16:14 26.05.2022
ԿԳՄՍ նախարարի տեղակալ Արթուր Մարտիրոսյանը Բիշքեկում մասնակցում է Եվրասիական տնտեսական համաժողովին:
Ինչպես տեղեկացնում են ԿԳՄՍ նախարարությունից՝ ելույթ ունենալով «Ռազմավարություն – 2025. Երիտասարդության հայացքը ԵԱՏՄ-ի զարգացման վերաբերյալ» խորագրով քննարկման ժամանակ` նա շեշտել է, որ վերջին տարիներին երիտասարդների հետ աշխատանքը հաստատապես մտել է միջազգային խոշոր կազմակերպությունների օրակարգ, ինչպես նաև փաստել է, որ ԵԱՏՄ-ն ևս այդ ուղղությամբ քայլեր է կատարում։
«Երիտասարդների նոր գաղափարները, եռանդն ու յուրօրինակ մոտեցումները, անշուշտ, մեծ նշանակություն ունեն համագործակցության և ինտեգրացիոն նախագծերի հետագա զարգացման համար։ Տնտեսական զարգացումը՝ որպես Եվրասիական տնտեսական միության մինչև 2025 թվականի ռազմավարության առանցքային ուղղություն, ներառում է նպատակային աջակցության ճկուն մեխանիզմների մշակման գաղափարը, որին ակտիվորեն կարող են ներգրավվել երիտասարդները։ Եվրասիական տնտեսական միության շրջանակում երիտասարդական քաղաքականության ոլորտի համագործակցության ամրապնդումը կարող է դառնալ տարածաշրջանային ինտեգրման կարևոր և անբաժանելի մասը»,- նշել է նա։
Ա․ Մարտիրոսյանը համոզմունք է հայտնել, որ երիտասարդների համար բիզնես հմտությունների (հատկապես միջին և փոքր բիզնեսի) զարգացմանը միտված նոր հնարավորությունների և պայմանների ընդլայնումը կհանգեցնի ԵԱՏՄ երկրների տնտեսության բարելավմանը և խթանմանը։
Երիտասարդությունը՝ որպես սոցիալական խումբ, ամենուր ունի ընդհանրական խնդիրներ, որոնց համար, ըստ ՀՀ ԿԳՄՍ նախարարի տեղակալի, կարող են մշակվել ընդհանրական լուծումներ ԵԱՏՄ համագործակցության շրջանակում։
Այս տեսանկյունից Արթուր Մարտիրոսյանը կարևորել է ԵԱՏՄ շրջանակում երիտասարդական քաղաքականության միտվածությունը` երիտասարդների ներուժի իրացման, մարդկային կապիտալի զարգացման, կրթության, միասնական աշխատաշուկայում ինտեգրվելու և բազմաթիվ այլ հարցերի ուղղությամբ։
«Պետք է մեծ ջանքեր գործադրվեն և ներդրումներ արվեն կրթության, գիտության, նորարարության, բարձր տեխնոլոգիաների և երիտասարդության համար գրավիչ այլ ոլորտներում»,- ընդգծել է նախարարի տեղակալ Արթուր Մարտիրոսյանը։
ԱՊՀ-ի և այլ միջազգային կազմակերպությունների երիտասարդական քաղաքականության ոլորտում համագործակցության փորձի հիման վրա ԵԱՏՄ երիտասարդական օրակարգի ձևավորման համար նա ներկայացրել է մի շարք առաջարկներ, որոնք վերաբերում են ոչ ֆորմալ ուսուցմամբ կրթության մատչելիության ընդլայնմանը, նորարարությունն ու ստեղծարարությունը խրախուսող հեղինակավոր մրցույթների կազմակերպմանը, ընդհանուր հետաքրքրություն ներկայացնող նախագծերի իրականացմանը (օրինակ՝ Հայրենական մեծ պատերազմին նվիրված միջոցառումներ)։
Փոխնախարարի առաջարկներում կարևորվել են նաև գիտելիքը և միջմշակութային երկխոսությանը նպաստող ֆորումների, փառատոների և այլ միջոցառումների անցկացումը։
Ամփոփելով խոսքը՝ Արթուր Մարտիրոսյանը շեշտել է, որ երիտասարդության հետ արդյունավետ երկխոսությունն առաջնային է երիտասարդության քաղաքականության մշակման տեսանկյունից։
09:21 21.06.2025
Իրանում տեղի է ունեցել 5.1 մագնիտուդով երկրաշարժ5.1 մագնիտուդով երկրաշարժ է գրանցվել Իրանի հյուսիսում, հայտնում է Եվրոպական-Միջերկրածովյան Սեյսմոլոգիական Կենտրոնը: Սեյսմոլոգների տվյալներով՝ երկրաշարժը տեղի է ունեցել UTC-ի ժամանակով ժամը 17:49-ին ՝ 124 հազար բնակչություն ունեցող Սեմնան քաղաքից 36 կիլոմետր հեռավորության վրա։ Օջախը գտնվել է 10 կիլոմետր խորության վրա։ Իրանական լրատվամիջոցների փոխանցմամբ՝ երկրաշարժը զգացվել է Թեհրանում, Ղոմում և Քարաջում։ ...
