15:42 21.03.2022
Ոստիկանությունը շարունակում է պարեկային ծառայության թեմայով իրազեկման և հանրային քննարկումների միջոցառումները։ Մարտի 18-ին հերթական քննարկումը Տավուշի մարզպետարանում էր։ Մասնակցում էին ոստիկանության Տավուշի մարզային վարչության և Իջևանի բաժնի ղեկավար կազմը, մարզային ու քաղաքային իշխանությունների ներկայացուցիչներ։
Ոստիկանության կադրային քաղաքականության վարչության ներկայացուցիչ Վլադիմիր Մինասյանը ներկայացրեց Տավուշի մարզում պարեկային ծառայության ներդրման, ծառայությունում աշխատանքի անցնելու վերաբերյալ մանրամասներ։
Պարեկային գնդի ծառայողներ՝ սերժանտ Մարիամ Կարապետյանն ու լեյտենանտ Դավիթ Դավթյանը խոսեցին պարեկային ծառայության Երևանի գնդում իրենց ծառայության մասին, ներկայացրին նաև պարեկային ծառայությունում օգտագործվող տեխնիկական միջոցները, որոնց օգնությամբ հնարավոր է անձին նույնականացնել տեղում՝ առանց ոստիկանական բաժին տանելու։
Սերժանտ Մարիամ Կարապետյանը անդրադարձավ հատկապես կին ոստիկանի գործառույթներին։ Նա նշեց, որ դեռ կա կարծրատիպ, թե կինը չի կարող լավ ոստիկան լինել, սակայն պարեկային ծառայությունում աշխատող կանայք կոտրել են այդ կարծրատիպը և իրենց գործընկերների հետ պատվով իրականացնում են հասարակական կարգի պահպանության և ճանապարհային երթևեկության անվտանգության ապահովման ծառայություն։
Հանդիպմանը ներկա Տավուշի մարզի համայնքների ղեկավարները, ուսանողները և մարզի բնակիչներն իրենց հետաքրքրող հարցերն ուղղեցին Տավուշում պարեկային ծառայության ներդրման վերաբերյալ։
Հանդիպման ավարտին ներկաները հնարավորություն ունեցան ծանոթանալ պարեկային ծառայողական մեքենայի տեխնիկական հագեցվածությանն ու օգտագործվող սարքավորումներին։
Հիշեցնենք, որ տարեվերջին պարեկային ծառայությունը կգործի նաև Տավուշի մարզում։ Պարեկային ծառայության Տավուշի մարզի ստորաբաժանումում ծառայության անցնելու համար դիմումներն ընդունվում են մինչև ապրիլի 15-ը՝ ոստիկանության կրթահամալիրում։
23:25 14.07.2025
«Իմ քայլը» հիմնադրամի հոգաբարձուների խորհրդի նիստում ամփոփվել են կիսամյակի արդյունքներն ու իրականացված ծրագրերըՏեղի ունեցավ «Իմ քայլը» հիմնադրամի հոգաբարձուների խորհրդի նիստը, որտեղ ամփոփվեցին կիսամյակի արդյունքներն ու իրականացված ծրագրերը։ Այս մասին նշվում է հիմնադրամի տարածած հաղորդագրության մեջ: «Հաստատվեց «Կրթվելը նորաձև է» շարժման աջակից նոր ծրագիրը` իր բազմաճյուղ նախագծերով, որոնք միտված են անհատի ինքնակրթության խթանմանը: Շուտով կկիսվենք մանրամասներով. սպասեք հայտարարությունների»,- նշվում է հայտարարության մեջ: Մանրամասները՝ տեսանյութում։ ...
23:06 14.07.2025
Մակրոն. Հայաստանի և Ադրբեջանի միջև խաղաղության պայմանագրի հնարավորինս շուտ ստորագրումը կարող է նոր էջ բացել տարածաշրջանի բոլոր ժողովուրդների համարՀայաստանի և Ադրբեջանի միջև խաղաղության պայմանագրի հնարավորինս շուտ ստորագրումը կարող է նոր էջ բացել տարածաշրջանի բոլոր ժողովուրդների, երկրների և դրա սահմաններից դուրս գտնվողների համար։ Այս մասին X-ի իր միկրոբլոգում գրել է Ֆրանսիայի նախագահը: «Ուրախ եմ Փարիզում ողջունել Հայաստանի վարչապետ Նիկոլ Փաշինյանին։ Վերահաստատեցի Ֆրանսիայի աջակցությունը նրա քաջ ջանքերին՝ ուղղված Ադրբեջանի հետ խաղաղության հաստատմանը։ Հայաստանի և Ադրբեջանի […] ...
22:25 14.07.2025
Փաշինյան-Մակրոն հանդիպմանը քննարկվել են Հայաստան-Ֆրանսիա հարաբերությունների օրակարգային մի շարք հարցերԵլիսեյան պալատում տեղի է ունեցել ՀՀ վարչապետ Նիկոլ Փաշինյանի առանձնազրույցը Ֆրանսիայի նախագահ Էմանուել Մակրոնի հետ: Այս մասին հայտնել են ՀՀ կառավարությունից։ Վարչապետը ջերմորեն շնորհավորել է Էմանուել Մակրոնին Ֆրանսիայի ազգային տոնի առիթով և բարեկամ Ֆրանսիային մաղթել բարօրություն և բարգավաճում: Ֆրանսիայի նախագահը շնորհակալություն է հայտնել բարեմաղթանքների համար՝ ընդգծելով Հայաստանի հետ բազմակողմ համագործակցությունը զարգացնելու և խորացնելու իր հանձնառությունը: […] ...
22:19 14.07.2025
Տիգրան Խաչատրյանը մասնակցել է Ֆրանսիայի Հանրապետության Ազգային տոնի առթիվ կազմակերպված միջոցառմանըՓոխվարչապետ Տիգրան Խաչատրյանը մասնակցել է Ֆրանսիայի Հանրապետության Ազգային տոնի առթիվ Ֆրանսիայի դեսպանությունում կազմակերպված հանդիսավոր միջոցառմանը: Այս մասին հայտնել են ՀՀ կառավարությունից։ Փոխվարչապետը Հայաստանի Հանրապետության կառավարության անունից շնորհավորել է բարեկամ Ֆրանսիային և ֆրանսիացիներին Ազգային տոնի առթիվ՝ մաղթելով շարունակական առաջընթաց և բարգավաճում։ Բարձր գնահատելով վերջին տարիներին Հայաստան-Ֆրանսիա բազմաոլորտ համագործակցության դինամիկան՝ փոխվարչապետ Խաչատրյանը նկատել է, որ համընդհանուր արժեքների […] ...
22:14 14.07.2025
Axios. ԱՄՆ-ն Կիևին 10 միլիարդ դոլարի զենք կմատակարարի ՆԱՏՕ-ի հետ կնքված համաձայնագրի շրջանակներումԱՄՆ կառավարությունը ակնկալում է, որ ՆԱՏՕ-ի հետ նոր համաձայնագրի համաձայն՝ դաշինքի դաշնակիցները Կիևի համար կգնեն ամերիկյան զենք՝ ընդհանուր առմամբ մոտ 10 միլիարդ դոլարի չափով։ Այս մասին հայտնել է Axios պորտալը՝ հղում անելով իր աղբյուրներին։ «Ծրագրերին ծանոթ աղբյուրը Axios-ին ասել է, որ ԱՄՆ-ն սկզբում ՆԱՏՕ-ի դաշնակիցներին կվաճառի մոտ 10 միլիարդ դոլարի զենք։ Ուկրաինայի համար նախատեսված մատակարարումների […] ...
