Թամար Կապրելյանը «Եվրատեսիլ»-ի, «Նվակ» նախագծի, Հայաստանի ու առաջիկա ծրագրերի մասին

Ամերիկահայ հայտնի երգչուհի Թամար Կապրելյանն արդեն մի քանի շաբաթ է, ինչ Հայաստանում է և այդ ժամանակահատվածում, դատելով Instagram-ի իր էջից, բավական ակտիվ գործունեություն է ծավալում այստեղ: Նա մասնակցել է հայկական շոու ծրագրերին, ընկերների հետ շրջում է Երևանում և ոչ միայն, ինչպես նաև զբաղվում է իր հիմնադրած «Նվակ» երաժշտական ծրագրով:

SHANTNEWS.am-ը Թամար Կապրելյանի հետ հանդիպել է Երևանի ձայնագրման ստուդիաներից մեկում և, անտեսելով սաստիկ շոգը, զրուցել ենք «Նվակ»-ի, Հայաստանի, երգչուհու սիրելի վայրերի, «Եվրատեսիլ»-ի ու կայանալիք ծրագրերի մասին: Թամարը նաև խոսել է իր սիրելի սերիալների ու երգերի մասին:

Ներկայացնենք հատվածներ Թամար Կապրելյանի հետ հարցազրույցից.

«Տաղանդները հոս են, բայց նրանց հետ չեն համագործակցում …»

Երեք տարի առաջ հիմնադրեցինք «Նվակ»-ը: Եվ ես ամեն տարի այս շրջանում գալիս եմ Հայաստան, իմ ընկերների հետ փնտրում և գտնում ենք երիտասարդներ, որոնք գիտեն երգ գրել, այն մշակել և երգել: Այդ երիտասարդների հետ մենք աշխատում ենք, նրանց խորհուրդներ ենք տալիս, միասին միջոցառումներ ու համերգներ ենք կազմակերպում, ինչպես նաև նրանց երգերը ստուդիայում ձայնագրելուց հետո փորձում ենք զբաղվել այդ երգերի տարածմամբ:

Տաղանդները հոս են, բայց նրանց հետ չեն համագործակցում: Մենք փորձում ենք նրանց տաղանդը զարգացնել և նրանց համար տարբեր հնարավորություններ ստեղծել Եվրոպայում և ԱՄՆ-ում իրենց երգերը տարածելու ու լսելի դարձնելու համար:

«Հայաստանում մթնոլորտը փոխվեց, սիրիահայերը լավ բաներ բերեցին իրենց հետ …»

Առաջին անգամ Հայաստան 2014-ին եկա, որից հետո այնպես ստացվեց, որ համարյա ամեն տարի սկսեցի գալ: Սիրիայից եկած հայերն այս տարիների ընթացքում Հայաստանում, Երևանում կարծես մթնոլորտը փոխեցին, սիրիահայերը լավ բաներ բերեցին իրենց հետ:

Հայաստանը շատ եմ սիրում և հիմա, քանի որ այստեղ շատ ընկերներ ունեմ, էլ ավելի եմ սկսել սիրել: «Նվակ» նախագիծը կարծես իմ երեխան լինի ու միայն դրա համար ձգտում եմ այստեղ հնարավորինս շատ ժամանակ անցկացնել:

«Everything happens for a reason… Ոչինչ պատահական չի լինում …»

«Եվրատեսիլ»-ի մեր երգը կարծեմ շատ սիրուն էր և պատմություն ուներ այն: Մեր ամբողջ թիմը հայերից էր բաղկացած, և մենք պատրաստվել էինք ամբողջությանբ: Մեծ թիմ ունեինք և շատ հստակ գիտեինք մեր անելիքները, բայց … գիտես, Հայաստան ես գալիս, գործ ես անում, շատ քրտնաջան աշխատում ես, բայց չգիտես՝ ինչ կլինի: Ես էլ եմ այն կարծիքին, որ ոչինչ պատահական չի լինում: So (և ուրեմն), չի անցել, ինչ կարող ենք անել:

Թամար Կապրելյանի դիտած սերիալներն ու լսած երգերը

Ֆիլմեր այնքան էլ չեմ նայում, հիմնականում սերիալների եմ նախապատվությունը տալիս:

So…

«Game of Thrones»-ը շատ եմ սիրում

«House of Cards»-ը շատ հոգեբանական թրիլլեր է

«Downton Abbey»-ն անգլիական հրաշալի սերիալ է, ես շատ եմ սիրում …

Իսկ երգերից հիմա Dua Lipa-ին եմ շատ լսում, իսկ վերջին երգը, որ ավելացրել եմ երգերիս ցանկում, «Cardi B-ի I like it»-ն է:

Ամբողջական հարցազրույցը կարող եք դիտել տեսանյութում: