«Հատուկ դասարան»-ը հատուկ նշանակություն ունեցավ իմ կարիերայում. Դալիթան՝ երկրորդ եթերաշրջանի ու երգարվեստում դադարի մասին – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
10 07 2025
  • $
    383.82
  • RUBLE
    4.91
  • 449.11
WEATHER
+24.09 oC

«Հատուկ դասարան»-ը հատուկ նշանակություն ունեցավ իմ կարիերայում. Դալիթան՝ երկրորդ եթերաշրջանի ու երգարվեստում դադարի մասին

19:10 11.09.2022

Դալիթան հեռուստադիտողներին ավելի շատ որպես երգչուհի էր հայտնի: Դա, սակայն, մինչև «Հատուկ դասարան»-ը: Արձագանքները թույլ են տալիս ենթադրելու, որ հաջողել է նաև այս ասպարեզում: Դալիթայի կյանքում հիմա ավելի շատ դերասանական արվեստն է գերակշռում: Հիմա արդեն բոլորը նրան որպես «Հատուկ դասարան»-ի Մերի են ճանաչում, ընդունում ու սիրում:

«Հատուկ դասարան»-ը հատուկ նշանակություն ունեցավ իմ կյանքում՝  SHANTNEWS.am-ի հետ զրույցում անկեղծանում է Դալիթան:

«Շատ ուրախ եմ, որ ընդգրկված եմ այս թիմում, իսկապես բոլորս դարձել ենք մի մեծ ընտանիք, երգարվեստը ժամանակավորապես դադարի փուլում է, հուսով եմ, որ ժամանակ կգտնեմ նաև երգարվեստում նորություններ ներկայացնելու համար»,-ասում է Դալիթան:

«Հատուկ դասարան»-ը հիմա խանգարե՞ց, թե՞ օգնեց Դալիթային՝ հարցնում ենք կես կատակ-կես լուրջ՝ պատասխանը, սակայն, ի սկզբանե կռահելով.

«Երբեք չեմ ասի, որ «Հատուկ դասարանը» խանգարեց, որովհետև այս հեռուստանովելը շատ հիանալի փուլ է իմ կարիերայում, որպես դերասանուհի այստեղ ամեն օր լիքը բաներ եմ սովորում բոլորից, իսկապես հիասքանչ փուլ է իմ կյանքում»,- պատասխանում է դերասանուհին:

«Հատուկ դասարան»-ի երկրորդ եթերաշրջանին հաշված օրեր են մնացել: Դալիթան էլ ամեն օր ծանրաբեռնված գրաֆիկով նկարահանումների հրապարակներում է: Հեռուստադիտողը վստահաբար կհիշի, որ նրա մարմնավորած Մերիի դեպքում էլ առաջին եթերաշրջանում չպարզված հարցեր մնացին: Այդ հարցերն իրենց պատասխանները կստանան երկրորդ եթերաշրջանում:

«Շատերը ծանոթ են մարմնավորածս կերպարի՝ Մերիի պատմությանն ու ապրումներին, երկրորդ եթերաշրջանում կլինեն նոր բացահայտումներ նրա պատմության մեջ, քանի որ առաջին եթերաշրջանում շատ հարցեր մնացին իր և իր ընտանիքի պատմության հետ կապված: Կերպարիս՝ Մերիին, կտեսնենք, թե ինչպես է հարմարվում իր այդ նոր իրականությանը, Մերին կբացահայտի իրեն նորովի, կճանաչի իր ընտանիքի պատմությունը, անցյալը, շատ չեմ ուզում փակագծեր բացել, բայց կլինեն շատ հետաքրքիր և նոր զարգացումներ»,- պատմում է Դալիթան՝ ընդգծելով, որ հեռուստադիտողին անակնակլներով լի երկրորդ եթերաշրջան է սպասվում:

«Հատուկ դասարան»-ը ի սկզբանե տարբերվեց այլ հեռուստանովելներից իր գաղափարով ու ասելիքով: Այս հեռուստասերիալը հստակ ունի դաստիարակչական բնույթ, այստեղ կերպարների միջոցով խնդիրներ են բարձրացվում ու նաև տրվում այդ խնդիրների լուծումները: Մերիի կերպարն էլ բացառություն չէ:

