21:00 08.12.2022
Գյումրիի քաղաքապետարանի ցուցասրահում այսօր բացվել է Տվերի հանրային պալատի անդամ, Ռուսաստանի ժողովրդական նկարչուհի Լյուդմիլա Յուգայի նկարների ցուցահանդեսը, որը նվիրված է ռուս գրող, Տվերի վաճառական Աֆանասի Նիկիտինի ճամփորդությանը և կրում է «Նավարկություն 3 ծովերով» խորագիրը:
Ցուցասրահում ներկայացված մանրանկարչական ժանրի գործերը Գյումրիի քույր քաղաք Տվերի նվերն է «Կումայրի» արգելոց թանգարանին։ Հավաքածուն բաղկացած է 18 մանրանկարներից։ Վաճառական Աֆանասի Նիկիտինը ճանապարհորդել է տարբեր քաղաքներում և ամեն քաղաքում գրի է առել այն, ինչ տեսել է։ Ցուցահանդեսում ներկայացված էր նաև քարտեզ, որտեղ կարմիր սլաքով ներկայացված էր այն ճանապարհը, որով անցել է վաճառականը։
«Նրանք մեզ քարտեզը չէին ուղարկել, մենք թանգարանի գիտաշխատողներով պրպտեցինք և համացանցից գտանք քարտեզը։ Ամենաուշագրավն այն է, որ Բաքուն որտեղ եղել էր Նիկիտինը, նկարագրված է որպես հավերժ վառվող կրակի քաղաք, այսինքն՝ նկարագրում է նավթի արդյունահանումը։ Եթե ուշադիր նայեք քարտեզին ապա կտեսնեք, որ այդտեղ չկա Ադրբեջան բառը, 15-րդ դարում այդտեղ կար իրանական սարահարթ և այդ հատվածներում Շիրվանշահերն են կառավարել, ովքեր պարսկական ծագում ունեն։ Այսինքն՝ այդ ամբողջ տարածքները 15-րդ դարում պատկանել են պարսկական արքայատոհմին»,- պատմում է «Կումայրի» պատմամշակութային արգելոց- թանգարանի տնօրենի ժ/պ Ինգա Ավագյանը։
Նկարները կոմպակտ են արված, նույնիսկ 4-5 քաղաք ներկայացված է մեկ մանրանկարչության մեջ, այսինքն՝ այն ինչ տեսել է Նիկիտինը, սեղմված է մեկ նկարում։
Ինգա Ավագյանի խոսքով՝ ճանապարհորդության մեջ չի հիշատակվում Հայաստանի մասին, բայց Սև ծովով հետ դառնալիս Նիկիտինը ներկայացնում է Կաֆա քաղաքը, որի հիմնադրման գործում, մեծ է այն վաճառական հայերի ներդրումը, որոնք սուրճի վաճառքով են զբաղված եղել։
«Տվերից գալիս են և այցելում Գյումրու պատմության թանգարան, մեր էքսպոզիցիան են դիտում և հուշամատյանում պարտադիր թողնում են շնորհակալական խոսքեր»,-նշում է թանգարանի տնօրենի ժ/պ Ինգա Ավագյանը։
Գյումրի և Տվեր քաղաքների միջև այս տարվա ամռանը կնքվել էր քույր քաղաքների համաձայնագիր։ Մշակութային համագործակցությունների զարգացման շրջանակներում էլ Տվերի հանրային պալատը Գյումրի էր ուղարկել ՌԴ Դաշնության ժողովրդական նկարիչ, Տվերի հանրային պալատի անդամ Լյուդմիլա Յուգայի 18 գործերը, որոնք Գյումրիի համայնքապետարանը փոխանցել է «Կումայրի» պատմամշակութային արգելոց-թանգարանին։
23:59 15.07.2025
ՆԳՆ շրջիկ սպասարկման գրասենյակները ծառայություններ կմատուցեն Շիրակի և Լոռու մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով թե՛ միգրացիայի և քաղաքացիության ծառայության, թե՛ հաշվառման-քննական բաժինների ծառայություններ։ Այս մասին հայտնել են ՆԳՆ-ից: ՆԳ նախարարի հրամանի համաձայն՝ հուլիսի 17-ին ծառայություններ կմատուցվեն․ ժամը 11:00-16:00 Շիրակի մարզի Ամասիա համայնքում՝ համայնքապետարանի հարևանությամբ, ժամը 11:30-16:00 Լոռու մարզի Ստեփանավան համայնքում՝ համայնքապետարանի հարևանությամբ։ Շրջիկ սպասարկման շրջանակում քաղաքացիները կարող են փոխանակել […] ...
