Մեղադրանքներն անհատականացված և ապացուցված չեն. պաշտպան Աննա Ջուվանովա

 Ժիրայր Սեֆիլյանի և մյուսների գործով դատաքննությունը դատական վիճաբանությունների փուլում է:  Փաստաբաններն այսօր ներկայացնում են պաշտպանական ճառերը: Նախ ելույթ ունեցավ  ամբաստանյալ Գալուստ Գրիգորյանի և Գևորգ  Սաֆարյանի շահերի պաշտպան Աննա Ջուվանովան: Նա նախ ընթերցեց երկու ամբաստանյալներին մեղսագրվող մեղադրանքներն ամբողջությամբ, հետո նշեց, որ նրանք իբրև թե  մեղադրվում են ինչ որ արաքներում, սակայն, հասկանալի չէ,թե  ինչում են նրանք  մեղադրվում, մեղադրանքներն անհատականացված  չեն:«Իմ պաշտպանյալներին  մեղսագրվող  հանցանքներում բացակայում են  քրեաիրավական  որակման հիմքում ընկած փաստական հանգամանքները: Գործով ձեռք  չեն բերվել բավարար ապացույցներ, նախաքննական ցուցմուքնները որպես ապացույց չեն կարող օգտագործվել քանի որ ձեռք  են բերվել քրեադատավարական նորմերի կոպտագույն խախտումներով: Անձին 4 ժամից ավելի չի կարելի հարցաքննել, իսկ Գալուստ Գրիգորյանին հարցաքննել են 4 ժամից  ավելի: Նախաքաննական ցուցմուքներից  որևէ  մեկում արձանագրված չէ  հարցաքննության ժամանակը, երբ է սկսվել, երբ  է ավարտվել, ոչ սկիզբը կա, ոչ վերջը»,- նշեց պաշտպան Աննա  Ջուվանովան: Նա միջնորդեց դատարանին Գալուստ Գրիգորյանի նկատմամբ պատիժ նշանակելիս հաշվի առնել, որ ունի թոշակառու մայր, և պատիժը պայմանականորեն չկիրառել: Գևորգ  Սաֆարյանի նկատմամբ պաշտպանը միջնորդեց կայացնել արդարացման դատական ակտ, քանի որ նրա գործողություներում հանցակազմ չկա: 

Հիշեցնենք՝ Գևորգ  Սաֆարյանին մեղադրանք է առաջադրվել այն բանի համար, որ նա, մի խումբ անձանց հետ նախնական համաձայնությամբ, 24.04.2015 թվականին Երևան քաղաքում բռնություն գործադրելով, գույք ոչնչացնելով և վնասելով, ինչպես նաև իշխանության ներկայացուցչին զինված դիմադրություն ցույց տալով արտահայտված, հասարակական անվտանգությունը վտանգող զանգվածային անկարգություններ հրահրելու ուղղակի դիտավորությամբ, սկսած 2014 թվականի մայիսից կատարել է դրա կազմակերպմանն ուղղված նախապատրաստական գործողություններ:

Մյուս  ամբաստանյալին՝ Գալուստ  Գրիգորյանին մեղադրանք է առաջադրվել այն բանի համար, որ նա 2015 թվականի նոյեմբերից մինչև 2016 թվականի մայիսի 18-ն ընկած ժամանակահատվածում ընդգրկված լինելով Ժիրայր Սեֆիլյանի կողմից ստեղծված, զիված կազմակերպված խմբի կազմում, ապօրինի պահել և ձեռք է բերել հրազեն և ռազմամթերք, նպատակ ունենալով պետությանը որոշակի գործողություններ կատարելուն հարկադրելու նպատակով կազմակերպված խմբով, զենքի գործադրմամբ, կյանքի համար վտանգավոր բռնություն գործադրելով զավթել և պահել ռազմավարական նշանակության շենքեր, շինություններ:  Գործողությունները  ավարտին չի հասցրել՝ գիտակցելով  դրանց վտանգավորությունը , կամովին հրաժարվել է հանցագործության նախապատրաստությունից և անմիջականորեն հանցանք կատարելուն ուղղված գործողություններից: