15:23 28.02.2022
ՀՀ կրթության, գիտության, մշակույթի և սպորտի նախարարությունը խոր վշտով տեղեկացնում է, որ 71 տարեկանում կյանքից հեռացել է գեղանկարիչ Համլետ Հովսեփյանը:
Համլետ Հովսեփյանը ծնվել է 1950 թ. Աշնակ գյուղում և ողջ ստեղծագործական կյանքն անցկացրել է իր քարքարոտ, իր իսկ խոսքով ասած՝ արևից այրված հայրենիքում:
1974 թ. Համլետ Հովսեփյանը ավարտել է Փանոս Թերլեմեզյանի անվան գեղարվեստական ուսումնարանը: Ազատ արվեստի որոնումները պատանի արվեստագետին տարել են Մոսկվա, որտեղ նա ապրել է 1978-1980 թվականներին, ծանոթացել այլախոհ մշակույթին, զբաղվել ինքնակրթությամբ, ստեղծագործել: Արվեստագետը հանրագիտարանային գիտելիքների կրող էր. փայլուն տիրապետում էր կինոյի, թատրոնի, երաժշտության, գրականության, կերպարվեստի պատմությանը: Գիտակ էր նաև երաժշտության։ Նրա տարերքը ժամանակակից արվեստն էր։
Համլետ Հովսեփյանը լայն ճանաչում է ձեռք բերել 1990-ական թվականներից: 1986-2019 թթ. նա ունեցել է անհատական 8 ցուցահանդես Հայաստանում, ԱՄՆ-ում, Ֆրանսիայում, Գերմանիայում, Բելգիայում և 8 տասնյակից ավելի խմբային ցուցահանդեսներ և ժամանակակից խոշոր նախագծեր աշխարհի տարբեր երկրներում, մասնավորապես՝ 2001 թ.-ին Վենետիկի 49-րդ միջազգային բիենալեում, որի համար պարգևատրվել է ՀՀ մշակույթի նախարարության դիպլոմով: ՀՀ անկախության 20-ամյակի առթիվ պարգևատրվել է ՀՀ վարչապետի մեդալով, հայ արվեստն արտերկրում լավագույնս ներկայացնելու համար 2011 թ. պարգևատրվել է ՀՀ մշակույթի նախարարության դիպլոմով:
Համլետ Հովսեփյանի ստեղծագործությունները ներդաշնակում են բնականն ու մշակութայինը, ինքնաբուխն ու տեխնոլոգիականը։ Իր վերացական-էքսպրեսիվ կտավներում անգամ արվեստագետը ներդրել է իր անխախտ հավատն առ տիեզերական կարգուկանոնը:
ՀՀ կրթության, գիտության, մշակույթի և սպորտի նախարարությունը ցավակցում է Համլետ Հովսեփյանի հարազատներին, ընկերներին և արվեստի երկրպագուներին:
22:59 05.07.2025
Նեթանյահուն կաբինետի նիստ կանցկացնի՝ պատանդների գործարքը քննարկելու համարԻսրայելի վարչապետ Բենիամին Նեթանյահուն կհավաքի կառավարության (այսպես կոչված՝ փոքր կաբինետի) հիմնական անդամներին՝ Գազայի հատվածում պատանդների վերաբերյալ ՀԱՄԱՍ-ի հետ համաձայնագիրը քննարկելու համար, հայտարարել է Իսրայելի կառավարության ղեկավարի գրասենյակի խորհրդական Դմիտրի Գենդելմանը։ Նա մանրամասնել է, որ հանդիպմանը կքննարկվի նաև Կատարում կայանալիք բանակցություններին իսրայելական պատվիրակություն ուղարկելու հարցը։ Ավելի վաղ Ynet պորտալը հայտնել էր, որ Իսրայելի իշխանությունները ՀԱՄԱՍ-ից պատասխան […] ...
22:45 05.07.2025
Բրազիլիայի նախագահը հայտարարել է, որ BRICS-ը խթանում է ինտեգրացիան և համերաշխությունըBRICS երկրները զարգացնում են ինտեգրացիան և խրախուսում համերաշխությունը՝ որպես պատերազմների և անտարբերության հակակշիռ, իսկ Ռիո դե Ժանեյրոյում կայանալիք գագաթնաժողովը կօգնի գտնել գլոբալ ճգնաժամերի լուծումներ, հայտարարել է Բրազիլիայի նախագահ Լուիս Ինասիո Լուլա դա Սիլվան։ «Պատերազմներից քայքայված աշխարհում բարգավաճում չի լինի: Պատնեշների փոխարեն մենք խթանում ենք ինտեգրացիան։ Անտարբերության փոխարեն մենք կառուցում ենք համերաշխություն», – ասել է Լուլան՝ […] ...
22:29 05.07.2025
Նիկոլ Փաշինյանի հետ Տավուշի մարզում հետևել ենք բանակային խաղերի շրջանակում անցկացված մարտական փոխանցումավազքի մրցումներին. ՊապիկյանՀՀ պաշտպանության նախարար Սուրեն Պապիկյանը ֆեյսբուքյան իր էջում գրել է․ «Այսօր վարչապետ Նիկոլ Փաշինյանի հետ Տավուշի մարզում հետևել ենք բանակային խաղերի շրջանակում անցկացված մարտական փոխանցումավազքի մրցումներին: Բանակային խաղերն անցկացվում են երրորդ տարին անընդմեջ։ Այս տարի մեկնարկել են հունիսի 29-ին և կավարտվեն հուլիսի 6-ին»: ...
22:15 05.07.2025
Ցուկերբերգը արծվի կոստյում է հագել Անկախության օրվա առթիվԱմերիկացի միլիարդատեր Մարկ Ցուկերբերգը ԱՄՆ Անկախության օրվա պատվին արծվի հագուստով սյորֆինգ է արել։ Նա միջոցառման տեսանյութը հրապարակել է Instagram-ում։ «Սա՞ է իմ արած ամենահիմար բանը», – գրել է նա։ Մեկ օր առաջ Ցուկերբերգին ցույց էին տվել Սպիտակ տան Օվալաձև աշխատասենյակի դուռը։ Պատճառը նրա հանկարծակի հայտնվելն էր նոր F-47 կործանիչի մշակմանը նվիրված փակ հանդիպմանը։ Ըստ NYP-ի՝ […] ...
21:50 05.07.2025
ՀԱՄԱՍ-ը կոչ է արել ԱՄՆ-ին վերանայել Իսրայելի հետ կնքված հրադադարի համաձայնագիրըՊաղեստինյան ՀԱՄԱՍ շարժումը խնդրել է փոփոխություններ կատարել ԱՄՆ-ի և Իսրայելի միջև կնքված հրադադարի առաջարկում՝ կարգավորման երեք ասպեկտների վերաբերյալ, հաղորդում է New York Times-ը՝ հղում անելով ՀԱՄԱՍ-ի պաշտոնյայի և բանակցություններին ծանոթ մեկ այլ անձի։ Ավելի վաղ ՀԱՄԱՍ-ը հաստատել էր, որ դրական է արձագանքել Գազայի հատվածում հրադադարի առաջարկին և պատրաստ է բանակցություններ սկսել։ «ՀԱՄԱՍ-ը խնդրել է փոփոխություններ […] ...
