18:08 15.05.2021
Պետություն- համայնք համաֆինանսավորմամբ իրականացվող այս տարվա սուբվենցիոն հայտերում ընդգրկվել է համայնքների գազաֆիկացմանն ուղղված երկու ծրագիր։Շիրակի մարզպետարանի զարգացման ծրագրերի, զբոսաշրջության և վերլուծության բաժնի պետ Կարեն Բադիշյանը shantnews-ին տված հարցազրույցում անդրադառնալով գազաֆիկացման ծրագրերին, նշել է, որ նախորդ տարի սուբվենցիայով հնարավոր է եղել բնական գազով ապահովել Բայանդուր համայնքը, որը ապագայում հնարավորություն կտա գազաֆիկացումից օգտվել նաև հարակից բնակավայրերին։
«2020 թվականին մենք ունեցել ենք Բայանդուր համայնքում գազաֆիկացում: Էդ խողովակը նպատակային այնպիսի տարողությամբ ենք անցկացրել, որ հետագայում, որոշակի ներդրում ունենալով, նաև կարողանան էդ գազատարից օգտվեն այդ համայնքները և ևս գազաֆիկացվեն»,-նշել է Բադիշյանը։
Այս տարի մարզում գազաֆիկացման սուբվենցիոն 2 ծրագրով աշխատանքներ են իրականացվելու Աշոցք և Մեծ Մանթաշ համայնքներում։ Իսկ ավելի հեռավոր, բարձր լեռնային հատվածներում, գազաֆիկացման փոխարեն, Կարեն Բադիշյանի խոսքով, ավելի նպատակահարմար է ֆոտովոլտային կայանների տեղադրումը․
«Այն համայնքները, որոնք ավելի ծայրամասային են ու էդ ծախսերը՝ գազի անցկացման և տեղադրման, շատ ավելի մեծ են ստացվելու, ավելի նպատակահարմար է էդտեղ ֆոտովոլտային կայաններ տեղադրել։ Այդ պարագայում մենք կարող ենք ասել, որ դա ավելի էֆեկտիվ է, ավելի արդյունավետ է, որ ծախսերի տնտեսված գումարներով այլ ծրագրեր իրականացնեն, որովհետև գազի անցկացումը դեռ չի նշանակում, որ ծախսերը զրոյացվում են, պետք է (համայնքները խմբ․) իրենց բյուջեներում ունենան համապատասխան ծախսեր»։
Շիրակի մարզպետարանի զարգացման ծրագրերի, զբոսաշրջության և վերլուծության բաժնի պետը նաև ընդգծեց , որ համայնքներում այս թեմային շուրջ անցկացվել են հանրային քննարկումներ և բնակիչների համար ֆոտովոլտային կայաններ տեղադրելու առաջարկների հետ համաձայն են։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
23:59 10.05.2025
Երևանի բոլոր վարչական շրջաններում շարունակվում են փոսային նորոգումներըԵրևանի բոլոր վարչական շրջաններում շարունակվում են փոսային նորոգումները: Արդեն իսկ կատարվել են շուրջ 19.000 քմ աշխատանքներ։ Այս մասին հայտնել են Երևանի քաղաքապետարանից: Աշխատանքների սկզբնական փուլում ֆրեզով կտրվում են ասֆալտբետոնե ծածկի վնասված հատվածները, որից հետո մաքրվում են փոշուց, բիտումապատվում, այնուհետև տեղադրվում է ասֆալտբետոնե նոր ծածկ: Մանրամասները՝ տեսանյութում: ...
23:58 10.05.2025
Լարսը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:56 10.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:54 10.05.2025
Ավարտվել է կարատեի Եվրոպայի մեծահասակների 60-րդ առաջնությունըԿ. Դեմիրճյանի անվան մարզահամերգային համալիրում ավարտվել է կարատեի Եվրոպայի մեծահասակների 60-րդ առաջնությունը: Առաջնությունն անցկացվել է ՀՀ կրթության, գիտության, մշակույթի և սպորտի նախարարության աջակցությամբ` Հայաստանի կարատեի ֆեդերացիայի և միջազգային գործընկերների հետ համագործակցությամբ: Այս մասին հայտնել են ԿԳՄՍ նախարարությունից: Եվրոպայի առաջնության եզրափակիչ մենամարտերին հետևել և մրցանակակիրներին պարգևատրել են ԿԳՄՍ նախարար Ժաննա Անդրեասյանը և նախարարի տեղակալ Հասմիկ Ավագյանը, […] ...
23:42 10.05.2025
Մակրոնը չի բացառում Արևմտյան զորքերի տեղակայումն ՈւկրաինայումՖրանսիայի նախագահ Էմանուել Մակրոնը չի բացառում Ուկրաինայում մի քանի հազար արևմտյան զինվորականներ տեղակայելու հնարավորությունը։ «Գլխավոր տարրը զորքեր ունենալն է Ուկրաինայում: Կարող է լինել մի քանի հազար, բայց ոչ հարյուր հազարավոր։ Հարցը թվերը չեն։ Հարցն այն է, որ մենք այնտեղ կլինենք պահեստային ուժեր ապահովելու համար՝ օդում կամ առաջնագծից հեռու ռազմավարական դիրքերում», – ասել է Մակրոնը Le […] ...
23:26 10.05.2025
«Միլանն» ու «Ինտերը», հնարավոր է, հանդիպումներ անցկացնեն ԱՄՆ-ումԻտալիայի Ա Սերիայի նախագահ Էցիո Մարիա Սիմոնելին «Միլանին» ու «Ինտերին» առաջարկել է 2026 թ. տարեսկզբի հանդիպումներն անցկացնել ԱՄՆ-ում, հայտնում է Football Italia-ն։ Բանն այն է, որ երկու ակումբների տնային ստադիոնում`«Սան Սիրոյում» վերանորոգման աշխատանքներ են տեղի ունենալու` կապված փետրվարի 6-ից 22-ը Միլանում անցկացվելիք ձմեռային 25-րդ Օլիմպիական խաղերի հետ։ «Սան Սիրոն» հունվարի 10-ից փետրվարի 8-ը փակ կլինի, […] ...
