20 05 2024

$

387.97
4.29
€

421.76

+17.09 ^oC

«Եվրոպա» լիգայի 1/16 եզրափակչում «Արսենալ»-ի մրցակիցը. «Էստերսունդ»

ՍՊՈՐՏ

21:24 13.02.2018

Այս շաբաթ մեկնարկում են «Եվրոպա» լիգայի խաղարկության 1/16 եզրափակիչ հանդիպումները: Այստեղ հայ մարզասերներին առաջին հերթին հետաքրքրում է Լոնդոնի «Արսենալ»-ը, որտեղ հանդես է գալիս Հայաստանի ազգային հավաքականի կիսապաշտպան Հենրիխ Մխիթարյանը:

1/16 եզրափակչում «Արսենալ»-ի մրցակիցը շվեդական «Էստերսունդն» է, որը խմբային փուլի J խմբում գրավել է 2-րդ տեղը և Բիլբաոյի «Ատլետիկի» հետ միասին դուրս եկել հաջորդ փուլ:

«Էստերսունդը» հիմնադրվել է 1996 թվականին և հիմնականում հանդես է եկել Շվեդիայի ֆուտբոլային ցածր լիգաներում: 2016 թ-ից սկսած հանդես է գալիս Ալլցվենսկա լիգայում (Շվեդիայի բարձրագույն լիգա): 2017 թ-ին դարձել է Շվեդիայի գավաթակիր, ինչի շնորիվ իրավունք է ստացել, թիմի պատմության մեջ առաջին անգամ, հանդես գալու Եվրոպա լիգայում:

Եվրոպա լիգայի որակավորման փուլում հաղթել են թուրքական «Գալաթասարային» (2-0, 1-1), լյուքսեմբուրգյան «Ֆոլային»(1-0, 1-2), հունական ՊԱՕԿ-ին (3-1, 2-0), և դուրս եկել խմբային փուլ:

Խմբային փուլում շվեդական ակումբը հայտնվել է J խմբում, որում ընդգրկված են եղել նաև իսպանական «Ատլետիկը», ուկրաինական «Զարյան» և գերմանական «Հերտան»: 6 խաղում տանելով 3 հաղթանակ, 2 խաղ ավարտելով ոչ-ոքի և կրելով 1 պարտություն՝ 11 միավորով խմբում զբաղեցրել են 2-րդ տեղը: Եվրոպա լիգայում թիմի ռմբարկուն իրանցի 24-ամյա հարձակվող Սաման Գոդդոսն է, ով անցկացրած 11 խաղում դարձել է 5 գոլի և 1 գոլային փոխանցման հեղինակ:

«Էստերսունդը» 2011 թ-ից գլխավորում է անգլիացի Գրեմ Փոթերը, ով թիմը շվեդական 3-րդ լիգայից հասցրել է մինչև Եվրոպա լիգայի 1/16 եզրափակիչ:

Հիշեցնենք, որ «ՇԱՆԹ» հեռուստաընկերությունը ձեռք է բերել ՈՒԵՖԱ-ի «Եվրոպա» լիգայի հանդիպումների հայաստանյան հեռարձակման բացառիկ իրավունքը։ Հինգշաբթի փետրվարի 15-ին՝ Երևանի ժամանակով 22.00-ին «ՇԱՆԹ» հեռուստաընկերության եթերում կարող եք դիտել «Էստերսունդ» – «Արսենալ» Եվրոպա լիգայի 1/16 եզրափակիչ առաջին հանդիպումը: Պատասխան խաղը մեկ շաբաթ անց է՝ փետրվարի 23-ին Երևանի ժամանակով 00:05-ին:

Բաժանորդագրվեք SHANTNEWS.am-ին Telegram-ում

Բոլոր լուրերը

21:22 20.05.2024
Շառլ Ազնավուրի հիշատակին նվիրված հուշատախտակի բացում Փարիզի Մոնմարտր թաղամասում

Կապակցված լուրեր

20:46 20.05.2024

Ուկրաինացի անվանի բասկետբոլիստին զորակոչել են բանակ

Բաստետբոլի Ուկրաինայի Սուպերլիգայի «Կիև Բասկետ» ակումբի պաշտպան Վադիմ Զապլոտինսկին զորակոչվել է բանակ։ «Чемпион-Украина» պարբերականը հայտնում է, որ 26-ամյա բասկետբոլիստը մայիսի 12-ին փորձել է հատել Ուկրաինայի պետական սահմանը, սակայն բերման է ենթարկվել։ Կիևի բասկետբոլի ֆեդերացիայի նախկին նախագահ Մաքսիմ Սերգեևը սոցցանցերում հայտնել է, որ ձերբակալությունից հետո բասկետբոլիստին ուղարկել են Ուկրաինայի օդադեսանտային հարձակման ուժերի ուսումնական կենտրոն. «Հենց նոր […] ...