«Քանի որ իմ կերպարն ունի ընտանեկան խնդիրներ, մենք փորձում ենք ցույց տալ, որ պետք չէ խեղճանալ, պետք չէ դիմանալ այդ ամեն ինչին, քանի որ կերպարս հենց ինքն էլ հասնում է ինչ-որ մի փուլի, որ ստիպված փախուստի է դիմում առաջին եթերաշրջանում, այսինքն՝ պետք է հասկանալ, որ ընտանեկան հոգատարությունը, իհարկե, շատ ճիշտ է, բայց ամեն ինչ գեղեցիկ է իր չափի մեջ: Եվ, այո՛, բռնության դեպքում պետք է դիմել ցանկացած օգնության: Առաջին եթերաշրջանում մենք տեսանք դասղեկի, տնօրենի , ընկերների օգնությունը: Պետք է միշտ փորձել դուրս գալ նման իրավիճակից: Մեր պատմությունը ցույց է տալիս, որ կան խտրականություններ նաև դպրոցում, ինչը ընդունելի չէ: Մեր կերպարները փորձում են պայքարել նման անարդարության ու խտրականության դեմ, լինել պայքարող ու արդարի կողմնակից և կարևորը, որ մեր կերպարները համախմբված են այդ ամենի շուրջ»,-նշում է դերասանուհին:

Երգչուհու, դերասանուհու հետ զրուցում ենք դպրոցում, նկարահանումներին զուգահեռ, այդ իսկ պատճառով երկար զրուցել չենք հասցնում: Դալիթային Մերիի կերպարն է սպասում ու այն ասելիքը, որ պետք է տեղ հասցնի դերասանուհին արդեն երկրորդ եթերաշրջանում: Գնալուց առաջ, սակայն, Դալիթան խոստանում է.

«Ես վստահ եմ, որ մենք բոլորս մեր կերպարներով կկարողանանք արդարացնել երկրորդ եթերաշրջանում բոլորի սպասելիքները ու կրկին արժանանալ բոլորի սիրուն ու ջերմությանը»:

 

Բոլոր լուրերը

Կապակցված լուրեր

Գազայի հատվածում հրադադարը հնարավոր է մոտ ապագայում․ Թրամփ

09:15 10.07.2025

Գազայի հատվածում հրադադարը հնարավոր է մոտ ապագայում․ Թրամփ

Գազայի հատվածում հրադադարը հնարավոր է մոտ ապագայում, հայտարարել է ԱՄՆ նախագահ Դոնալդ Թրամփը։ «Կարող եմ ասել ձեզ, որ մենք շատ մոտ ենք համաձայնագրի», – Սպիտակ տանը լրագրողներին ասել է նա։ Թրամփը մեկնաբանում էր լրատվամիջոցների, մասնավորապես՝ Axios պորտալի հաղորդագրություններն այն մասին, որ նախորդ օրը հանդիպում է տեղի ունեցել ԱՄՆ հատուկ դեսպանորդ Սթիվ Ուիթքոֆի, ԱՄՆ ռազմավարական հարցերով […] ...

Փաշինյանն ընդգծել է Հայաստանի և ԱՄԷ-ի միջև բարեկամական հարաբերությունների շարունակական զարգացման և խորացման կարևորությունը

09:00 10.07.2025

Փաշինյանն ընդգծել է Հայաստանի և ԱՄԷ-ի միջև բարեկամական հարաբերությունների շարունակական զարգացման և խորացման կարևորությունը

Աշխատանքային այցով Արաբական Միացյալ Էմիրություններում գտնվող Հայաստանի Հանրապետության վարչապետ Նիկոլ Փաշինյանն Աբու Դաբիում հանդիպում է ունեցել ԱՄԷ նախագահ, շեյխ Մուհամմադ բին Զայեդ Ալ Նահյանի հետ։ Հանդիպման ընթացքում քննարկվել են երկկողմ համագործակցության օրակարգային հարցերը՝ ընդգծելով փոխադարձ վստահության բարձր մակարդակը և երկու երկրների միջև տնտեսական, ներդրումային ու հումանիտար ոլորտներում փոխգործակցության զարգացման լայն հնարավորությունները։ Վարչապետ Փաշինյանն ընդգծել է […] ...

