15:27 15.11.2021
ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը, Հայաստանում ԱՄՆ արտակարգ և լիազոր դեսպան Լին Մ․ Թրեյսին և «Հայաստանի մանուկներ» բարեգործական հիմնադրամի (ՔՈԱՖ) գործադիր տնօրեն Կորյուն Խաչատուրյանը նոյեմբերի 13-ին ստորագրել են եռամյա փոխըմբռնման հուշագիր, որով ազդարարվել է «Անգլախոս գյուղական դպրոցներ» փորձնական ծրագրի մեկնարկը։
Նախաձեռնության նպատակը Լոռու մարզի 22 գյուղական համայնքների 24 դպրոցներում անգլերենի ուսուցման խրախուսումն ու տարածումն է։
Եռակողմ նոր համագործակցությունը նշված դպրոցների ավելի քան 2400 սովորողների հնարավորություն կտա ուսումնառության ընթացքում ձեռք բերելու անգլերենի իմացության C1 մակարդակ: Ուսուցիչների որակավորումը բարձրացնելու, անգլերենի իմացությունն ու մասնագիտական հմտությունները բարելավելու համար ծրագրում ընդգրկված դպրոցների 24 ուսուցիչներ կմասնակցեն Հայաստանի ամերիկյան համալսարանի՝ «Անգլերենի՝ որպես օտար լեզվի դասավանդման» (CTEFL) ծրագրին։ ԿԳՄՍ նախարարությունը պատրաստակամ է կրեդիտներ շնորհելու նշված վերապատրաստումներն անցած ուսուցիչներին, ինչը նրանց ատեստավորվելու և ավելի բարձր աշխատավարձ ստանալու հնարավորություն կտա։
Իր խոսքում ԿԳՄՍ նախարարի տեղակալ Ժաննա Անդրեասյանը նշել է, որ «Անգլախոս գյուղական դպրոցներ» ծրագիրը բովանդակային առումով համահունչ է հանրակրթության ոլորտի բարեփոխումներին:
«Ծրագիրը հնարավորություն է տալիս փորձարկելու անգլերենի նոր կրթական չափորոշիչը և առարկայական ծրագրերը, որոնք կարող են հիմք հանդիսանալ չափորոշչի հետագա տարածման և ներդրման համար։ Այդպիսով՝ մենք ինստիտուցիոնալացնում ենք «Հայաստանի մանուկներ» բարեգործական հիմնադրամի հետ ունեցած համագործակցության դրական արդյունքները։ Եթե մինչ այժմ այդ համագործակցությունն արտահայտվում էր անգլերենի արտադասարանական խմբակների միջոցով, որոնք ևս նպաստում էին լեզվի ուսուցման բարելավմանը, ապա այժմ ծրագիրը ներառվում է ուսումնական գործընթացում, դա էլ, համոզված ենք, ապահովելու է որակական փոփոխություն՝ անգլերենի ուսուցումը հասցնելով նոր մակարդակի»,- նշել է Ժաննա Անդրեասյանը՝ ընդգծելով, որ լեզուների ուսուցման բարելավումը հանրակրթության նոր չափորոշչի առաջնահերթություններից է։
Ժաննա Անդրեասյանի խոսքերով` այս ծրագրի ընթացքում կուտակված փորձն ու ձևավորված կրթական ռեսուրսը հետագայում կտարածվեն և կօգտագործվեն նաև այլ մարզերում:
Հայաստանում ԱՄՆ արտակարգ և լիազոր դեսպան Լին Մ․ Թրեյսին կարևորել է, որ արտադպրոցական խմբակներից սկսված ծրագիրն այժմ հնարավորություն է ընձեռում, որ հանրակրթության չափորոշիչների բարելավման ուղղությամբ աշխատանքներ իրականացվեն:
«Կրթությունը ցանկացած հասարակության համար աճի և զարգացման կարևոր նախապայմանն է: Անժխտելի է Հայաստանի՝ ՏՏ և ձեռնարկատիրության ոլորտներում առաջատար դառնալու ներուժը: Օտար լեզուների` անգլերենի իմացությունը կդառնա այս ուղղությամբ հաջողության և առաջընթացի հիմնարար գործոններից մեկը»,- նշել է դեսպան Լին Մ․ Թրեյսին` ընդգծելով, որ առանց ուսուցիչների և աշակերտների նախանձախնդիր աշխատանքի և ջանքերի՝ ծրագիրն հաջողություն չէր ունենա:
«Հայաստանի մանուկներ» բարեգործական հիմնադրամի (ՔՈԱՖ) գործադիր տնօրեն Կորյուն Խաչատուրյանը շեշտել է, որ նոր ծրագրի հիմնական թիրախը անգլերենի ուսուցման որակի բարձրացումն է շահառու 24 դպրոցներում:
«Կարողությունների, միջավայրի բարելավումը և կրթության որակը մեզ համար առաջնային են»,- նշել է նա` շնորհակալություն հայտնելով ԿԳՄՍ նախարարությանը արդյունավետ գործակցության համար:
Նույն օրը տեղի է ունեցել նաև «Աքսես» ծրագրի ավելի քան 300 մասնակիցներին ավարտական վկայականներ հանձնելու հանդիսավոր արարողությունը։ Նշենք, որ անգլերենի ուսուցման «Աքսես» ծրագիրը ԱՄՆ դեսպանատան աջակցությամբ իրականացնում է ՔՈԱՖ-ը։ Վերջին 10 տարիների ընթացքում անգլերենի իմացության այս ծրագրի մասնակից ուսանողների թիվը 100-ից հասել է 1000-ի։
Նշենք, որ «Հայաստանի մանուկներ» բարեգործական հիմնադրամի (ՔՈԱՖ) աջակցությամբ Լոռու մարզի Դեբետ համայնքի նախկին դպրոցի տեղում կառուցվելու է նոր դպրոցական շենք: Շինարարական աշխատանքների ընթացքում ուսումնական գործընթացը կկազմակերպվի համայնքի սմարթ կենտրոնում: Աշխատանքների ավարտից հետո Դեբետը կունենա նոր սերնդի սմարթ դպրոց:
12:47 09.07.2025
Ի՞նչ անել, եթե անշարժ գույք եք հանձնել վարձակալության18:54 09.07.2025
«Ոսկե ծիրան» միջազգային կինոփառատոնը կանցկացվի հուլիսի 13-20-ըԱյս տարի Երևանի «Ոսկե ծիրան» միջազգային կինոփառատոնը կանցկացվի հուլիսի 13-20-ը: Կինոյի տանը կայացել է կինոփառատոնի մեկնարկին նվիրված մամուլի ասուլիս, որի բանախոսներն էին ԿԳՄՍ նախարարի տեղակալ Դանիել Դանիելյանը, Երևանի քաղաքապետի տեղակալ Լևոն Հովհաննիսյան, «Ոսկե ծիրան» կինոփառատոնի համահիմնադիր և նախագահ Հարություն Խաչատրյանը, կինոփառատոնի տնօրեն և գեղարվեստական ղեկավար Կարեն Ավետիսյանը և կինոփառատոնի միջազգային բաժնի ղեկավար Վարվառա Հովհաննիսյանը: ԿԳՄՍ […] ...
