18:43 16.06.2022
Հունիսի 15-ին Գեղարքունիքի մարզպետ Կարեն Սարգսյանն ընդունեց Հայաստանում ՄԱԿ-ի մշտական համակարգողի պաշտոնակատար Լիլա Փիթրս Յահիային, Պարենի և գյուղատնտեսության կազմակերպության ներկայացուցչի օգնական Գայանե Նասոյանին ու ՄԱԿ-ի այլ փորձագետների։ Հայտնում են Գեղարքունիքի մարզպետարանից։
Գեղարքունիքի մարզպետը ողջունեց հյուրերին՝ մարզ այցելելու համար, կարևորելով ՄԱԿ-ի կողմից Գեղարքունիքի մարզում մեկնարկած և ընթացքի մեջ գտնվող ծրագրերի դերը Գեղարքունիքի մարզի և հատկապես սահմանամերձ բնակավայրերի գյուղացիական տնտեսությունների սոցիալական վիճակի բարելավման հարցում։ Կողմերը տեսակետներ փոխանակեցին պարենի, էներգիայի և ֆինանսական միջոցների ներկայիս ճգնաժամին արձագանքելու նպատակով ձեռնարկվող միջոցառումների, ինչպես նաև մարզում Կայուն զարգացման նպատակների իրականացմանն ու կլիմայի փոփոխության դիմագրավմանն ուղղված գործողությունների վերաբերյալ։
Հայաստանում ՄԱԿ-ի մշտական համակարգողի պաշտոնակատար Լիլա Փիթրս Յահիան խոսեց ՀՀ էկոնոմիկայի նախարարության և սննդամթերքի անվտանգության տեսչական մարմնի հետ համագործակցությամբ 2021 թվականից մեկնարկած հրատապ աջակցության ծրագրի մասին, որի նպատակն է օգնել 2020 թվականին Լեռնային Ղարաբաղի հակամարտության արդյունքում Հայաստան տեղափոխված խոցելի խմբերին։ Ծրագրի հիմնական նպատակը ճգնաժամից հետո ստեղծված փխրուն իրավիճակում գտնվող տեղահանված և հյուրընկալող համայնքների գոյության միջոցների պաշտպանությունն է, վերականգնումը կամ ստեղծումը: Այդ նպատակով հրատապ աջակցության ծրագիրը աջակցություն է տրամադրում՝ պաշտպանելու և վերականգնելու կենսապահովման համար կարևոր նշանակություն ունեցող միջոցները, ինչը կօգնի բարելավել գյուղատնտեսական արտադրանքը և, ի վերջո, պարենային ապահովվածությունն ու սնուցումը։ Աջակցությունը ներառում է մարզ տեղափոխված խոշոր եղջերավոր կենդանիներին անասնակերի տրամադրում, հավերի տրամադրում այն ընտանիքներին, որոնք չեն կարողացել տեղափոխել իրենց ֆերմային կենդանիներին, շինանյութ հավանոցների վերանորոգման համար, անասնապահության լավագույն փորձի վերաբերյալ դասընթացներ և անասնաբուժական ծառայություններ։
Այնուհետև ՄԱԿ-ի ներկայացուցիչը նշեց, որ Պարենի և գյուղատնտեսության կազմակերպությունը նախաձեռնել է հրատապ աջակցության մեկ այլ ծրագիր՝ ցորենի պաշարների պակասի ռիսկերը մեղմելու նպատակով օժանդակելու աշնանացան ցորենի բարձրորակ սերմերի ներմուծմանը: Ծրագիրն առավել խոցելի փոքր ֆերմերային տնտեսություններին կտրամադրի բարձրորակ ցորենի սերմեր և անհրաժեշտ տեխնիկական խորհրդատվություն ցորենի արտադրության և կառավարման բարելավման վերաբերյալ:
Գեղարքունիքի մարզպետ Կարեն Սարգսյանը բարձր գնահատեց կազմակերպության տարբեր կառույցների, այդ թվում՝ Պարենի և գյուղատնտեսության կազմակերպության կողմից ցուցաբերված աջակցությունը։ Նա նաև պատրաստակամություն հայտնեց առավել ընդլայնել համագործակցության ոլորտները։
«2020 թվականի Արցախյան հակամարտությունից հետո Գեղարքունիքի մարզի սահմանամերձ շատ բնակավայրերում վերաբնակություն հաստատեցին Արցախից տեղափոխված զգալի թվով ընտանիքներ, ինչպես նաև սահմանամերձ բնակավայրերի շատ բնակիչներ առ այսօր հնարավորություն չունեն մշակել իրենց ցանքատարածությունները՝ անվտանգության խնդիրներից ելնելով։ Ես իմ գոհունակությունն եմ հայտնում ՄԱԿ-ի կողմից մարզում իրականացվող այն ծրագրերի համար, որոնք կարող են աջակցել նման տնտեսություններին՝ գյուղատնտեսության ոլորտում և հուսով եմ, որ այս համագործակցությունը կընդլայնի մարզում իրականացվող ներդրումային ծրագրերի ոլորտը»,- նշեց Գեղարքունիքի մարզպետը։
Պարենի և գյուղատնտեսության կազմակերպության ներկայացուցչի օգնական Գայանե Նասոյանն իր հերթին ներկայացրեց Գեղարքունիքի մարզում կազմակերպության կողմից 2021-25 թվականների առաջնահերթություններն ու իրականացվող աջակցության ծրագրերը։
