21:00 30.09.2022
Ռազմաքաղաքական վերջին զարգացումների շուրջ հեռուստալրագրող Արտակ Հովհաննիսյանը «Հորիզոնի» տաղավարում զրուցել է «Հանրապետություն» կուսակցության նախագահ Արամ Սարգսյանի հետ: Նախ անդրադարձ է կատարվել Կառավարության երեկվա նիստում վարչապետ Նիկոլ Փաշինյանի տեսակետին, որ ակնկալվում է միջազգային դիտորդական առաքելություն հայ-ադրբեջանական սահմանին: Հիշեցնենք, որ այդ մասով նախ արձագանքեց ՌԴ ԱԳՆ խոսնակ Մարիա Զախարովան, ակնարկելով, որ Մոսկվան դեմ է այդ կոչին, ապա Լավրովն այսօր հայտարարեց, որ քննարկվում է ԱՊՀ դիտորդներ ներգրավելու հարցը:
«Ռուսները միշտ համարել են, որ մենք իրենց «գրպանում» ենք, և առաջին իսկ դեմքով, երբ ցույց տվեցինք, որ իրենց գրպանում չենք և այլընտրանք ունենք, իրենք միանգամից խառնվեցին իրար: Մարիա Զախարովայի երեկվա հայտարարությունը ՀՀ ինքնիշխանության կոպիտ խատում է, Հայաստանն ինքնիշխան երկիր է և կարող է դիտորդներ հրավիրել՝ ում ուզում է, և ես միանշանակ այն տեսակետին եմ, որ վարչապետը ճիշտ էր, երբ հրավիրում է միջազգային դիտորդների, և պետք է այդ գծի վրա էլ մնալ, այդ գիծը շարունակել, որովհետև միջազգային դիտորդների, այն էլ այնպիսի, ինչպիսին Ֆրանսիան է, ԱՄՆ-ն է, որոնք ՄԱԿ-ի անվտանգության խորհրդում ուղղակիորեն ամրագրեցին, որ Ադրբեջանն է ագրեսիա կիրառել, և խախտել է ՀՀ տարածքային ամբողջականությունը այն դեպքում, երբ Ռուսաստանը Մինսկի խմբի միակ անդամն էր, որ խնդիրը ներկայացրեց որպես տարածքային վեճ:
Հետևաբար, իրենք չընդունեցին, որ մեր տարածքները խախտված են՝ առանց իրենց դիտորդներին ուղարկելու, առանց մոնիթորինգի, իրենք արդեն պնդում էին, որ տարածքային վեճ է, և ոչ թե Հայաստանի տարածքային ամբողջականության խախտում, երկրորդ` ես համարում եմ, որ միջազգային դիտորդների ներկայությունը նաև շատ ավելի օբյեկտիվ է մի պարզ պատճառով, որովհետև ռուսական դիտորդներ մենք ունենք նոյեմբերի 9-ի հայտարարությունից հետո Ղարաբաղում՝ ռուս-թուրքական դիտորդական խումբ, որը գործում է ռուս-թուրք-ադրբեջանական ենթատեքստում, որն առ այսօր իր դիտորդական գործունեության ընթացքում որևէ խախտում չի նկատել, որևէ խախտման մասին որևէ բան չի ասել, ավելին, երբ Փառուխն էին գրավում, երբ մայրաքաղաք Ստեփանակերտը մի ամբողջ ամսով գազազրկված էր ձմեռվա ցրտին, իրենք տեսակետ չհայտնեցին, թե ո՞վ է արել, ինչի՞ համար է արել: Այն տեսակետի կողմնակիցն եմ, որ Հայաստանը պետք է ցույց տա, որ ինքը այլընտրանք ունի, պիտի պահի այդ տեսակետն ու գնա այլընտրանքի ճանապարհով»,- ասաց Արամ Սարգսյանը:
Մանրամասները՝ ամբողջական հարցազրույցում:
14:57 14.07.2025
Արդյունավետ և ընդլայնված խոսակցություն ունեցանք Անտոնիու Կոշտայի և Ուրսուլա ֆոն դեր Լայենի հետ․ ՓաշինյանՀՀ վարչապետ Նիկոլ Փաշինյանը Ֆեյսբուքի իր էջում գրել է, որ արդյունավետ եւ ընդլայնված խոսակցություն է ունեցել Եվրոպական խորհրդի նախագահ Անտոնիու Կոշտայի եւ Եվրոպական հանձնաժողովի նախագահ Ուրսուլա ֆոն դեր Լայենի հետ։ ...
