենիքի հանդեպ պատասխանատվությամբ կատարելու և տուն վերադառնալու, ինչպես նաև այսօր նշվող՝ զորավար Սուրբ Սարգսի օրվա ու գալիք տոնի՝ ՀՀ ԶՈՒ կազմավորման 26-րդ տարեդարձի կապակցությամբ, այնուհետև կարևորել է նման հանդիպումներն ու ներկայացրել դրանց հիմնական նպատակը:
«Բոլորին հասկանալի է, որ զինվորական ծառայությունը թեթև զբոսանք չէ, որ զինվորական ծառայությունն ունի իր դժվարությունները, իր բարդությունները, բայց ես վստահ եմ, որ ձեզնից յուրաքանչյուրը, բարեհաջող ավարտելով իր ծառայությունը, այնուհետև ծառայության տարիները հիշելու է հպարտությամբ, ջերմությամբ: Եվ նույնիսկ, եթե այդ ծառայության ընթացքում որևէ մեկը ինչ-որ բանից նեղսրտել է կամ դժվարություններ է ունեցել, ապա դրանք մոռացության գիրկն են գնալու ժամանակի ընթացքում, և հիշվելու է միայն այն իրողությունը, որ դուք ձեր կյանքի այս հատվածում ձեր պարտականությունները մեր պետության ու ժողովրդի հանդեպ կատարել եք: Ուստի, շնորհակալություն եմ հայտնում ձեզ մեր ժողովրդի և պետության անունից ձեր պարտքը ազնվորեն կատարելու համար:
Երկրորդ՝ ուզում եմ ձեզ շնորհավորել զորավար Սուրբ Սարգսի տոնի կապակցությամբ: Ժամեր առաջ մենք պաշտպանության նախարարի հետ միասին Սուրբ Սարգիս եկեղեցու կամարների ներքո աղոթք ենք հղել առ Աստված, որպեսզի Տերը բարի աչքով նայի հայկական բանակին, պահի, պահպանի մեր զինվորներին ու սպաներին ու մեր նահատակ ընկերների հոգիները միշտ խաղաղությամբ պահի:
Երրորդ՝ ուզում եմ շնորհավորել բոլորիդ հայկական բանակի 26-րդ տարեդարձի կապակցությամբ: Վաղը մենք, իհարկե, տոնելու ենք, հիշելու ենք մեր լավագույն սպաներին, զինվորներին, մեր զոհված ընկերներին, մեր սրտի խոսքն ենք ասելու բանակին, մեր հարգանքի տուրքն ենք մատուցելու հայկական բանակին:
Նույնիսկ չգիտեմ ձեզ ոնց դիմեմ, ասեմ՝ սիրելի՛ զինվորներ, ասեմ՝ տղե՛րք, որովհետև մարդ, եթե բարեխղճությամբ ծառայում է, իր պարտքը կատարում է, մեծամասամբ ամբողջ կյանքում զինվոր է մնում՝ բանակի զինվոր, երկիրը շենացնելու զինվոր, գիտելիք ստանալու գործում զինվոր: Այնուհանդերձ, տղե՛րք, այսպիսի հանդիպումներն իմ կողմից գոնե երկու նպատակ են հետապնդում:Առաջինն այն է, որպեսզի դուք իմ շուրթերից լսեք, որ վերադառնալով տուն, կատարելով ձեր պարտքը, դուք կարող եք ակնկալել նաև պետության կողմից աջակցություն: Եթե ձեզնից որևէ մեկը որոշել է ուսում ստանալ կամ մասնագիտություն ձեռք բերել, ապա պաշտպանության նախարարությունը, մեր պետությունը պատրաստ է մշտապես ձեզ օժանդակել: Խոսքս, իհարկե, միայն ձեզ չի վերաբերում. խոսքս վերաբերում է բոլոր զորացրվածներին:
Երկրորդ նպատակը հետևյալն է, որպեսզի ես կարողանամ ամբողջականացնել իմ տեղեկատվությունը մեր զինված ուժերի մասին: Ակնհայտ է, որ ես ունեմ բազմաթիվ խողովակներ՝ իրավիճակը բանակում հսկողության տակ պահելու, տեսնելու խնդիրները, փնտրելու լուծման ճանապարհներ, բայց գործընթացի անմիջապես մասնակիցներից առաջարկություններ լսելը չափազանց կարևոր է:
