14:09 31.08.2022
ԱՄՆ-ի և Ֆրանսիայի դիվանագետների՝ Ադրբեջանի կողմից օրերս Շուշիում կազմակերպած խորհրդաժողովին չմասնակցելն ու այդօրինակ քայլերը նշանակում են, որ Միացյալ Նահանգներն ու Ֆրանսիան չեն ընդունում, որ ԼՂ-ի հարցը սպառվել է, ինչի մասին խոսում է Ադրբեջանը, և ինչի մասին լուռ համաձայնություն է կարծես թե տալիս Ռուսաստանը։ Այս տեսակետը հայտնեց Անվտանգային քաղաքականության հետազոտական կենտրոնի փորձագետ, քաղաքագետ Ռոբերտ Ղևոնդյանը «Հորիզոն»-ին տված հարցազրույցում։
«Որովհետև պատերազմից հետո Ռուսաստանը նախագահի շուրթերով հայտարարեց, թե ԼՂ-ի կարգավիճակի հարցը հետագայում լուծվելու է, բայց մենք տեսնում ենք, որ սողացող անեքսիայի միջոցով Ադրբեջանն անընդհատ նորանոր հատվածներ է վերցնում, և նորանոր խնդիրներ ենք ունենում Արցախում, և գուցե այդ հետագան երբ գա, արդեն հայկական Արցախ գոյություն չունենա, և կարգավիճակ լուծելու խնդիր ևս գոյություն չունենա։ Այդ պատճառով էլ, ճիշտ է, որպեսզի Հայաստանը փորձի այլ դերակատարների շահերից և օգտվի այլ դերակատարների ու այս դերակատարների միջև հակասությունից։ Իհարկե, սա բավական բարդ խաղ է՝ խաղալ տարբեր կենտրոնների շահերի, հակասության վրա, բայց, ցավոք սրտի, պատերազմից հետո մենք այնպիսի իրականությունում ենք, որտեղ ամեն մի այսպիսի փոքր հնարավորություն, թեկուզ բարդ խաղ, անհրաժեշտ է ուղղակի օգտագործել, այլ տարբերակ չունենք»,- ասաց Ռոբերտ Ղևոնդյանը։
Վահագն Հակոբյանի հարցին, թե արդյո՞ք զուգադիպություն էր, որ բրյուսելյան հանդիպումից առաջ նման քայլի դիմեցին ԱՄՆ-ն ու Ֆրանսիան, և կարո՞ղ ենք այդ քայլը նաև դիտարկել այսօր Բրյուսելում տեղի ունեցող Հայաստանի և Ադրբեջանի ղեկավարների հանդիպման համատեքստում, Ղևոնդյանը պատասխանեց․
«Ես չէի ասի, որ կոնկրետ նշանակություն ունի, թե ինչից առաջ ինչն է տեղի ունենում, որովհետև գործընթացն ինքը շարունակական է թե՛ աշխարհաքաղաքական բևեռների հակասությունների, ինչը դրսևորվում է նաև մեր տարածաշրջանում, և թե՛ Հայաստան- Ադրբեջան փոխհարաբերությունների, Արցախի հարցի լուծման, դելիմիտացիա, դեմարկացիա, խաղաղության պայմանագիր և այլն, և դա է շարունակական։ Գիտենք, որ Բրյուսելն է աշխատում, Մոսկվան է աշխատում, փորձում են այլ կենտրոններ ևս, օրինակ՝ Թուրքիան է փորձում իր միջնորդական առաքելությամբ հանդես գալ, ինչքան գիտեմ՝ այդ բանագնացների հանդիպումներում ևս շոշափվում են Հայաստան-Ադրբեջան համագործակցության հարցերը, և այս ամենը մի ամբողջություն է կազմում, մեծ համակարգ, որի մեջ կան տարբեր գործողություններ, որոնք նպատակ ունեն ազդելու այս կամ այն բաղադրիչի վրա։ Բրյուսելից առաջ կլինի, թե հետո, էականը դա չէ, էականն այն է, որ այս մոտեցումը որոշակի կարծիքներ, հակասություններ է ձևավորում այն իրականության նկատմամբ, որը կա, իսկ այդ իրականությունը մեզ ձեռնտու չէ»,- նշեց նա։
Մանրամասները՝ տեսանյութում։
17:09 23.05.2025
ՃՏՊ Բերդ քաղաքում․ կա զոհ
17:00 23.05.2025
Սաղմոսավանում հանրային սննդի օբյեկտի գործունեություն է կասեցվելՀՀ սննդամթերքի անվտանգության տեսչական մարմնի Արագածոտնի մարզային կենտրոնի տեսուչներն անհատ ձեռնարկատեր Տիգրանուհի Եղիազարյանին պատկանող հանրային սննդի օբյեկտի արտադրամասում (Արագածոտնի մարզ, գ․ Սաղմոսավան) իրականացրած ստուգման ընթացքում պարզել են, որ արտադրական գործընթացներն այստեղ իրականացվում են սննդամթերքի հիգիենային ներկայացվող սահմանված պահանջների խախտմամբ։ Մասնավորապես՝ – սննդի կառույցները նախագծված չեն եղել այնպես, որ բացառվի կեղտի կուտակումը, օտար մասնիկների ներթափանցումը, – […] ...
