ՇՀԿ-ի երկրների ղեկավարները Սամարղանդում կայացած գագաթնաժողովի արդյունքներով համատեղ հռչակագիր են ընդունել

Շանհայի համագործակցության կազմակերպության (ՇՀԿ) անդամ պետությունների ղեկավարները ուրբաթ օրը նեղ և ընդլայնված կազմով նիստերի արդյունքներով հաստատել են գագաթնաժողովի գլխավոր փաստաթուղթը՝ Սամարղանդի հռչակագիրը: Ինչպես փոխանցում է ՏԱՍՍ-ը՝ հաստատվել է նաև տարբեր ոլորտներում փոխգործակցության մասին փաստաթղթերի փաթեթը։

Ինչպես ավելի վաղ հայտնել էր ուզբեկական կողմը՝ հռչակագիրը կորոշի տարածաշրջանային կայունության ապահովման, կայուն տնտեսական զարգացման, տրանսպորտային-հաղորդակցական կապերի ամրապնդման, ինչպես նաև մշակութային երկխոսության խորացման համատեղ մոտեցումները:

ՌԴ նախագահի օգնական Յուրի Ուշակովը նշել է, որ հռչակագիրը կարձանագրի գագաթնաժողովի հիմնական արդյունքները և «կազմակերպության հետագա զարգացման հարցերի և գլոբալ ու տարածաշրջանային օրակարգի արդիական թեմաների շուրջ բոլոր երկրների համախմբված դիրքորոշումները»:

Փաստաթղթի հիմնական դրույթները․

• ՇՀԿ երկրները դատապարտել են ահաբեկչություններն ամբողջ աշխարհում և մտադիր են ակտիվորեն վերացնել ահաբեկչությանը նպաստող պայմանները ։
• ՇՀԿ-ի երկրները կարևոր են համարում միջազգային ջանքերն ավելացնել ահաբեկչական կազմակերպություններում երիտասարդների ներգրավմանը հակազդելու համար:
• ՇՀԿ-ի երկրների ղեկավարները հայտարարել են, որ անթույլատրելի են ահաբեկչությանը հակազդելու պատրվակով պետությունների գործերին միջամտելը։
  Կազմակերպության երկրները ընդհանուր մոտեցումներ կմշակեն ահաբեկչական կազմակերպությունների ցանկի ձևավորման վերաբերյալ, որոնք արգելված են նրանց տարածքներում:
• ՇՀԿ-ն կշարունակի քայլեր ձեռնարկել տարածաշրջանում աճող մարտահրավերներին դիմակայելու համար։
• ՇՀԿ երկրները հանդես են եկել աշխարհում միջուկային զինաթափման շարունակման օգտին։
• Իրանի միջուկային գործարքի մասնակից բոլոր երկրները պետք է անշեղորեն կատարեն իրենց պարտավորությունները՝ այն համակողմանի կատարելու համար։
• Կազմակերպության պետությունները կոչ են անում խստորեն պահպանել կենսաբանական և թունավոր զենքի արգելման մասին կոնվենցիան և ընդունել արձանագրություն, որը նախատեսում է ստուգման արդյունավետ մեխանիզմ:
• ՇՀԿ ընդլայնումը և միջազգային համագործակցության խորացումը կծառայեն տարածաշրջանում անվտանգության և կայունության ապահովմանը։
• ՇՀԿ երկրների առաջնորդներն արձանագրել են աշխարհում իրավիճակի վտանգավոր դեգրադացիան։
• ՇՀԿ-ի երկրները սերտ գնահատականներ են տալիս ընթացիկ միջազգային օրակարգի վերաբերյալ, հանդես են գալիս ավելի արդար աշխարհակարգի և մարդկության միասնական ճակատագրի ընկերակցության ընդհանուր տեսլականի ձևավորման օգտին:
• ՇՀԿ-ում պայմանավորվել են նպաստել բարիդրացիական հարաբերությունների զարգացմանը։
  ՇՀԿ առաջնորդները մտադիր են ավելի լայն համագործակցել պաշտպանության և անվտանգության ոլորտներում։
• ՇՀԿ անդամները աջակցում են կանանց ակտիվ մասնակցությունը քաղաքական և այլ ոլորտներում։
• ՇՀԿ երկրները կարծում են, որ հակամարտությունները պետք է լուծվեն միայն դիվանագիտական ճանապարհով։
• Աֆղանստանում իրավիճակի շուտափույթ կարգավորումը ՇՀԿ տարածքում անվտանգության ամրապնդման կարևորագույն գործոններից մեկն է:
• ՇՀԿ երկրները կտրականապես դեմ են տեղեկատվական տեխնոլոգիաների ոլորտի ռազմականացմանը։
• Կազմակերպության ղեկավարները կշարունակեն համագործակցել ՄԱԿ-ում և միջազգային այլ հարթակներում պրոֆիլային բանակցային մեխանիզմների շրջանակներում:
• Տնտեսական պատժամիջոցների միակողմանի կիրառումը, բացի ՄԱԿ-ի ԱԽ-ից, անհամատեղելի է միջազգային իրավունքի սկզբունքների հետ։
• Կազմակերպության ղեկավարները հանդես են գալիս պրոտեկցիոնիստական գործողությունների և առևտրային սահմանափակումների դեմ, որոնք սպառնում են համաշխարհային տնտեսությանը:
• ՇՀԿ երկրները հանդես են եկել փոխադարձ հաշվարկներում ազգային արժույթների մասնաբաժնի աստիճանական ավելացման պրակտիկայի ընդլայնման օգտին:
  Մանրամասները՝ այստեղ։