Մենք նախորդ տարի իրականացրել ենք մի ծրագիր՝ «Դիտակետ» անվանմամբ, որի նպատակն էր 2017 թվականի ամռանը զորացրված բոլոր զինվորներին անանուն հարցում անցկացնել և բոլոր զինվորներին տալ մի քանի հարցեր, որոնց պատասխաններն, իհարկե, մենք պետք է օգտագործենք մեր հետագա աշխատանքում: Այսօր պաշտպանության նախարարը և մեր գործընկեր «Բրեվիս» ընկերության գլխավոր տնօրեն, սոցիոլոգ Հովհաննես Գրիգորյանը կներկայացնեն այդ հսկայական ուսումնասիրությունից մի հատված: Այնուհետև կխնդրեմ ձեզ կա՛մ ինչ-որ կերպ մեկնաբանել եզրակացությունները, կա՛մ տալ սեփական եզրակացությունները, կա՛մ հարցերի միջոցով փորձել ճշգրտել ինչ-որ հանգամանքներ, կա՛մ անել առաջարկություններ: Սա չափազանց կարևոր է մեր զինված ուժերի համար, որովհետև մեր զինված ուժերը, մեր բանակը ժողովրդական բանակ է. մեր բանակն իր մեջ ներառում է զորակոչի տարիքի գրեթե բոլորին՝ մեր հասարակության մի հսկա հատվածի: Ի միջի այլոց` պետք է ասեմ, որ մեր զինված ուժերն ամենաերիտասարդական կառույցն է, որովհետև միաժամանակ այդքան երիտասարդներ որևէ կառույցում չեն գտնվում: Ուստի, մեզ համար շատ կարևոր է, որպեսզի մեր զինվորներն ու սպաները հաճույքով ծառայեն, որպեսզի ոգևորություն ունենան այն փաստից, որ հազարամյակների պատմություն ունեցող մեր ժողովրդի հավերժի երթի այս հատվածում այդ բախտը իրենց է վիճակվել: Միգուցե, հիմա դուք չեք կարող ամբողջովին գնահատել, բայց հավատացեք, որ տարիքի հետ դուք հասկանալու եք՝ գերագույն հաճույքը սեփական ժողովրդին, սեփական պետությանը ծառայելն է»,-ասել է Նախագահ Սերժ Սարգսյանը:
Հանդիպմանը մասնակցող պաշտպանության նախարար Վիգեն Սարգսյանը ևս շնորհակալություն է հայտնել զորացրված զինծառայողներին լավ ծառայության համար և կարևորել Հանրապետության Նախագահի հանձնարարությամբ պարբերական դարձած՝ արդեն երրորդ անգամ անցկացվող նման ձևաչափի հանդիպումները, որոնք, նրա համոզմամբ, հնարավորություն են տալիս առաջարկվող քաղաքականությունը, առաջարկվող բարեփոխումները համադրել զորացրվող զինծառայողների կարծիքների, տպավորությունների հետ: Նախարարը խոսել է նաև «Դիտակետ» ծրագրի շրջանակում իրականացված սոցիոլոգիական հետազոտության մասին, որոնց արդյունքները երեկ ներկայացվել են նաև պաշտպանության նախարարությունում կայացած տարեկան ամփոփիչ կոլեգիայի նիստում:
«Ըստ ուղղությունների տրվել են հանձնարարականներ՝ հասկանալու, թե բացասական կամ մտահոգիչ պատասխանների ուղղությամբ ինչ աշխատանք ունի կատարելու յուրաքանչյուր ստորաբաժանումը, վարչությունը: Նաև դիտարկել ենք յուրաքանչյուր զորամասի կտրվածքով պատկերը: Երեկ կոլեգիայի նիստի ժամանակ ընդհանուր առմամբ մատնանշել ենք այն զորամասերը, որոնք ակնհայտորեն ավելի լավ վիճակում են գտնվում, և հանրային ընկալման մեջ զորացրված զինծառայողների խնդիրներն ավելի լավ են լուծված, ինչպես նաև այն զորամասերը, որտեղ յուրաքանչյուր ուղղությամբ կան մտահոգություններ: Ամեն զորամասի հրամանատարի հետ առանձին ևս աշխատելու ենք, որպեսզի շտկումներ արվեն, լուծումներ գտնվեն»,-ասել է պաշտպանության նախարար Վիգեն Սարգսյանը:
Ներկայացնելով «Դիտակետ»-ի շրջանակներում իրականացված սոցիոլոգիական հետազոտության արդյունքները «Բրեվիս» ընկերության գլխավոր տնօրեն Հովհաննես Գրիգորյանը տեղեկացրել է, որ ընկերության հարցազրուցավարներն այցելել են 47 քաղաքային և 688 գյուղական բնակավայրեր՝ հարցումներ իրականացնելով 2017 թվականի ամռան ամիսներին զորացրված և հարցումներին մասնակցելու գրավոր համաձայնություն տված բոլոր ժամկետային զինծառայողների շրջանում, որոնք զինծառայություն են անցել 12 ամիս և ավելի։ Պատասխանատուի հավաստմամբ հարցմանը մասնակցել են հասանելի զորացրվածների 73%-ը։
«Հետազոտության իրականացման համար առաջ են քաշվել հատուկ պահանջներ տվյալների անվտանգության, ինչպես նաև զորացրվածների համար առավել անկաշկանդ կարծիք արտահայտելու պայմաններ ստեղծելու վերաբերյալ։ Ներդրվել է ծրագրային ապահովման հատուկ համակարգ, որը պլանշետների միջոցով իրականացվող հարցման տվյալները րոպեների ընթացքում փոխանցում է անվտանգ դաշտ՝ անհասանելի դարձնելով այն շահագրգիռ կողմերի, անգամ՝ հարցումն իրականացնողների համար»,-ասել է սոցիոլոգը՝ հավելելով, որ ընկերության վերլուծաբանների խումբը շուրջ մեկ ամիս իրականացրել է տվյալների վերլուծական աշխատանքներ և մանրամասն հաշվետվությունների ու զեկույցների տեսքով ներկայացրել պաշտպանության նախարարություն։
Հետազոտության արդյունքում ստեղծվել է տվյալների ծավալուն բազա՝ շուրջ 560 հարց և ենթահարց, ինչպես նաև՝ դրանց համադրության արդյունքում դուրս բերված տվյալներ։ Դրանք վերաբերում են բանակային կյանքի բոլոր կողմերին՝ սկսած նյութատնտեսական բազայից, առողջապահական հարցերից, կրթության ու ժամանցի կազմակերպումից մինչև կենցաղային պայմաններ ու ոչ կանոնադրային հարաբերություններ։
Հետազոտական տվյալները, ըստ զեկուցողի, որոշակի պատկեր են տալիս զինվորական ծառայության նկատմամբ զորացրվածների վերաբերմունքի մասին։ Մանրամասն ներկայացնելով հարցվածներից ստացված դրական և բացասական կարծիքները՝ Հովհաննես Գրիգորյանը ընդգծել է, որ հետազոտությունը ցույց է տվել, որ զինծառայությունից առաջ առկա են որոշակի կարծրատիպային պատկերացումներ, որոնք զգալիորեն փոխվում են զորացրումից հետո։ Նա նշել է, որ հարցումներին մասնակցած և դրանով բանակի արդիականացման այս ծրագրում իրենց ներդրումն ունեցած բոլոր մյուս զինծառայողները նույնպես հնարավորություն են ունենալու ծանոթանալու հետազոտության ամբողջական արդյունքներին փետրվարի 3-ին պաշտպանության նախարարությունում կայանալիք ընդունելության ժամանակ։
Հետազոտության արդյունքները զորացրված զինծառայողների հետ քննարկելուց հետո Հանրապետության Նախագահն առաջարկել է հանդիպումը շարունակել առանց տեսախցիկների և անկաշկանդ մթնոլորտում անդրադառնալ ինչպես թեմայի շուրջ, այնպես էլ դրանից դուրս հանդիպման մասնակիցներին հետաքրքրող հարցերին:
