20:40 26.03.2022
Նախարար Վահան Քերոբյանը մարտի 26-ին էկոնոմիկայի նախարարությունում առանձին զրույցների ձևաչափով հանդիպում է ունեցել մի խումբ գործարարների հետ։ Հանդիպմանը մասնակցել է նախարարի տեղակալ Նարեկ Տերյանը։
Տնտեսության տարբեր ոլորտներում գործունեություն ծավալող ընկերությունների (մետաղագործություն, բազալտի թելի, կոշիկի արտադրություն, ձկնաբություն, ջերմոցային տնտեսություն, գյուղմթերքի վերամշակում, համակարգիչների և համակարգչային տեխնիկայի ներմուծում և վաճառք, նավթամթերքի մեծածախ և մանրածախ վաճառք, հանգստի և ցուցահանդեսների կազմակերպում, խորհրդատվական ծառայությունների մատուցում, անձեռոցիկների, թղթե սրբիչների, այլ իրերի արտադրություն և վաճառք) ներկայացուցիչները նախարարի հետ քննարկել են իրենց խնդիրները և դրանց լուծման տարբերակները, առաջիկա ծրագրերը, զարգացման ուղիները և պետության աջակցության հնարավորությունները։
Քննարկվող խնդիրերը եղել են ինչպես անհատական, այնպես էլ ընդհանուր (այդ թվում՝ ռուս-ուկրաինական հակամարտության հետևանքով առաջացած)։
Նախարարը բոլոր խնդիրների մասով տվել է պարզաբանումներ և պատրաստակամություն հայտնել նպաստել դրանց լուծմանը նախարարության իրավասությունների շրջանակում։ Նա ներկայացրել է կառավարության և նախարարության կողմից իրականացվող աշխատանքը՝ բեռբափոխադրումների, հումքի ներմուծման, արտադրանքի արտահանման և վաճառքի, այլ դժվարությունները հաղթահարելու ուղղությամբ, նաև առաջարկել առավելագույնս օգտագործել ներկա իրավիճակում ընձեռված հնարավորությունները։
Արտադրական գործունեությամբ զբաղվող ընկերությունների ղեկավարներին Վահան Քերոբյանը հորդորել է արտադրողականությունը բարձրացնելու նպատակով արդիականացնել սարքավորումները՝ օգտվելով կառավարության ընձեռած հնարավորություններից։
Հանդիպման ընթացքում քննարկվել է նաև Հայաստան տեղափոխվող բիզնեսին աջակցության, նոր շուկաների հնարավորությունների ուսումնասիրության, միջին մասնագիտական հաստատությունների ստեղծման, նախարարության հետ համագործակցության և բիզնեսի համար կարևոր տեղեկատվության հասանելիության անհրաժեշտությունը։
18:40 15.07.2025
Սրբուհի Գալյանն ընդունել է Սլովակիայի Հանրապետության իրավունքների հանրային պաշտպանինԱրդարադատության նախարար Սրբուհի Գալյանն ընդունել է Սլովակիայի Հանրապետության իրավունքների հանրային պաշտպան Ռոբերտ Դոբրովոդսկիին հայտնում են նախարարությունից։ «Ողջունելով հանրային պաշտպանին՝ նախարար Սրբուհի Գալյանը նշել է, որ մարդու իրավունքների պաշտպանությունը ՀՀ կառավարության գերակա ուղղություններից է, ինչի վկայությունն է մարդու իրավունքների պաշտպանության ազգային ռազմավարության առկայությունը: Խոսելով մարդու իրավունքների պաշտպանության կառուցակարգերի կատարելագործման ուղղությամբ կատարված քայլերի մասին՝ նախարարը նշել է, […] ...
18:30 15.07.2025
ԵՄ-ն պատժամիջոցներ է սահմանել Իրանի ութ քաղաքացիների նկատմամբ՝ մարդու իրավունքների խախտումների համարԵՄ արտաքին գործերի նախարարները պատժամիջոցներ են սահմանել Իրանի ութ քաղաքացիների նկատմամբ՝ ընդդիմությանը հետապնդելու և մարդու իրավունքները խախտելու համար։ Այս մասին ասվում է ԵՄ խորհրդի հայտարարության մեջ, որն ընդունվել է Բրյուսելում ԵՄ արտաքին գործերի նախարարների նիստից հետո։ «ԵՄ խորհուրդը պատժամիջոցներ է կիրառել իրանցի ութ անհատների և մեկ կազմակերպության նկատմամբ՝ մարդու իրավունքների խախտումների և սահմանային ճնշումների համար», […] ...
17:54 15.07.2025
62-ամյա տղամարդուն դանակահարած երիտասարդը ձերբակալվել էՀուլիսի 11-ին՝ ժամը 20:54-ին, «Էրեբունի» բժշկական կենտրոնից ՆԳՆ ոստիկանության օպերատիվ կառավարման կենտրոն հաղորդում է ստացվել, որ «գոտկային շրջանի կտրած-ծակած վերք» ախտորոշմամբ բուժօգնության է դիմել 62-ամյա տղամարդ: Համայնքային ոստիկանության Կենտրոնական բաժնի ծառայողները ձեռնարկած օպերատիվ-հետախուզական միջոցառումների արդյունքում պարզել են, որ Վարդանանց-Հանրապետության փողոցների խաչմերուկում տեղի ունեցած վիճաբանության ժամանակ 62-ամյա տղամարդուն կտրող-ծակող գործիքով հարվածել է Երևանի բնակիչ 36-ամյա երիտասարդը: […] ...
17:49 15.07.2025
ԱԱԾ տնօրենի երեք տեղակալները վերանշանակվել են իրենց պաշտոններումՎարչապետը որոշումներ է ստորագրել, ըստ որոնց՝ ԱԱԾ երեք պաշտոնյաների վերանշանակել է իրենց պաշտոններում: ԱԱԾ տնօրենի տեղակալի պաշտոնում վերանշանակվել է Արամ Հակոբյանը: «Ղեկավարվելով «Հանրային ծառայության մասին» օրենքի 6-րդ հոդվածի 3.1-ին մասով, 9-րդ հոդվածի 6-րդ մասով և «Ազգային անվտանգության մարմինների մասին» օրենքի 4.1-ին հոդվածի 4-րդ մասով՝ Ազգային անվտանգության ծառայության տնօրենի տեղակալի ժամանակավոր պաշտոնակատար Արամ Հակոբյանին վերանշանակել ազգային […] ...
17:42 15.07.2025
Գևորգ Պապոյանն ընդունել է Ուրուգվայի դեսպանինՀՀ էկոնոմիկայի նախարար Գևորգ Պապոյանը հուլիսի 15-ին ընդունել է Հայաստանում Ուրուգվայի Արևելյան Հանրապետության արտակարգ և լիազոր դեսպան Սիլվանա Լեսկա Բարոլինին։ Քննարկվել են երկու երկրների միջև տնտեսության ոլորտում համագործակցության ընդլայնման հեռանկարները, հնարավոր համագործակցության ուղիները։ Անդրադարձ է կատարվել գյուղատնտեսական արտադրանքի արտահանման խթանմանը, համատեղ ներդրումային ծրագրերի իրականացմանը, ինչպես նաև B2B հանդիպումների կազմակերպման հնարավորությանը՝ Ուրուգվայի շուկայում հայկական արտադրանքի առաջմղման […] ...