18:48 09.07.2025
Նարեկ Մկրտչյանն այցելել է «Ձորակ» շուրջօրյա մասնագիտացված խնամքի կենտրոն«Ձորակ» շուրջօրյա մասնագիտացված խնամքի կենտրոնում ընթացող վերանորոգման աշխատանքներին ծանոթանալու նպատակով՝ Աշխատանքի և սոցիալական հարցերի նախարար Նարեկ Մկրտչյանն այսօր այցելել է հաստատություն։ Նախարարը շրջայց է կատարել կենտրոնում, հետևել այս պահին իրականացվող վերանորոգման աշխատանքներին։ Հաստատության աշխատակիցների հետ զրույցում քննարկվել են կենտրոնի բնակիչներին մատուցվող ծառայությունների որակի բարձրացմանը, ինչպես նաև ընթացիկ ծրագրերին ու առաջիկա անելիքներին առնչվող մի շարք հարցեր։ […] ...
18:42 09.07.2025
Պատգամավոր Արթուր Սարգսյանը կալանավորվել էԵրևանի Ավան և Նոր Նորք վարչական շրջանների ընդհանուր իրավասության առաջին ատյանի դատարանը բավարարել է Ազգային ժողովի «Հայաստան» խմբակցության պատգամավոր Արթուր Սարգսյանին 2 ամսով կալանավորելու միջնորդությունը։ Նախօրեին Ազգային ժողովը համաձայնություն էր տվել «Հայաստան» խմբակցության պատգամավոր Արթուր Սարգսյանին ազատությունից զրկելու մասին ՀՀ գլխավոր դատախազի ներկայացրած միջնորդությանը։ ...
18:36 09.07.2025
Գեղհովիտի բնակիչը տանը թմրանյութ էր պահում․ Մարտունիի համայնքային ոստիկանների բացահայտումըՀամայնքային ոստիկանության Մարտունու բաժնի ծառայողները օպերատիվ տեղեկություն էին ստացել, որ Գեղհովիտ գյուղի 49-ամյա բնակիչը տանը թմրանյութ է պահում: Հասցե մեկնած ոստիկաններին տղամարդը ներկայացրել է կանեփանման կիսաչորացած մանրացված զանգված՝ 25 գրամից ավելի քաշով։ Պարզվել է, որ նա թմրանյութը պատրաստել է իր հողամասից քաղված կանեփից։ Կազմված փաստաթղթերը ներկայացվել են նախաքննական մարմին։ Ծանուցում. Ենթադրյալ հանցանքի մեջ կասկածվողը կամ […] ...
18:30 09.07.2025
Վերականգնվել է պետությանը պատճառված 40 մլն դրամի վնասըՀՀ քննչական կոմիտեի Արմավիրի մարզային քննչական վարչությունում ապօրինի ձեռնարկատիրական գործունեություն իրականացնելու հատկանիշներով նախաձեռնված քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ ՀՀ-ում գործող ընկերություններից մեկը վարձակալական հիմունքներով ձեռք բերված հողատարածքներում իրականացրել է ավազակոպճային խառնուրդի ապօրինի արդյունահանում և վաճառք, ինչի արդյունքում պետությանը պատճառել է 40 մլն ՀՀ դրամի վնաս: Նախաքննության ընթացքում […] ...
18:24 09.07.2025
Ժաննա Անդրեասյանն ընդունել է ավստրիացի հայագետ Յասմին Դում-ԹրագուտինՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է ավստրիացի հայագետ, Զալցբուրգի համալսարանի Քրիստոնյա Արևելքի հետազոտությունների ինստիտուտի տնօրեն, Հայագիտության բաժնի ղեկավար Յասմին Դում-Թրագուտին, որն այս օրերին Մեսրոպ Մաշտոցի անվան հին ձեռագրերի գիտահետազոտական ինստիտուտ Մատենադարանում մասնակցում է երկրորդ անգամ անցկացվող Հայագիտական միջազգային կոնգրեսին: Հանդիպմանը մասնակցել է նաև ԿԳՄՍ նախարարի տեղակալ Ալֆրեդ Քոչարյանը: Նախարարը ողջունել […] ...