13:35 22.01.2023
Ուկրաինային տանկեր մատակարարելու քաղաքական որոշում դեռ չի կայացվել՝ հիմնականում Գերմանիայի դիրքորոշման պատճառով։ Այս մասին իսպանական El Diario թերթին տված հարցազրույցում ասել է ԵՄ արտաքին գործերի և անվտանգության քաղաքականության գերագույն ներկայացուցիչ Ժոսեպ Բորելը։
«Անձամբ ես կարծում եմ, որ ներկայիս պատերազմական իրավիճակում անհրաժեշտ է տանկեր մատակարարել Ուկրաինային»,- ասել է ԵՄ դիվանագիտության ղեկավարը։
«Մենք պետք է ռիսկի գնանք Ուկրաինային անհրաժեշտ սպառազինություն մատակարարելու համար,- ավելացրել է նա,- ռիսկ միշտ եղել է, հենց այդ ռիսկի պատճառով է, որ չեն ցանկացել տեղափոխել»:
Բորելը նաև բացատրել է, որ Կիև մարտական ինքնաթիռների հնարավոր տեղափոխման վերաբերյալ քննարկումները սպառվել են։Փոխարենը մատակարարվում է հակաօդային սպառազինություն»,- ասել է նա։
«Մենք ուսումնասիրություն ենք անցկացրել՝ տեսնելու համար, թե որն է ընդհանուր օգնությունը Ուկրաինային, և խոսքը գնում է 50 միլիարդ եվրոյի մասին։ Եվ մենք Ուկրաինային տրամադրել ենք ռազմական օգնություն՝ 3,5 միլիարդ Եվրոպական հիմնադրամից և ավելի քան 7,5 միլիարդ՝ պետությունների ներդրումներից: Այս ամենը մեզ դարձնում է Ուկրաինայի առաջին դոնորը»,- ասել է Բորելը։
Բորելը նաև խոստովանել է, որ քննադատություն կա, որ Եվրոպան և Արևմուտքն ավելի շատ ժամանակ են հատկացնում Կիևին զենք մատակարարելուն, քան Ռուսաստանի հետ դիվանագիտությանը և երկխոսությանը: Միաժամանակ ԵՄ դիվանագիտության ղեկավարը նման քննադատությունն անհիմն է համարել։
Հունվարի 20-ին Գերմանիայի ամերիկյան Ռամշտայն ավիաբազայում կայացել է մի քանի տասնյակ երկրների պաշտպանության նախարարների հերթական հանդիպումը, որում քննարկվել է Կիևին հետագա օգնությունը։ Գերմանիայի պաշտպանության նախարար Բորիս Պիստորիուսը, ելնելով դրա արդյունքներից, ասել է, որ մասնակիցները դեռևս որոշում չեն կայացրել Ուկրաինային Leopard 2 տանկերի մատակարարման վերաբերյալ, ինչպես նաև նշել է, որ չկա սերտ կոալիցիա, որը շահագրգռված է Կիևին Leopard-ի պարտադիր մատակարարմամբ, սակայն չի բացառել, որ նման որոշում կարող է կայացվել առաջիկա օրերին։
09:10 24.05.2025
Տուխելը «Մանչեսթեր Յունայթեդի» ոչ մի ֆուտբոլիստի չի հրավիրել Անգլիայի հավաքականԱնգլիայի հավաքականի գլխավոր մարզիչ Թոմաս Տուխելը ներկայացրել է թիմի հայտացուցակն Անդորայի դեմ Եվրո-28-ի որակավորման մրցաշարի և Սենեգալի հետ ընկերական հանդիպումների համար: Հատկանշական է, որ «Մանչեսթեր Սիթիի», «Չելսիի», «Ռեալի», «Աթլետիկոյի» և «Բավարիայի» անգլիացիները նույնպես հայտացուցակում են, չնայած նրան, որ մասնակցելու են աշխարհի ակումբային առաջնությանը: Փոխարենը հայտացուցակում ոչ մի ֆուտբոլիստ չկա «Մանչեսթեր Յունայթեդից»: ...
08:30 24.05.2025
Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համարՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:59 23.05.2025
Ոչխարաբուծության և այծաբուծության զարգացման 2024-2028 թվականների ծրագրով Կառավարությունը պատրաստ է փոխհատուցել տոհմային կենդանիների ձեռքբերման գնի 50 տոկոսըՈչխարաբուծության և այծաբուծության զարգացման 2024-2028 թվականների քառամյա ծրագրով Կառավարությունը պատրաստ է փոխհատուցել տոհմային կենդանիների ձեռքբերման գնի 50 տոկոսը: Տեղում բուծված կենդանիների դեպքում այն կազմում է մինչև 150 հազար դրամ, ներկրվածինը՝ 225 հազար: Մանրամասները՝ կառավարության տեսանյութում: ...
23:51 23.05.2025
Ֆրանսիան խոստանում է պատասխանել ԱՄՆ արտահանման 50% մաքսատուրքերինԱՄՆ նախագահ Դոնալդ Թրամփի կողմից ԵՄ ապրանքների վրա հունիսի 1-ից ուժի մեջ մտնող 50% ներմուծման մաքսատուրքերն անընդունելի են, BFMTV-ին ասել է Ֆրանսիայի արտաքին առևտրի հարցերով լիազոր նախարար Լորան Սեն-Մարտենը։ Նա նշել է, որ եվրոպացիները կձեռնարկեն պատասխան միջոցներ։ «Սա մեզ համար անընդունելի է», – ասաց նա՝ հաստատելով, որ նման մաքսատուրքերի դեպքում կոնյակի և այլ ապրանքների մատակարարումը […] ...
23:43 23.05.2025
Թրամփը չի պատրաստվում վերանայել ԵՄ-ի նկատմամբ 50% ներմուծման մաքսատուրքեր սահմանելու որոշումըԱՄՆ նախագահ Դոնալդ Թրամփը հայտարարել է, որ չի պատրաստվում վերանայել ԵՄ-ի նկատմամբ 50% ներմուծման մաքսատուրքեր սահմանելու որոշումը, սակայն հաստատել է բանակցությունների պատրաստակամությունը։ «Ես չեմ ձգտում գործարք կնքել։ Մենք արդեն գործարք կնքել ենք (խմբ.մաքսատուրքերի) 50%-ի չափով։ Սակայն, կրկնում եմ, մաքսատուրքերը չեն կիրառվի, եթե նրանք (ԵՄ երկրները) արտադրություն ստեղծեն այստեղ (ԱՄՆ-ում): Եթե ինչ-որ մեկը գա և ցանկություն […] ...
23:34 23.05.2025
ԲՏԱ նախարարն ընդունել է Amazon Web Services ընկերության փոխնախագահի գլխավորած պատվիրակությանըՀՀ բարձր տեխնոլոգիական արդյունաբերության նախարար Մխիթար Հայրապետյանը մայիսի 23-ին ընդունել է ամպային հաշվողականության համաշխարհային առաջատար Amazon Web Services (AWS) ընկերության փոխնախագահ և ամպային տեխնոլոգիաների գլխավոր պատասխանատու Ջեֆֆ Բարրի գլխավորած պատվիրակությանը։ Այս մասին հայտնել են ՀՀ ԲՏԱ նախարարությունից: Հանդիպման նպատակն էր ամրապնդել շարունակական համագործակցությունը, Հայաստանի թվային վերափոխման ռազմավարության առաջխաղացումը, Հայաստանում AWS ընկերության ենթակառուցվածքների ներդրումը, ինչպես նաև […] ...
