15:50 16.02.2018
Արմավիրի մարզի ընդհանուր իրավասության առաջին ատյանի դատարանում Վահե Խալաթյանի նախագահությամբ շարունակվել է Արմավիրի մարզպետի օգնական Մանուկ Սիմոնյանի սպանության գործով դատաքննությունը։ Հենց սկզբից տուժողի իրավահաջորդը՝ սպանվածի եղբայր Արամ Սիմոնյանը, միջնորդեց դատական նիստերն անցկացնել դռնփակ, քանի որ չի ցանկանում, որ ընտանեկան ողբերգության մանրամասները տարածվեն:
Նա խնդրեց միջնորդությունը քննարկել անհապաղ, սակայն ամբաստանյալ Ռուզան Խաչատրյանի շահերի պաշտպան Նաիրա Պետրոսյանը նշեց, որ տուժողի իրավահաջորդի միջնորդությունը հիմնավորված չէ։ Դատարանը հետաձգեց միջնորդության քննարկումը և անցավ դեռ նախորդ դատական նիստին պաշտպան Նաիրա Պետրոսյանի միջնորդությանը՝ ամբաստանյալ Ռուզաննա Խաչատրյանին կրկնակի դատաբժշկական- դատահոգեբանական փորձաքննության ենթարկելու մասին։
Տուժողի իրավահաջորդ Արամ Սիմոնյանը դեմ էր.
«Ի՞նչ իմաստ ունի, պարզ է, որ խմբակային սպանություն է եղել: Անգամ հարևանի շան ոտքը, որ տրորում են, ներողություն են խնդրում, իսկ նրանք ներողություն էլ չեն խնդրել»:
Դատարանը բավարարեց պաշտպան Նաիրա Պետրոսյանի միջնորդությունը կրկնակի դատահոգեբանական փորձաքննություն նշանակելու մասին։ Փորձագետները պետք է պատասխանեն մի քանի հարցի՝ արդյո՞ք Ռուզաննա Խաչատրյանը տառապում է հոգեկան հիվանդությամբ, կարո՞ղ էր գիտակցել իր գործողությունների բնույթը, ինչ հոգեբանական վիճակում է ներկայումս, արդյո՞ք սպանությունը կատարելիս չի գտնվել աֆեկտի վիճակում:
Հիշեցնենք, որ դեպքը տեղի է ունեցել 2017թ. հուլիսի 23-ին Արմավիրի մարզում: Ոստիկանությունը հաղորդում էր ստացել այն մասին, որ հուլիսի 22-ին՝ ժամը 22։00-23:00-ի սահմաններում Մանուկ Սիմոնյանը դուրս է եկել տանից և այլևս չի վերադարձել: Կինը հայտնել էր, որ ամուսնուն տան բակից կանչել է մի տղամարդ, ինչից հետո նա դուրս է եկել՝ առանց ասելու, թե ուր է գնում և այլևս չի վերադարձել:
2017 թվականի հուլիսի 25-ին՝ ժամը 23.30-ի սահմաններում, Արմավիրի մարզի Մյասնիկյան-Դալարիկ ճանապարհի 3-րդ կմ-ից դեպի աջ ընկած՝ մոտ 300 մ հեռավորությամբ գտնվող «Դալարիկի ձոր» կոչվող տարածքում, հայտնաբերվել էր 1965թ. ծնված Մանուկ Սիմոնյանի դին՝ փաթաթված և կապկպված:
Նախնական քննությամբ պարզվել է, որ կինը պարբերաբար բռնության է ենթարկվել ամուսնու կողմից: 2017 թվականի հուլիսի 22-ին կնոջ և ամուսնու միջև կրկին վիճաբանություն է տեղի ունեցել, ինչից հետո ամուսինը քնել է, իսկ կինը կացնահարել է քնած ամուսնուն, որը ստացած մարմնական վնասվածքների հետևանքով մահացել է: Այնուհետ մայրը զանգահարել է որդուն և տուն կանչել, որից հետո ամուսնու դիակը տեղափոխել և թաքցրել են Արմավիրի մարզի Դալարիկ գյուղի մոտակա ձորերում:
Ձեռք բերված բավարար ապացույցների հիման վրա Մանուկ Սիմոնյանի կինը և որդին ձերբակալվել էին: Որդին հետագայում նախնական կալանքից ազատվել էր, քանի որ Ռուզաննա Խաչատրյանը ինքնախոստովանական ցուցմունք էր տվել և ասել, որ որդին օժանդակել է միայն դիակը տեղափոխելու գործում:
12:47 09.07.2025
Ի՞նչ անել, եթե անշարժ գույք եք հանձնել վարձակալության
17:10 09.07.2025
Քննչական կոմիտեի նախագահը խորհրդակցություն է անցկացրել Տավուշի մարզային քննչական վարչությունումՀայաստանի Հանրապետության քննչական կոմիտեի նախագահ Արթուր Պողոսյանը խորհրդակցություն է անցկացրել Տավուշի մարզային քննչական վարչությունում, որին մասնակցել են Տավուշի մարզպետ Հայկ Ղալումյանը, Տարածքային քննչական վարչությունների գործունեության վերահսկողության գլխավոր վարչության պետի ժամանակավոր պաշտոնակատար Վահե Միրզոյանը, Հատուկ հանձնարարություններով գլխավոր վարչության պետ Արման Գալստյանը, Տավուշի մարզային քննչական վարչության պետ Արամ Հարությունյանը, մարզի դատախազ Արմեն Մուրադյանը, վեցերորդ կայազորային քննչական բաժնի […] ...
