20:52 15.11.2021
Ռետինե մուրճեր, փայտե ձողիկներ ու երկաթե խողովակներ, որոնց հնչյունները ստեղծում են մարիմբայի երաժշտական առեղծվածը: Ալ. Աճեմյանի անվան երաժշտական դպրոցի սաներն այս գործիքի մասին միայն լսել էին կամ տեսել համացանցում: Հիմա արդեն կրթօջախը ոչ միայն մարիմբա, այլև մի շարք այլ նոր, թանկարժեք գործիքներ ունի:
«Հարվածային գործիքների մեծ դասարան ունենք, բայց նման գործիքի մասին նույնիսկ չէինք էլ երազում: Դպրոցի համար սա ոչ միայն կարևոր ձեռքբերում է, այլև առաջընթացի մեծ հնարավորություն»,-նշում է Ալ. Աճեմյանի անվան երաժշտական դպրոցի տնօրեն Անուշ Խաչատրյանը:
2021թ. ծրագրով Երևանի քաղաքապետարանը ձեռք բերեց 18 անուն 103 հատ երաժշտական գործիք՝ հարվածային, լարային ու փողային:
«Յուրաքանչյուր տարի ձեռքբերվող գործիքների համար նախատեսված բյուջեն ավելանում է: Այս տարի 70 մլն դրամի չափով ենք գնում կատարել: Փորձում ենք նաև տեխնիկական այնպիսի բնութագրեր գրել, որ գործիքները լինեն որակապես բարձր և տասնամյակներ ծառայեն մեր երեխաներին»,-ասում է Երևանի քաղաքապետարանի մշակույթի և տուրիզմի վարչության պետ Գոշ Սարգսյանը:
«Առաջին անգամ է, որ ստանում ենք, ոչ թե այն, ինչ մեզ համար գնել են, այլ այն, ինչ ինքներս ընտրել ենք՝ հոլանդական մարիմբա, գերմանական ջութակ: Իրականում սա անհավանական էր»,- նկատում է Գ. Բուդաղյանի անվան արվեստի դպրոցի տնօրեն Սուսաննա Բարսեղյանը:
Երևանում գործում է համայնքային երաժշտական ու արվեստի 24 դպրոց: Հենց այս կրթօջախներն են իրենց ուսերին տանում երեխաների արտադպրոցական, գեղագիտական կրթության պատասխանատու գործը: Համայնքն իր հերթին, տարեցտարի համալրելով ու թարմացնելով երաժշտական գործիքները, բարձրացնում է ուսման որակն ու զարգացնում մասնագիտական կարողությունները:
Երաժշտական նոր գործիքներով կնվագեն կրթօջախների առավել օժտված ու շնորհալի, ինչպեսև սոցիալական անբարենպաստ պայմաններում հայտնված՝ գործիք չունեցող սաները:
«Սա մեծ օգնություն է թե ծնողին, թե դպրոցին, իսկ երեխաները նաև հնարավորություն են ունենում նվագախմբերում ելույթ ունենալ այս պրոֆեսիոնալ գործիքներով»,-ասում է Բ. Կանաչյանի անվան հ.17 արվեստի դպրոցի տնօրեն Արմինե Մուրդյանը:
«Հինգ-վեց տարի այս ծրագիրն իրականացվում է, և այսօր արդեն երաժշտական դպրոցների հաշվեկշռում 1200 գործիք կա: Սա հնարավորություն է տալիս զարգացնել նաև, այսպես ասած, «մեռնող» գործիքները»,- ընդգծում է Գոշ Սարգսյանը:
Թե որքան կծառայեն երեխաներին նոր գործիքները՝ կախված է խնամքից: Լավ պահելու դեպքում սերնդեսերունդ էլ կփոխանցվեն: Հաջորդ տարի ևս երաժշտական դպրոցները կհամալրվեն նոր գործիքներով:
12:47 09.07.2025
Ի՞նչ անել, եթե անշարժ գույք եք հանձնել վարձակալության
23:00 09.07.2025
Սենսացիոն պաշտոնանկություն Ֆորմուլա 1-ումՔրիստիան Հորները հեռացվել է «Ռեդ Բուլի» գործադիր տնօրենի ու թիմի ղեկավարի պաշտոնից։ Այս մասին տեղեկացնում է ավստրիական կոնցեռնի մամուլի ծառայությունը։ «Ռեդ Բուլի» ղեկավարի պաշտոնը ստանձնել է Լորան Մեկիսը։ Նա այդ պաշտոնը զբաղեցրել է նաև «Ռեյսինգ Բուլզում»։ Հորները «Ռեդ Բուլում» աշխատում էր 2005 թվականից։ Նրա գլխավորությամբ ավստրիական թիմը 6 անգամ հաղթել է Կոնստրուկտորների գավաթը։ ...
