21:15 03.02.2022
ՀՀ ԿԳՄՍ նախարարի տեղակալ Կարեն Թռչունյանն աշխատանքային հանդիպում է ունեցել «Բուժական գործ» որակավորումների ոլորտային շրջանակի (ՈՈՇ) բնութագրերը մշակելու նպատակով առաջիկայում ձևավորվելիք հանձնաժողովի անդամների հետ:
Հանդիպման նպատակը ‹‹Բուժական գործ›› մասնագիտության որակավորումների ոլորտային շրջանակի մշակման, դրանց վերջնարդյունքների սահմանմանն առնչվող խնդիրների և իրականացվող աշխատանքների ընթացքի քննարկումն էր:
Փոխնախարարը ողջունել է ներկաներին և ներկայացրել առաջիկա անելիքները. «Որակավորումների ոլորտային շրջանակի մշակման նպատակն այն է, որ բոլոր մասնագիտական ծրագրերը իրականացվեն՝ ըստ ոլորտային շրջանակի սահմանած վերջնարդյունքի՝ ըստ այդմ ունենալով կարգավորված ոլորտ՝ որակյալ կրթությամբ: Այս դեպքում ոլորտային շրջանակը ենթադրում է ավելի լայն վերջնարդյունք՝ ներառելով բժշկության տարբեր ճյուղերը, որոնց կհամապատասխանեցնեն իրականացվող կրթական ծրագրերը»:
Կ. Թռչունյանն անհրաժեշտ է համարել միջազգային փորձը՝ որպես նախնական նյութ, ուսումնասիրելը, դրանից օգտվելը, ըստ հնարավորության՝ տեղայնացնելը:
Մշակման ժամկետ է սահմանվել առաջիկա 2 ամիսը: Աշխատանքները ենթադրում են ընթացիկ քննարկումներ թե՛ բուհերում, թե՛ աշխատաշուկայում` գործատու կազմակերպությունների հետ: Աշխատանքներն ավարտելուց հետո մշակված տարբերակը կուղարկվի նշված մասնագիտություններով կրթական ծրագրեր իրականացնող բուհեր՝ կարծիքի: Որպես ոլորտի պատասխանատու՝ հանձնաժողովը կդիտարկի կարծիքների համադրելիությունը՝ ապահովելով որակավորումների ոլորտային շրջանակի վերջնական տարբերակը: Գերատեսչության կողմից հաստատվելուց հետո այն կտրվի բժշկության ոլորտում կրթական ծրագրեր իրականացնող բարձրագույն ուսումնական հաստատություններին, այդ թվում՝ մասնավոր՝ վերջիններիս կրթական ծրագրերը արդեն իսկ մշակված որակավորումների ոլորտային շրջանակին համապատասխանեցնելու նպատակով:
Կ. Թռչունյանը կարևորել է ՈՈՇ-ի վերջնարդյունքի շարժունությունն ու ճկունությունը արտասահմանյան բուհերում սովորելու տեսանկյունից:
«Մեր խնդիրն է նաև առաջանցիկ լինել, քանի որ կրթական համակարգը զարգանում է, ծրագրերն էլ փոխվում են, աշխատաշուկայի պահանջարկը՝ ևս: Այս համատեքստում շատ կարևոր է վերջնարդյունքը ձևավորել աշխատաշուկայից՝ ապահովելով համադրելիությունը և ճկունությունը, որպեսզի ըստ անհրաժեշտության՝ հնարավոր լինի փոփոխել»,- ասել է նախարարի տեղակալը:
Կողմերն առանցքային են համարել լիցենզիայի պայմանների, հավատարմագրման և որակավորումների ոլորտային շրջանակի՝ նույն տիրույթում լինելու հանգամանքը: Առաջարկվել է փոխել նաև մշտադիտարկման մեխանիզմները, ինչպես նաև ՈՈՇ-ի վերջնարդյունքում սահմանել էթիկական նորմեր:
Հանդիպման ընթացքում ներկաները առաջիկա աշխատանքների վերաբերյալ հղել են իրենց հարցերը, քննարկել կադրերի պատրաստման և աշխատաշուկայի պահանջարկի համապատասխանեցման, դրան ուղղված լուծումների շրջանակը:
Հանդիպման ավարտին պայմանավորվածություն է ձեռք բերվել կազմակերպելու քննարկումներ՝ ընթացիկ աշխատանքները կարգավորելու նպատակով:
10:12 02.05.2025
Տարադրամի փոխարժեքները մայիսի 2-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 387․50 դրամ, վաճառքի նվազագույն արժեքը՝ 391 դրամ: Եվրոյի առքի առավելագույն արժեքն է 436 դրամ, վաճառքի նվազագույն արժեքը՝ 443 դրամ: Ռուսական ռուբլու առքի առավելագույն արժեքն է 4․68 դրամ, վաճառքի նվազագույն արժեքը՝ 4․83 դրամ: ...