«Աղքատությունն ու պարենային անապահովությունը սերտորեն փոխկապակցված են, և Պարենի և գյուղատնտեսության կազմակերպության հանձնառու է աջակցել նաև Գեղարքունիքի մարզին՝ հաղթահարելու դրանք։ Պարենային անվտանգությունը ոչ միայն սննդի առկայությունն է, այլև բոլորի համար առողջ սննդի հնարավորության ապահովումը` չանտեսելով ոչ մեկին»,- նշեց ՊԳԿ ներկայացուցչի օգնականը։
Այցի ընթացքում ՄԱԿ-ի ներկայացուցիչները հանդիպումներ ունեցան նաև Վարդենիս համայնքի Սոթք բնակավայրի ֆերմերների և շահառուների հետ, ովքեր ներկայացրեցին կլիմայի փոփոխության, սերմերի և պարարտանյութերի սակավության ազդեցությանը դիմագրավելու իրենց ռազմավարությունները:
21:00 17.05.2025
Լույս չի լինի Երևանի և մարզերի մի շարք հասցեներում
11:00 18.05.2025
Տարադրամի փոխարժեքները մայիսի 18-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 385 դրամ, վաճառքի նվազագույն արժեքը՝ 387․5 դրամ: Եվրոյի առքի առավելագույն արժեքն է 431 դրամ, վաճառքի նվազագույն արժեքը՝ 435 դրամ: Ռուսական ռուբլու առքի առավելագույն արժեքն է 4․75 դրամ, վաճառքի նվազագույն արժեքը՝ 4․83 դրամ: ...
10:33 18.05.2025
Գազայում հայտնել են 24 ժամվա ընթացքում 153 զոհի մասինՎերջին 24 ժամվա ընթացքում Գազայի հատվածին Իսրայելի կողմից հասցված հարվածների հետևանքով զոհվել է ավելի քան 150 մարդ, մոտ 460-ը վիրավորվել են։ Այս մասին հայտնել է պաղեստինյան անկլավի առողջապահության նախարարությունը։ Գերատեսչության փոխանցմամբ՝ վերջին 24 ժամվա ընթացքում 459 վիրավոր է գրանցվել, 153 զոհվածի մարմին տեղափոխվել է տարածաշրջանի հիվանդանոցներ։ Բացի այդ, գերատեսչությունը նշել է, որ իսրայելական հարձակումների անհայտ […] ...
10:00 18.05.2025
Ավտոմեքենան դուրս է եկել ճանապարհի երթևեկելի հատվածից և շրջվել ջրատարըՄայիսի 17-ին, ժամը 21:13-ին Արարատի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Խարբերդ գյուղի գերեզմանատան մոտակայքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Խարբերդ գյուղի գերեզմանատան մոտակայքում «Tesla» մակնիշի ավտոմեքենան դուրս է […] ...
23:59 17.05.2025
ABC. Կալիֆոռնիայում պայթյուն է տեղի ունեցելԿալիֆոռնիայի Պալմ Սփրինգս քաղաքում պայթյուն է տեղի ունեցել։ Այս մասին հայտնել է ABC հեռուստաընկերությունը: Դեպքի պատճառները դեռևս պարզված չեն։ Տեղում աշխատում են արտակարգ իրավիճակների ծառայություններ։ Զոհերի մասին դեռևս տեղեկություններ չկան։ NBC-ի տվյալներով՝ բժշկական կենտրոնի մոտակայքում, հնարավոր է, մեքենա է պայթել։ ...
23:52 17.05.2025
Արշակունյաց պողոտայում «Mazda CX 5»-ը բախվել է վթարված «Toyota»-ին և կողաշրջվելՄայիսի 17-ին, ավտովթար է տեղի ունեցել Երևանում։ Ժամը 17։00-ի սահմաններում Արշակունյաց պողոտայում «Mazda CX 5» մակնիշի ավտոմեքենան բախվել է կայանված վիճակում գտնվող վթարված «Toyota» մակնիշի ավտոմեքենային և կողաշրջվել։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների տուժածներ չկան, իսկ «Toyota»-ն եղել է կայանված քանի որ բախված է եղել «Nissan» մակնիշի ավտոմեքենային։ Վթարի փաստով ՊԾ […] ...
23:44 17.05.2025
Տաշքենդի շրջանում փոշու փոթորկի պատճառով 18,8 հազար մարդ մնացել է առանց էլեկտրաէներգիայիՏաշքենդում և Տաշքենդի մարզում մոտ 19 հազար մարդ ժամանակավորապես մնացել է առանց էլեկտրաէներգիայի փոշու փոթորկի պատճառով: Այս մասին հայտնել է Ուզբեկստանի էներգետիկայի նախարարությունը։ «Տաշքենդի և տարածաշրջանի էլեկտրացանցի որոշ տարրեր անջատվել են անվտանգությունն ապահովելու համար։ Արդյունքում, Տաշքենդի 8500 և Տաշքենդի տարածաշրջանի ևս 10300 սպառողներ ժամանակավորապես անջատվել են էլեկտրացանցից», – նշվում է հայտարարության մեջ։ Արտակարգ իրավիճակների խմբերն […] ...