20:27 20.05.2024

«Նոր աստղ, նոր փառավոր էջ «Ինտերի» պատմության մեջ». Մխիթարյանի հրապարակումը

Միլանի «Ինտերի» հայ կիսապաշտպան Հենրիխ Մխիթարյանն իտալական Ա սերիայի չեմպիոնական գավաթով լուսանկար է հրապարակել սոցցանցերում և գրել. «Նոր աստղ, նոր փառավոր էջ «Ինտերի» պատմության մեջ»։ 35-ամյա ֆուտբոլիստը կարիերայում առաջին անգամ է նվաճում թոփ-5 առաջնություններից մեկի չեմպիոնի տիտղոսը։ ...

20:12 20.05.2024

Սևիկյանի գոլային փոխանցումն օգնել է «Ֆերենցվարոշին» հաղթել մրցաշրջանի վերջին խաղում

Հայաստանի հավաքականի կիսապաշտպան Էդգար Սևիկյանը գոլային փոխանցման հեղինակ է դարձել Հունգարիայի առաջնության վերջին տուրի` «Ույպեշտի» դեմ խաղում։ Սևիկյանի արդյունավետ փոխանցումից հետո բրազիլացի Մարկինյոսը տպավորիչ գոլ է խփել։ Հայ ֆուտբոլիստը «Ֆերենցվարոշում» 16 խաղում դարձել է 2 գոլի և 1 գոլային փոխանցման հեղինակ։ Բուդապեշտը ներկայացնող ակումբը հաղթել է 2-0 հաշվով և առաջնությունն ավարտել 74 միավորով։ «Ֆերենցվարոշը» դեռ […] ...

19:55 20.05.2024

Դենիս Գլուշակովը հայտարարել է «Ուրարտուից» հեռանալու մասին

Երևանի «Ուրարտուի» կիսապաշտպան Դենիս Գլուշակովը հայտարարել է ակումբից հեռանալու մասին. «Երբ մրցաշրջանն ավարտվի, կգնամ իրերս կհավաքեմ, հրաժեշտ կտամ բոլորին։ Հեռանում եմ «Ուրարտուից»։ Պայմանագիրս լրանում է մրցաշրջանի ավարտին։ Ժամանակը ցույց կտա, թե ինչ է սպասվում ապագայում։ Դեռ ցանկանում եմ խաղալ։ Եթե չկարողանամ խաղալ, խաղակոշիկներս կկախեմ մեխից, բայց այս պահին պատրաստ եմ դաշտում փակել յուրաքանչյուր դիրք»,- մեջբերում […] ...

19:19 20.05.2024

«Ինտերը» ստացավ Ա սերիայի չեմպիոնական տիտղոսը

37-րդ տուրի «Լացիոյի» դեմ տնայից խաղից (1-1) հետո «Ինտերը» ստացել է իտալական Ա սերիայի չեմպիոնի տիտղոսը։ Ակումբը հոբելյանական 20-րդ չեմպիոնությունն ամրագրել էր դեռ ապրիլի 22-ին «Միլանին» հաղթելուց հետո։ «Ինտերի» կազմում չեմպիոն է դարձել նաև Հայաստանի հավաքականի նախկին ավագ Հենրիխ Մխիթարյանը։ 35-ամյա կիսապաշտպանը կարիերայում առաջին անգամ դարձել է եվրոպական թոփ-5 առաջնության հաղթող։ ...

18:06 20.05.2024

Տիգրան Բարսեղյանը` Սլովակիայի առաջնության խորհրդանշական հավաքականում

Բրատիսլավայի «Սլովանի» և Հայաստանի հավաքականի կիսապաշտպան Տիգրան Բարսեղյանն ընդգրկվել է Սլովակիայի առաջնության 2023/24 մրցաշրջանի խորհրդանշական հավաքականում։ Հայ ֆուտբոլիստը 31 խաղում խփել է 13 գոլ, կատարել 11 գոլային փոխանցում` դառնալով լավագույն ռմբարկու։ «Սլովանը» առաջնությունն ավարտել է 73 միավորով և դարձել Սլովակիայի չեմպիոն։ ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.