17:05 09.07.2025
Գավառում բախվել են «Opel Astra»-ն և «ՎԱԶ 2107»-ը․ կան տուժածներԱյսօր՝ հուլիսի 9-ին, ավտովթար է տեղի ունեցել Գեղարքունիքի մարզում։ Ժամը 09։40-ի սահմաններում Գավառ քաղաքի Թորգոմյան և Գրիգոր Նարեկացի փողոցների խաչմերուկում բախվել են Գեղարքունիքի մարզի բնակիչներ 54-ամյա Ռազմիկ Բ․-ի վարած «Opel Astra» մակնիշի և 24-ամյա Էրիկ Թ․-ի վարած «ՎԱԶ 2107» մակնիշի ավտոմեքենաները, ինչի հետևանքով վերջինը գլխիվայր մասամբ հայտնվել է մայթին։ Ինչպես հայտնում է shamshyan.com-ը, վթարի հետևանքով […] ...
17:00 09.07.2025
Կողոպուտի փորձ կատարած տղամարդկանցից մեկի մոտ հոգեմետ դեղահաբեր են հայտնաբերվելՀուլիսի 5-ի գիշերը՝ ժամը 1.40-ի սահմաններում, 40-ամյա կինը Հյուսիսային պողոտայում ծառայություն կատարող Պարեկային ծառայության Երևան քաղաքի վարչության 3-րդ գումարտակի 3-րդ վաշտի և Պետական պահպանության գլխավոր վարչության հատուկ նշանակության գումարտակի 1-ին վաշտի 2-րդ դասակի ծառայողներին հայտնել է, որ անհայտ անձը փորձել է իր պայուսակից հափշտակել «Այֆոն 16» մոդելի բջջային հեռախոսը։ Ոստիկանների ձեռնարկած միջոցառումների արդյունքում Աբովյան և […] ...
16:52 09.07.2025
Կադրային բարեփոխումներ` Աննա Վարդապետյանի հրամաններովՀայաստանի Հանրապետության գլխավոր դատախազ Աննա Վարդապետյանի՝ 2025 թվականի հունիս-հուլիս ամիսների հրամաններով՝ Դատախազությունում տեղի են ունեցել կադրային մի շարք փոփոխություններ: Մասնավորապես՝ Կորյուն Սերոբյանը նշանակվել է Գլխավոր դատախազության ապօրինի ծագում ունեցող գույքի բռնագանձման գործերով վարչության պետի պաշտոնին՝ ազատելով Գլխավոր դատախազության ՀՀ հակակոռուպցիոն կոմիտեում մինչդատական վարույթի օրինականության նկատմամբ հսկողության վարչության պետի տեղակալի պաշտոնից: Հռիփսիմե Ասատրյանը նշանակվել է Գլխավոր […] ...
16:45 09.07.2025
Երևանի որ թաղամասերում է փոշու պարունակությունը գերազանցել սահմանային թույլատրելի կոնցենտրացիան«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը հուլիսի 2-8-ը։ Փոշու պարունակությունը գերազանցել է սահմանային թույլատրելի կոնցենտրացիան․ ◾️ Կենտրոնում՝ հուլիսի 5-ին, ◾️ Նոր Նորքում՝ հուլիսի 5-ին, ◾️ Շենգավիթում՝ չի գերազանցել, ◾️ Արաբկիրում՝ չի գերազանցել։ Ազոտի երկօքսիդի պարունակությունը գերազանցել է սահմանային թույլատրելի կոնցենտրացիան․ ◾️ Կենտրոնում՝ գրեթե ամբողջ շաբաթ, ◾️ Նոր Նորքում՝ հուլիսի 3-ին […] ...
16:36 09.07.2025
Հրդեհ Վեդի քաղաքումՀուլիսի 9-ին, ժամը 12:29-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վեդի քաղաքի Արարատյան փողոցում այրվում է ավտոմեքենա։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ: Պարզվել է, որ հրդեհը բռնկվել է Արարատյան փողոցի տներից մեկի բակում կայանած ավտոմեքենայում։ Հրդեհը մեկուսացվել է ժամը 12։57-ին, մարվել՝ 13։44-ին: Այրվել են […] ...