23:52 15.07.2025
Lուսացույցների գործարկում՝ մի շարք խաչմերուկներումՀուլիսի 17-ից Աբովյան – Պուշկինի փողոցների, Խուդյակովի – Սաֆարյան փողոցների, Գյուրջյան փողոցի և դեպի Նորքի փողոց 1-ին նրբանցքի ուղղությամբ ճանապարհահատվածի խաչմերուկներում երթևեկությունը կկարգավորվի լուսացուցային համակարգերով: ...
23:47 15.07.2025
Հայաստանի բասկետբոլի հավաքականն առաջին հաղթանակն է տարել Մ20 տարեկանների ԵԱ B դիվիզիոնի B ենթախմբումՀայաստանի բասկետբոլի հավաքականն առաջին հաղթանակն է տարել Երևանում ընթացող Եվրոպայի Մ20 տարեկանների առաջնության B դիվիզիոնի B ենթախմբում։ Չորրորդ խաղում Հայաստանի ընտրանին մրցել է Էստոնիայի հավաքականի հետ և 61։58 հաշվով առավելության է հասել մրցակցի նկատմամբ։ Այս մասին հայտնել են ԿԳՄՍ նախարարությունից: Հայաստանի հավաքականի մրցելույթին Կ․ Դեմիրճյանի անվան մարզահամերգային համալիրում հետևել են նաև ՀՀ կրթության, գիտության, մշակույթի […] ...
23:44 15.07.2025
Խաղաղ Դոնի փողոցում այրվել է վագոն-տնակՀուլիսի 15-ին, ժամը 18:45-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Խաղաղ Դոնի փողոցի թիվ 23 շենքի մոտակայքում այրվում է խոտածածկ տարածք։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ։ Պարզվել է, որ այրվում է վագոն-տնակ։ Հրդեհը մեկուսացվել է ժամը 19։56-ին, մարվել՝ 20։37-ին։ Այրվել է […] ...
23:41 15.07.2025
Համակարգչային շերտագրման ժամանակակից սարք` Կապանի ԲԿ-ին. ԱվանեսյանԱռողջապահության նախարար Անահիտ Ավանեսյանը Ֆեյսբուքի իր էջում գրել. «Կիրակի այցելել էի Կապանի բժշկական կենտրոն: Ուրախությամբ տեղեկացնում եմ, որ բուժկենտրոնը պետական աջակցությամբ ունի նոր և ժամանակակից չափորոշիչներին համապատասխան ՀՇ սարք: Մարզի համար սա համարում եմ կարևոր համալրում. առհասարակ, մարզաբնակ մեր քաղաքացիների համար բուժծառայությունների հասանելիության կազմակերպումն իմ առաջնահերթություններից է: Ընթացքի մեջ են նաև Կապանի պոլիկլինիկայի վերանորոգման աշխատանքները»: […] ...
23:34 15.07.2025
Հերթական նախաձեռնությունը՝ կյանքի դժվարին իրավիճակներում հայտնված երեխաների համարԵրեխաների շրջանում հայ մշակույթի հանդեպ հետաքրքրությունը բարձրացնելու, ինչպես նաև ազգային արժեքներին ծանոթացնելու նպատակով՝ Երևանի քաղաքապետարանը սոցիալական հերթական ծրագիրն է իրականացրել: Այս մասին հայտնել են Երևանի քաղաքապետարանից: Նախաձեռնության շրջանակում կյանքի դժվարին իրավիճակներում հայտնված երեխաները հնարավորություն են ունենում այցելելու կրթամշակութային տարբեր օջախներ: Ծրագրի շահառուներն այսօր Մաչանենց տան հյուրերն էին: Այցը հետաքրքիր էր նաև նրանով, որ երեխաներն անձամբ […] ...