16:49 23.05.2025
Մայր Աթոռ Սուրբ Էջմիածնի արձագանքը Կովկասի մուսուլմանների վարչության նախագահի ստահոդ հայտարարություններինՕրերս Բաքվում կայացած Ղազիների խորհրդի նիստում Կովկասի մուսուլմանների վարչության նախագահ Շեյխ-ուլ-իսլամ Ալլահշուքյուր Փաշազադեն, ստանձնելով ադրբեջանական քարոզչամեքենայի կեղծիքի տարածման դերը, հերթական անգամ ատելությամբ ու թշնամանքով թիրախավորել է Հայ ժողովրդին և Հայ Եկեղեցուն։ «Կեղծիքի տարածման մեջ գերազանցելով ինքն իրեն, Փաշազադեն հայտարարել է, թե իբր Հայաստանում և տարածաշրջանում տասնյակ դարեր գործող հայկական սրբավայրերը՝ անգամ 1700-ամյա Սուրբ Էջմիածնի Մայր […] ...
16:38 23.05.2025
«Փորձեք լսել մեծերին, բայց նաև լսելի դարձնել ձեր ցանկությունները». Արաքսիա Սվաջյանը շնորհավորել է շրջանավարտներինՀանրակրթական դպրոցներում այսօր հնչել է ուսումնական տարվա ավարտն ազդարարող վերջին զանգը: ԿԳՄՍ նախարարի տեղակալ Արաքսիա Սվաջյանը ներկա է եղել Կոտայքի մարզի Հրազդան համայնքի Սոլակ գյուղի միջնակարգ դպրոցի, Հրազդանի Հովսեփ Օրբելու անվան թիվ 13 ավագ դպրոցի և Աբովյանի թիվ 2 հիմնական դպրոցի ավարտական միջոցառումներին: Շնորհավորելով շրջանավարտներին՝ ԿԳՄՍ նախարարի տեղակալը հորդորել է լսելի դարձնել իրենց ցանկությունները՝ միաժամանակ վստահություն […] ...
16:28 23.05.2025
Իրանի և ԱՄՆ-ի միջև բանակցությունների հինգերորդ փուլն է մեկնարկելՀռոմում մեկնարկել է Իրանի և ԱՄՆ-ի միջև իրանական միջուկային ծրագրի շուրջ բանակցությունների հինգերորդ փուլը, հաղորդում է իրանական պետական «Թասնիմ» լրատվական գործակալությունը։ «Իրանի և Միացյալ Նահանգների միջև անուղղակի բանակցությունների հինգերորդ փուլը սկսվել է Հռոմում ՝ Օմանի միջնորդությամբ, որը գլխավորում էին արտգործնախարար Աբբաս Արաղչին և Մերձավոր Արևելքում ԱՄՆ նախագահի հատուկ դեսպանորդ Սթիվ Ուիթքոֆը», – ասվում է հաղորդագրության […] ...
16:20 23.05.2025
Թիկնիզյանը կարող է տեղափոխվել «Կրասնոդար»Մոսկվայի «Լոկոմոտիվի» պաշտպան Նաիր Թիկնիզյանը կարող է լքել ակումբը առաջիկա ամառային տրանսֆերային պատուհանի ընթացքում։ Ըստ Metaratings.ru-ի 26-ամյա հայ ֆուտբոլիստի ծառայություններով հետաքրքրված են ռուսական երկու բարձրակարգ ակումբներ՝ «Սպարտակը» և «Կրասնոդարը»։ «Սպարտակը», որը ձգտում է ուժեղացնել ձախ պաշտպանական եզրը, դիտարկում է Թիկնիզյանին որպես հնարավոր տարբերակ։ Թեև ակումբի առաջնային նպատակը երիտասարդ լեգեոնականների ձեռքբերումն է, ձախ եզրում նրանք չեն […] ...
16:11 23.05.2025
Սյունիքի մարզի պարեկները զենք-զինամթերք են հայտնաբերելՄայիսի 21-ին Սյունիքի մարզի պարեկները ծառայության ժամանակ Երևան-Մեղրի ճանապարհի 218-րդ կիլոմետրին նկատել են պարկ, որի մեջ զենք-զինամթերք կար։ Նշված վայր մեկնած ոստիկաններն ու քննիչները ճամփեզրին առկա պոլիէթիլենային պարկում հայտնաբերել են լծակով նռնակներ, արկի մարտագլխիկ, ինքնաձիգի պահեստատուփեր, տարբեր տրամաչափի 121 փամփուշտ, ատրճանակ և հրացան։ Սիսիանի քննչական բաժնում նախաձեռնվել է քրեական վարույթ: Կատարվում է նախաքննություն։ ...