09:00 21.06.2025
«Բարսելոնան» ցանկանում է ազատվել 7 ֆուտբոլիստիցԿատալոնական «Բարսելոնայի» ղեկավարությունը մտադիր է ազատվել 7 ֆուտբոլիստից։ Այս մասին հայտնում է Mundo Deportivo-ն: «Էսպանյոլի» դարպասապահ Ժոան Գարսիային ձեռք բերելուց հետո ակումբը մոտ է «Աթլետիկի» աստղ Նիկո Ուիլյամսի գործարքն ավարտելուն, և անհրաժեշտություն է առաջացել պահպանելու ֆինանսական ֆեյր-փլեյի կանոնները: Կատալոնացիները ցանկանում են ազատվել Մարկ-Անդրե տեր Շտեգենից, Անսու Ֆատիից, Պաու Վիկտորից, Պաբլո Տոռեից, Ինյակի Պենյայից, Անդրեաս Քրիստենսենից […] ...
08:30 21.06.2025
Հրդեհ ավտոմեքենայում. կան տուժածներՀունիսի 21-ին, ժամը 01:17-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Արարատ քաղաքի Սահմանապահների փողոցում կայանած ավտոմեքենայում։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Սահմանապահների փողոցի սկզբնամասում այրվում է «Nissan» մակնիշի ավտոմեքենայում։ Մինչ փրկարարների կանչի վայր հասնելը՝ երեք տուժած տեղափոխել է բժշկական կենտրոն։ Հրդեհը մեկուսացվել է ժամը 01։37-ին, մարվել՝ […] ...
23:59 20.06.2025
Օձերը մեր շրջապատում. ի՞նչ պետք է իմանալՀայաստանում կա 21 տեսակի օձ, որոնցից թունավոր են միայն 4-ը՝ տափաստանային իժը, Դարևսկու իժը, անդրկովկասյան գյուրզան և փոքրասիական իժը: Այս մասին հայտնել են ՀՀ ՆԳՆ ՓԾ-ից: Բաց տարածքներում օձ տեսնելիս խորհուրդ է տրվում խուճապի չմատնվել և փորձել զգուշորեն հեռանալ, իսկ փակ տարածքներում՝ տեղափոխվել անվտանգ գոտի և զանգահարել 911: Եթե ձեզ կծել է թունավոր օձ՝ նույնպես […] ...
23:48 20.06.2025
Հայաստանը նախկինի պես հավատարիմ է տարածաշրջանում կայունության ու խաղաղության կառուցմանը․ ՓաշինյանՀՀ վարչապետ Նիկոլ Փաշինյանը X-ի իր միկրոբլոգում գրառում է արել՝ անդրադառնալով Թուրքիայի նախագահ Ռեջեփ Թայիփ Էրդողանի հետ Ստամբուլում կայացած հանդիպմանը։ «Ստամբուլում մանրակրկիտ մտքերի փոխանակում ունեցա նախագահ Էրդողանի հետ։ Քննարկեցինք Հայաստանի ու Թուրքիայի միջև հարաբերությունների կարգավորման գործընթացը, տարածաշրջանային իրադարձություններն ու մշտական երկխոսության կարևորությունը։ Հայաստանը նախկինի պես հավատարիմ է տարածաշրջանում կայունության ու խաղաղության կառուցմանը»,- գրել է վարչապետը։ […] ...
23:41 20.06.2025
Փրկարարները ոստիկանների հետ համատեղ կանխել են քաղաքացու ինքնասպանության փորձըՀունիսի 20-ին, ժամը 19:53-ին Ճգնաժամային կառավարման ազգային կենտրոն տեղեկություն է ստացվել, որ քաղաքացին ցանկանում է ինքնասպանություն գործել՝ նետվելով Երևան քաղաքի Արտաշատի խճուղում գտնվող չշահագործվող շինություններից մեկի տանիքից։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, մեկ ավտոսանդուղք, Ճգնաժամային կառավարման ազգային կենտրոնի օպերատիվ և Հոգեբանական աջակցության բաժնի հերթապահ հոգեբանը։ […] ...
