16:46 27.07.2022
Օրերս կայացել է «Երևանի ֆուտբոլի կառավարման բարձրագույն դպրոց» հիմնադրամի գործունեության մեկնարկն ազդարարող միջոցառումը, որին մասնակցել է նաև ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը։
Հիմնադրամը ստեղծվել է մոտ մեկ տարի առաջ և նպատակ ունի ժամանակակից տեխնոլոգիաների վրա հիմնված որակյալ, նորարարական և մրցունակ կրթության ապահովման միջոցով բարձրացնել հայկական ֆուտբոլային տնտեսության արդյունավետությունը:
ԿԳՄՍ նախարարի տեղակալ Կարեն Գիլոյանը հույս է հայտնել՝ դպրոցի միջոցով հնարավոր կլինի Հայաստանում զարգացնել ֆուտբոլային մենեջմենթը և մարքեթինգը. «Ամեն ինչ սկսվում է կրթությունից: Ցավոք, այսօր Հայաստանում չունենք ֆուտբոլային մենեջմենթ: Մարքեթինգային առումով մեր թիմերը չեն մտնում եվրոպական ֆուտբոլային ընտանիք և ունեն ինչպես տարրական, այնպես էլ գլոբալ խնդիրներ, որոնց լուծման ճանապարհը բավական խրթին է, սակայն նախաձեռնող խումբը կատարում է բավականին մեծ աշխատանք: Հուսով եմ՝ արդյունքները սպասեցնել չեն տան»։
Երևանի ֆուտբոլի կառավարման բարձրագույն դպրոցի համահիմնադիր Կարեն Զադոյանն էլ նշել է՝ հիմնադրամի ստեղծումն իրենց դժվարությամբ է տրվել, բայց փորձելու են կրթության միջոցով զարգացնել ֆուտբոլային կառավարումը. «Միայն համատեղ ուժերով հնարավոր կլինի Հայաստանում լուծել խնդիրները։ Ֆուտբոլային կրթությունը շատ լավ երևույթ է, եթե իր նպատակին ծառայի։ Մենք փորձելու ենք կրթության միջոցով ֆուտբոլային կառավարումը զարգացնել, ինչը կարևոր է հայկական ֆուտբոլի զարգացման համար։ Այն, որ կան խնդիրներ տարբեր համակարգերում, այդ թվում՝ ֆուտբոլային տնտեսությունում, փաստ է։ Պետք է սկսել դրանք լուծել»։
Հիմնադրամի համահիմնադիր, գործադիր տնօրենի պաշտոնակատար Գերասիմ Բարսեղյանը ներկայացրել է Երևանի ֆուտբոլի կառավարման բարձրագույն դպրոցի նպատակները և ծրագրային գործողությունները: Նրա խոսքով՝ դպրոցի հիմնական խնդիրներն են ֆուտբոլային կազմակերպիչների և կառավարիչների կարողությունների զարգացումը՝ կարճաժամկետ դասընթացների անցկացման միջոցով, ֆուտբոլային ուսումնասիրությունների և հետազոտությունների շարունակական իրականացումը՝ սոցիոլոգիական և մարքեթինգային հետազոտությունների գործիքների կիրառմամբ, ֆուտբոլի կառավարման հեղինակավոր մասնագետների մատուցմամբ վարպետաց դասերի կազմակերպումը, տարբեր մակարդակներում հայկական ֆուտբոլում ներգրավված մասնակիցների շահերի պաշտպանությունը, ֆուտբոլային կառավարմանը կանանց մասնակցության խրախուսումը, ֆուտբոլի՝ որպես սոցիալականացման ինստիտուտի դերի բարձրացմանն ուղղված նպատակային ծրագրերի իրականացումը և այլն։
Գերասիմ Բարսեղյանը նշել է՝ հաջորդ ամիս կմեկնարկի ֆուտբոլում ներգրավված երիտասարդ մասնագետների կառավարման գիտելիքների և հմտությունների զարգացման ծրագիրը: Տրվել է նաև ֆուտբոլային ֆորմալ կրթություն ապահովող հետբուհական բարձրագույն ուսումնական հաստատության մագիստրոսական ծրագրի ներդրման գործընթացի մեկնարկը։ Այս ծրագրի ավարտական փուլում՝ 2024թ․սեպտեմբերին, նախատեսվում է ուսանողների առաջին ընդունելությունը։
«Աջակցելու ենք նաև ֆուտբոլային ստարտափերին, կլինեն նորարարություններ, գաղափարներ՝ ֆուտբոլային թիմի ստեղծումից մինչև ֆուտբոլային սրճարանի հիմնում: Համագործակցում ենք ԿԳՄՍՆ-ի, ԱԺ-ի, ՀՖՖ-ի, տարբեր բուհերի ու այլ շահագրգիռ կողմերի հետ: Մեր կատարած աշխատանքների ավելի հստակ պատկերը կկարողանանք տալ այս տարվա դեկտեմբերին»,- ասել է Գերասիմ Բարսեղյանը:
Հիմնադիրների հավաստմամբ՝ այս ծրագրերին զուգահեռ մշակվում են բազմաթիվ այլ նախագծեր, որոնք ուղղված են լինելու հայկական ֆուտբոլի զարգացմանը և դրա ներուժի լիարժեք իրացմանը։
16:07 07.07.2025
Վթարային ջրանջատում՝ Գեղարքունիքի և Կոտայքի մարզերում«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված, ս.թ. հուլիսի 8-ին ժամը 07:00-ից մինչև հուլիսի 9-ը ժամը 07:00-ն կդադարեցվի Գեղարքունիքի մարզի Սևան քաղաքի, Գագարին, Վարսեր, Ծաղկունք գյուղերի, Կոտայքի մարզի Ջրառատ համայնքի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
16:00 07.07.2025
Թուրքիայում ցանկանում են բանտարկել ընդդիմության առաջնորդին՝ Էրդողանին վիրավորելու համարԹուրքիայի դատախազները նոր գործ են հարուցել ընդդիմության առաջնորդ Օզգուր Օզելի դեմ՝ մեղադրելով նրան նախագահ Ռեջեփ Թայիփ Էրդողանին հրապարակավ վիրավորելու համար։ Այս մասին հաղորդում է RBC-Ukraine- ն ՝ հղում անելով թուրքական Minute հրատարակությանը։ Նոր հետաքննության համար հիմք են հանդիսացել քաղաքական գործչի հայտարարությունները հուլիսի 5-ին մամուլի ասուլիսի ժամանակ, որտեղ նա սուր քննադատության է ենթարկել ընդդիմադիր Հանրապետական ժողովրդական […] ...