14:51 14.07.2025
Հուլիսի 7-13-ի ագրոօդերևութաբանական տեղեկատվությունը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է հուլիսի 7-13-ի ագրոօդերևութաբանական տեղեկատվությունը։ Շաբաթվա ընթացքում շարունակվել է մշակաբույսերի աճն ու զարգացումը։ Հովտային շրջաններում շարունակվել է պտղատուների, բանջարանոցային մշակաբույսերի, ձմերուկի հասունացումը և բերքահավաքը։ Սկսվել է ծխախոտի վերին տերևների առաջացումը։ Դաշտերում և այգիներում կատարվել է հերթական վեգետացիոն ոռոգում։ Նախալեռնային շրջաններում սկսվել է աշնանացան ցորենի և եգիպտացորենի հասունացումը, շարունակվել է […] ...
14:45 14.07.2025
Վահագն Խաչատուրյանը շնորհավորական ուղերձ է հղել Ֆրանսիայի նախագահ Էմանուել Մակրոնին Ազգային տոնի կապակցությամբՀանրապետության նախագահ Վահագն Խաչատուրյանը շնորհավորական ուղերձ է հղել Ֆրանսիայի Հանրապետության նախագահ Էմանուել Մակրոնին Ազգային տոնի կապակցությամբ։ «Այս պատմական օրը Ֆրանսիան ընտրեց ազատության, մարդու իրավունքների գերակայության, հավասարության և ժողովրդավարության ուղին: Նման համամարդկային արժեքների վրա են հիմնված Հայաստանի և Ֆրանսիայի միջև առանձնաշնորհյալ հարաբերությունները: Առանձնահատուկ երախտագիտությամբ եմ ընդգծում, որ Ձեր նախագահության օրոք հայ-ֆրանսիական բազմոլորտ և սերտ համագործակցությունը վերափոխվել […] ...
14:38 14.07.2025
Անցած 3 օրում գրանցվել է 41 ավտովթար․ 3 մարդ զոհվել է, 49-ը ստացել է տարբեր աստիճանի մարմնական վնասվածքներԲացահայտվել է 221 հանցագործություն, որոնցից 4-ը՝ նախկինում կատարված: Մասնավորապես՝ 36 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 28 դեպք՝ մարմնական վնասվածք պատճառելու, 27 դեպք՝ ֆիզիկական ներգործության, 18 դեպք՝ թմրանյութի հայտնաբերման, 15 դեպք՝ հոգեկան ներգործության, 13 դեպք՝ խարդախության, 11 դեպք՝ անձնական ունեցվածքի գողության, 7-ական […] ...
14:23 14.07.2025
Հանրապետության որոշ հատվածներում սպասվում է բարձր կարգի հրդեհավտանգ իրավիճակՀուլիսի 14-ին Արարատյան դաշտում և Սյունիքի հովիտներում սպասվում է բարձր կարգի հրդեհավտանգ իրավիճակ։ Երևանում հուլիսի 14-ի ցերեկը սպասվում է առանց տեղումների եղանակ։ Հուլիսի 15-ի երեկոյան ժամերին, 16-17-ին գիշերը և երեկոյան սպասվում է կարճատև անձրև և ամպրոպ, հուլիսի 18-19-ի երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ։ Սպավում է քամու ուժգնացում՝ ամպրոպի ժամանակ […] ...