22:50 09.07.2025
Անիի Մայր տաճարը Թուրքիայի իշխանությունները մտադիր են վերածել մզկիթիԹուրքիայի մշակույթի նախարարությունը որևէ կերպ չի մեկնաբանում մամուլ թափանցած տեղեկություններն այն մասին, որ Անիի Մայր տաճարը վերանորոգումից հետո ծառայելու է որպես մզկիթ: Նախարարությունը չի հաստատել այդ տեղեկությունները, բայց չի էլ հերքել: Ինչի՞ց սկսվեցին տարածվել այդ լուրերը: Թեմային «Հորիզոնի» տաղավարում անդրադարձել է Արտյոմ Երկանյանը։ «2012թ.-ին Հուշարձանների պաշտպանության միջազգային կազմակերպության գլխավոր ասամբլեայում ընդունվեց բանաձև՝ ուղղված Թուրքիային: Բանաձևը […] ...
22:45 09.07.2025
Արդյունավետ հանդիպում ունեցա ԱՄԷ նախագահի հետ․ ՓաշինյանՀՀ վարչապետ Նիկոլ Փաշինյանը Ֆեյսբուքի իր էջում գրել է, որ արդյունավետ հանդիպում է ունեցել ԱՄԷ նախագահ, շեյխ Մուհամմադ բին Զայեդ Ալ Նահյանի հետ։ Գրառմանը կից վարչապետը տեսանյութ է ներկայացրել։ Ավելի վաղ հայտնել էինք, որ Փաշինյանն աշխատանքային այցով ժամանել է Արաբական Միացյալ Էմիրություններ: Աբու Դաբիի միջազգային օդանավակայանում ՀՀ վարչապետին դիմավորել է ԱՄԷ փոխվարչապետ, Արտաքին գործերի նախարար […] ...
22:38 09.07.2025
Հուսով եմ՝ ԵՄ անդամակցության շուրջ բանակցությունները կսկսվեն մոտ ապագայում․ Իտալիայի նախագահը՝ ԶելենսկունՈւկրաինայի ԵՄ-ին անդամակցության վերաբերյալ բանակցությունները կսկսվեն մոտ ապագայում, Իտալիան կաջակցի այս որոշմանը, չորեքշաբթի օրը հայտարարել է հանրապետության նախագահ Սերջիո Մատարելան։ «Հուսով եմ, որ այս թեմայի շուրջ բանակցությունները կսկսվեն մոտ ապագայում», – իտալական La Repubblica թերթի հաղորդմամբ՝ ասել է Մատարելան Ուկրաինայի նախագահ Վլադիմիր Զելենսկու հետ հանդիպման ժամանակ։ Մատարելան, հղում անելով ՆԱՏՕ-ի վերջին գագաթնաժողովի եզրափակիչ հայտարարությանը, կրկին […] ...
22:25 09.07.2025
«Արարատ-Արմենիան» հաղթել է վրացական «Թելավիին»«Արարատ-Արմենիան» ընկերական խաղում 4-2 հաշվով հաղթել է Վրաստանի բարձրագույն խմբում հանդես եկող «Թելավիին»։ Տուլիպայի գլխավորած թիմից գոլերը խփել են Ժոաու Լիման, Մեթյու Գբոմադուն, Միսակ Հակոբյանն ու Էդգար Գրիգորյանը։ Այս խաղով «Արարատ-Արմենիան» ավարտել է ուսումնամարզական հավաքը Վրաստանում։ Ակումբի հաջորդ հանդիպումը նախատեսված է հուլիսի 24-ին։ Կոնֆերենցիաների լիգայի որակավորման երկրորդ փուլի առաջին խաղում Երևանում «Արարատ-Արմենիան» կմրցի ռումինական «Ունիվերսիտատեա […] ...
22:10 09.07.2025
Եվրախորհրդարանը Վրաստանն անվանել է «անօրինական ռեժիմի կողմից գերեվարված երկիր»Եվրոպական խորհրդարանը հաստատել է Վրաստանի վերաբերյալ կոշտ զեկույցը, որը մերժում է ներկայիս միակուսակցական խորհրդարանի և Վրաստանի նախագահի լեգիտիմությունը՝ այն անվանելով «Վրացական երազանքի անօրինական ռեժիմի կողմից գերեվարված պետություն»։ Փաստաթուղթը հաստատվել է չորեքշաբթի՝ հուլիսի 9-ին, 490 կողմ, 147 դեմ և 49 ձեռնպահ ձայների հարաբերակցությամբ։ Եվրախորհրդարանը կոչ է անում Վրաստանին անցկացնել նոր ընտրություններ։ ...