22:11 15.05.2024
Մայիսի 16-ին Երևանի և մարզերի որոշ հասցեներում լույս չի լինի21:44 15.05.2024
Մբապեն վիճել է ՊՍԺ-ի նախագահի հետ20:56 15.05.2024
Ալեքսանդր Օվեչկինը կարող է մասնակցել ֆուտբոլային մրցաշարի20:28 15.05.2024
Գևորգ Պապոյանը Վաշինգտոնում հանդիպել է Մեթյու Աքսելրոդի հետ20:19 15.05.2024
Ֆրանսիական L’Équipe-ը իսպաներենով հրաժեշտ է տվել Մբապեին20:12 15.05.2024
Հայտնի է Դոնալդ Թրամփի և Ջո Բայդենի բանավեճի հավանական ժամկետը19:55 15.05.2024
Ֆլիկը պահանջներ է ներկայացրել «Բավարիայի» ղեկավարությանը19:19 15.05.2024
Սլովակիայի վարչապետի դեմ մահափորձ կատարողը 71-ամյա գրող է. ԶԼՄ18:36 15.05.2024
UFC 303-ի տոմսերի վաճառքից ռեկորդային գումար է գոյացել18:22 15.05.2024
Անահիտ Ավանեսյանը հյուրընկալվել է ԱՄԷ-ի նախագահական պալատում18:06 15.05.2024
Մբապեն 5-րդ անգամ անընդմեջ լավագույնն է Լիգա 1-ում17:43 15.05.2024
Գազայում զոհերի թիվը գերազանցել է 35 հազար 200-ը17:23 15.05.2024
Սլովակիայի վարչապետի դեմ մահափորձ է իրականացվել16:30 15.05.2024
Երիտասարդ հայ ըմբիշները 6 մեդալ են նվաճել միջազգային մրցաշարում16:22 15.05.2024
Մի շարք հուշարձաններում իրականացվել են մշտադիտարկման աշխատանքներ16:06 15.05.2024
«Ալ Հիլյալը» պատրաստ է 100 միլիոն եվրո վճարել Ռաֆինյայի համար16:00 15.05.2024
Վարչապետ Փաշինյանը շնորհավորական ուղերձ է հղել Սերբիայի վարչապետին15:40 15.05.2024
Հայտնի է ՉԼ եզրափակչի մրցավարական անձնակազմը14:06 15.05.2024
Հետախուզվում էր գույքը ոչնչացնելու կամ վնասելու մեղադրանքով13:46 15.05.2024
Մանվել Առաքելյանը՝ Dubai Police Global Chess Challenge-Open-ի հաղթող13:38 15.05.2024
Տեղադրվել է լուսանկարահանող տեխնիկական միջոց13:25 15.05.2024
Մոդրիչը «Ռեալից» հեռանալուց հետո իր խաղահամարը կտա Մբապեին13:20 15.05.2024
Հետախուզվում էր թմրամիջոցների ապօրինի շրջանառության մեղադրանքով13:05 15.05.2024
Դիաբետի բարդությունների դեմ պայքարի ծրագիր` բոլոր մարզերում12:55 15.05.2024
Ինչպիսի եղանակ է սպասվում առաջիկա օրերին12:33 15.05.2024
Գավառում կասեցվել է հացի 3 արտադրամասի գործունեությունը23:46 15.05.2024
ՀՀ և Ադրբեջանի միջև ոչ թե նոր սահման է ստեղծվում, այլ վերարտադրվում է ԽՍՀՄ փլուզման պահին դե յուրե գոյություն ունեցած սահմանը. Վարչապետի աշխատակազմՎարչապետի աշխատակազմի Տեղեկատվության եւ հասարակայնության հետ կապերի վարչությունը պատասխանել է սահմանազատման հարցերով Հայաստանի եւ Ադրբեջանի հանձնաժողովների մայիսի 15-ին հրապարակված հայտարարության մասին «Արմենպրես»-ի հարցերին: Հարցուպատասխանը ներկայացնում ենք ստորեւ: Հարց – Հայաստանի եւ Ադրբեջանի սահմանազատման հարցերով հանձնաժողովները համատեղ հաղորդագրություն են տարածել, որում ասվում է, որ Հայաստանի Բաղանիս, Ադրբեջանի Բաղանիս-Այրում, Հայաստանի Ոսկեպար, Ադրբեջանի Աշաղը Ասկիպարա, Հայաստանի Կիրանց, Ադրբեջանի […] ...