Սենսացիոն պաշտոնանկություն Ֆորմուլա 1-ում

23:00 09.07.2025

Սենսացիոն պաշտոնանկություն Ֆորմուլա 1-ում

Քրիստիան Հորները հեռացվել է «Ռեդ Բուլի» գործադիր տնօրենի ու թիմի ղեկավարի պաշտոնից։ Այս մասին տեղեկացնում է ավստրիական կոնցեռնի մամուլի ծառայությունը։ «Ռեդ Բուլի» ղեկավարի պաշտոնը ստանձնել է Լորան Մեկիսը։ Նա այդ պաշտոնը զբաղեցրել է նաև «Ռեյսինգ Բուլզում»։ Հորները «Ռեդ Բուլում» աշխատում էր 2005 թվականից։ Նրա գլխավորությամբ ավստրիական թիմը 6 անգամ հաղթել է Կոնստրուկտորների գավաթը։ ...

Անիի Մայր տաճարը Թուրքիայի իշխանությունները մտադիր են վերածել մզկիթի

22:50 09.07.2025

Անիի Մայր տաճարը Թուրքիայի իշխանությունները մտադիր են վերածել մզկիթի

Թուրքիայի մշակույթի նախարարությունը որևէ կերպ չի մեկնաբանում մամուլ թափանցած տեղեկություններն այն մասին, որ Անիի Մայր տաճարը վերանորոգումից հետո ծառայելու է որպես մզկիթ: Նախարարությունը չի հաստատել այդ տեղեկությունները, բայց չի էլ հերքել: Ինչի՞ց սկսվեցին տարածվել այդ լուրերը: Թեմային «Հորիզոնի» տաղավարում անդրադարձել է Արտյոմ Երկանյանը։ «2012թ.-ին Հուշարձանների պաշտպանության միջազգային կազմակերպության գլխավոր ասամբլեայում ընդունվեց բանաձև՝ ուղղված Թուրքիային: Բանաձևը […] ...

Արդյունավետ հանդիպում ունեցա ԱՄԷ նախագահի հետ․ Փաշինյան

22:45 09.07.2025

Արդյունավետ հանդիպում ունեցա ԱՄԷ նախագահի հետ․ Փաշինյան

ՀՀ վարչապետ Նիկոլ Փաշինյանը Ֆեյսբուքի իր էջում գրել է, որ արդյունավետ հանդիպում է ունեցել ԱՄԷ նախագահ, շեյխ Մուհամմադ բին Զայեդ Ալ Նահյանի հետ։ Գրառմանը կից վարչապետը տեսանյութ է ներկայացրել։ Ավելի վաղ հայտնել էինք, որ Փաշինյանն աշխատանքային այցով ժամանել է Արաբական Միացյալ Էմիրություններ: Աբու Դաբիի միջազգային օդանավակայանում ՀՀ վարչապետին դիմավորել է ԱՄԷ փոխվարչապետ, Արտաքին գործերի նախարար […] ...

Հուսով եմ՝ ԵՄ անդամակցության շուրջ բանակցությունները կսկսվեն մոտ ապագայում․ Իտալիայի նախագահը՝ Զելենսկուն

22:38 09.07.2025

Հուսով եմ՝ ԵՄ անդամակցության շուրջ բանակցությունները կսկսվեն մոտ ապագայում․ Իտալիայի նախագահը՝ Զելենսկուն

Ուկրաինայի ԵՄ-ին անդամակցության վերաբերյալ բանակցությունները կսկսվեն մոտ ապագայում, Իտալիան կաջակցի այս որոշմանը, չորեքշաբթի օրը հայտարարել է հանրապետության նախագահ Սերջիո Մատարելան։ «Հուսով եմ, որ այս թեմայի շուրջ բանակցությունները կսկսվեն մոտ ապագայում», – իտալական La Repubblica թերթի հաղորդմամբ՝ ասել է Մատարելան Ուկրաինայի նախագահ Վլադիմիր Զելենսկու հետ հանդիպման ժամանակ։ Մատարելան, հղում անելով ՆԱՏՕ-ի վերջին գագաթնաժողովի եզրափակիչ հայտարարությանը, կրկին […] ...

BACK_TO_TOP