15:50 07.07.2025
Ախուրիկցի երիտասարդը տան բակում հայտնաբերվել է կանեփի 163 բույս․ նախաձեռնվել է քրեական վարույթՇիրակի մարզի քրեական ոստիկաններն օպերատիվ տեղեկություններ էին ստացել, որ Ախուրիկ գյուղի բնակիչ 25-ամյա մի երիտասարդ ապօրինի ձեռք է բերում, պահում, ինչպես նաև տան բակում աճեցնում է կանեփ։ Նախաձեռնված քրեական վարույթի շրջանակում կատարված զննությամբ երիտասարդի տան բակում հայտնաբերվել են կանեփի 163 բույս։ Նախաքննությամբ հանգամանքները պարզվում են: ...
15:38 07.07.2025
Հայաստանը պատրաստ է ընդունելու բասկետբոլի Եվրոպայի մինչև 20 տարեկանների B դիվիզիոնի առաջնությունըՀուլիսի 11-20-ը Երևանը կհյուրընկալի բասկետբոլի Եվրոպայի մինչև 20 տարեկանների B դիվիզիոնի առաջնությունը. սպասվում է շուրջ 400 մասնակից՝ 21 երկրից։ ՀՀ կրթության, գիտության, մշակույթի և սպորտի նախարար Ժաննա Անդրեասյանն ու Հայաստանի բասկետբոլի ֆեդերացիայի գլխավոր քարտուղար Արթուր Նազարյանն այսօր լրագրողների հետ հանդիպման ընթացքում ներկայացրել են Եվրոպայի առաջնության նախապատրաստական ընթացքը, անդրադարձել կազմակերպչական հարցերին։ Թիմային մարզաձևերի պատմության մեջ ռեկորդային […] ...
15:30 07.07.2025
Արմավիրի համայնքային ոստիկանները ապօրինի թմրաշրջանառության դեպք են բացահայտել․ նախաձեռնվել է քրեական վարույթՀամայնքային ոստիկանության Արմավիրի բաժնի ծառայողներն օպերատիվ տեղեկություններ էին ստացել, որ Մեծամոր համայնքի 39-ամյա բնակիչը պահում է կանեփից պատրաստած թմրամիջոց։ Նախաձեռնվել է քրեական վարույթ, որի շրջանակում կատարված զննությամբ մեծամորցու կիսակառույց շինությունից և տնամերձ հողամասից հայտնաբերվել է մոտ 74 գրամ յուրահատուկ սուր հոտով կանեփանման զանգված։ 39-ամյա տղամարդը ձերբակալվել և ներկայացվել է Արմավիրի մարզային քննչական վարչություն: Նա տեղափոխվել […] ...
15:19 07.07.2025
Կոչ ենք անում զերծ մնալ տարատեսակ անհիմն մեկնաբանություններից և չտարածել ապատեղեկատվություն․ ՊՆ մամուլի քարտուղարՀանրապետության հրապարակում կայանված, ՊՆ հաշվեկշռում գտնվող մի քանի տրանսպորտային միջոցների վերաբերյալ տարածվում են տեսանյութեր և անհիմն մեկնաբանություններ: Այս մասին Ֆեյսբուքի իր էջում գրել է ՊՆ մամուլի խոսնակը։ «Այդ կապակցությամբ հայտնում ենք, որ տվյալ տրանսպորտային միջոցները զինված ուժերի նվագախմբերին տեղափոխել են միջոցառման անցկացման վայր։ Կոչ ենք անում զերծ մնալ տարատեսակ անհիմն մեկնաբանություններից և չտարածել ապատեղեկատվություն: Միաժամանակ […] ...