23:34 15.05.2024
Հայաստանի և Ադրբեջանի սահմանին տեղի է ունեցել Մհեր Գրիգորյանի և Շահին Մուստաֆաևի նախագահությամբ հանձնաժողովների հանդիպումը2024թ. մայիսի 15-ին Հայաստանի Հանրապետության և Ադրբեջանի Հանրապետության սահմանին տեղի է ունեցել Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողովի և Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի իններորդ հանդիպումը՝ ՀՀ փոխվարչապետ Մհեր Գրիգորյանի և ԱՀ փոխվարչապետ Շահին Մուստաֆաևի նախագահությամբ: Հանդիպման ընթացքում Հանձնաժողովները, 2024թ. ապրիլի […] ...
22:11 15.05.2024
Մայիսի 16-ին Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մայիսի 16-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16:00 Նոր Նորք 2-րդ զանգ.՝ Թոթովենցի փ. 8, 8/1, 8/2, 10, 10/1, 14 շենքեր, Մոլդովական փ. 20, 22, 24/1, 24/2, 26, 26/1 շենքեր և հարակից ոչ բնակիչ- բաժանորդներ, Օդեսայի, Պատկանյան, Մադոյան փողոցների […] ...
20:37 15.05.2024
Ի՞նչ տվեց Հայաստանին Միրզոյան-Բայրամով հանդիպումը. զրույց Արթուր Հովհաննիսյանի հետԻ՞նչ փուլում են հայ-ադրբեջանական բանակցություններն ու սահմանազատման գործընթացը և ինչպե՞ս են Հայաստանի իշխանությունները մեկնաբանում այս օրերին մայրաքաղաքում տեղի ունեցող բողոքի ակցիաները: Թեմաների շուրջ հարցերին «Հեռանկար»-ի տաղավարում անդրադարձել է ՀՀ ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը: ...
19:47 15.05.2024
ՀՀ զինված ուժերում մեկնարկած զորավարժության շրջանակում շարունակվում են պլանով նախատեսված միջոցառումներըՀՀ զինված ուժերում մեկնարկած ռազմավարական հրամանատարաշտաբային զորավարժության շրջանակում շարունակվում են պլանով նախատեսված միջոցառումները: «Զինված ուժերի զորամիավորումներում ու զորամասերում, ըստ ուղղությունների, սահմանված ժամկետներում անձնակազմը զբաղեցրել է նախորոշված շրջանները, ստուգվել է սպառազինության և ռազմական տեխնիկայի վիճակը, ծավալվել են կառավարման կետեր, ստորաբաժանումների հրամանատարներին առաջադրվել են պայմանական մարտական խնդիրներ, ճշգրտվել է հետագա գործողությունների հաջորդականությունը»,-նշված է Պաշտպանության նախարարության հաղորդագրությունում: ...
19:37 15.05.2024
Հայաստանի համար մեծ պատիվ է Երևանում հյուրընկալել Վերակառուցման և զարգացման եվրոպական բանկի ներկայացուցիչներին․ ՓաշինյանՎարչապետ Նիկոլ Փաշինյանն իր ելույթում ընդգծել է, որ Հայաստանի համար մեծ պատիվ է Երևանում հյուրընկալել Վերակառուցման և զարգացման եվրոպական բանկի ներկայացուցիչներին և բարձր է գնահատել բանկի հետ գործընկերությունը։ Վարչապետն ասել է, որ ՀՀ տնտեսությունը վերջին տարիներին մեծ վերելք է ապրում։ Ըստ նրա՝ 2018թ.-ի հեղափոխությունից հետո Հայաստանում բոլոր տնտեսվարողները ազատ, առանց սահմանափակումների ծավալում են տնտեսական գործունեություն, և դրա […] ...