10:00 02.05.2025
Reuters. ՄԱԿ-ը լուրջ բարեփոխումներ է նախապատրաստում ֆինանսավորման կրճատման պատճառովՄիավորված ազգերի կազմակերպությունը դիտարկում է արմատական վերակազմավորման, հիմնական ստորաբաժանումների միավորման և ռեսուրսների վերաբաշխման հնարավորությունը: Այս մասին հայտնում է Reuters-ը՝ վկայակոչելով ՄԱԿ-ի գլխավոր քարտուղար Անտոնիո Գուտերեշի աշխատանքային խմբի կողմից պատրաստված վեց էջանոց գաղտնի հուշագիրը։ Փաստաթղթով առաջարկվում է տասնյակ գերատեսչություններ համախմբել չորս հիմնական ոլորտներում՝ խաղաղություն և անվտանգություն, հումանիտար հարցեր, կայուն զարգացում և մարդու իրավունքներ: Հատուկ միջոցառումները ներառում […] ...
09:55 02.05.2025
Երկրաշարժ Գավառ քաղաքից 12 կմ հարավՄայիսի 2-ին` տեղական ժամանակով ժամը 09:12-ին (Գրինվիչի ժամանակով` ժամը 05։12-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.24⁰ և արևելյան երկայնության 45․10⁰ աշխարհագրական կոորդինատներով Հայաստան՝ Գավառ քաղաքից 12 կմ հարավ, օջախի 10 կմ խորությամբ 2․0 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 2-3 բալ: Երկրաշարժը զգացվել է […] ...
09:48 02.05.2025
Ռուբիո. ԱՄՆ-ը և Չինաստանը շուտով կարող են առևտրային բանակցություններ վարելԱՄՆ պետքարտուղար Մարկո Ռուբիոն հնարավոր է համարել շուտով Չինաստանի հետ առևտրային բանակցություններ վարելը։ «Նրանք ցանկանում են հանդիպել: Նրանք ցանկանում են խոսել: Մենք ունենք մարդիկ, ովքեր դա անում են: Ակնհայտ է, որ մեր ֆինանսների նախարար Սքոթ Բեսենտը ներգրավված է այդ ջանքերում, և այդ բանակցությունները շուտով տեղի կունենան»,- ասել է Ռուբիոն Fox News-ին տված հարցազրույցում: Միևնույն ժամանակ, […] ...
09:40 02.05.2025
Նեթանյահուն հայտարարել է Դամասկոսի նախագահական պալատի մոտ գտնվող թիրախի վրա հարձակման մասինԻսրայելի վարչապետ Բենիամին Նեթանյահուն և պաշտպանության նախարար Իսրայել Կացը համատեղ հայտարարություն են տարածել՝ հայտարարելով Դամասկոսի նախագահական պալատի մոտ գտնվող թիրախի վրա հարձակման մասին։ Այս մասին հայտնում է Times of Israel թերթը։ «Սա հստակ ազդանշան է սիրիական ռեժիմին, մենք թույլ չենք տա զորքեր ուղարկել Դամասկոսից հարավ կամ որևէ սպառնալիք դրուզների համայնքի համար», – մեջբերում է հրատարակությունը […] ...
09:30 02.05.2025
Ֆրանսիայի ԱԳՆ. Եվրոպան ՌԴ-ի դեմ պատժամիջոցների նոր փաթեթ է պատրաստումԵվրոպական երկրները ծրագրում են հակառուսական պատժամիջոցների ևս մեկ փաթեթ ներմուծել, եթե երկիրը հրաժարվի Ուկրաինայում կրակը դադարեցնելուց և հույս ունենա ստանալ ԱՄՆ աջակցությունն այս հարցում։ Այս մասին հայտարարել է Ֆրանսիայի ԱԳՆ ղեկավար Ժան-Նոել Բարոն Agence France Presse-ին տված հարցազրույցում։ «Մենք՝ եվրոպացիներս, պատրաստվում ենք աջակցել ամերիկյան այս նախաձեռնությանը Ռուսաստանի դեմ պատժամիջոցների 17-րդ փաթեթով, և չորեքշաբթի ես ասել […] ...
