Մենք չենք դանդաղում, դուք եք շտապում. Էդուարդ Շարմազանով

Երեկ երեկոյան ՀՀԿ գրասենյակում տեղի ունեցավ  Գործադիր մարմնի նիստը, որը ավանդական հինգշաբթիից տեղափոխվել էր այն պատճառով, որ հինգշաբթին աշխատանքային օր չէ: ՀՀԿ մամուլի խոսնակ Էդուարդ Շարմազանովը լրագրողների հետ ճեպազրույցում   նշեց, որ քննարկվել  են ներքաղաքական   հարցեր, մասնավորապես Հայ-վրացական հարաբերությունների մասին է եղել քննարկում. Վրաստանի վարչապետի այցը Հայաստան շատ արդյունավետ էր, հայ վրացական հարաբերութունների հետագա զարգացման համար կան լուրջ պայմանները,- ասաց Շարմազանովը: 

Հաջորդ քննարկված հարցը  մարտի 11- ին սպասվող տեղական ինքնակառավարման մարմինների ընտրություններ են: Բոլոր մարզերում կան ՀՀԿ թեկնածուներ, սակայն ընդդիմությունը թեկնածուներ չունի, ուստի մեծ մրցակցություն չի սպասում,- ասաց ՀՀԿ մամուլի խոսնակը: 

Էդուարդ Շարմազանովն անդրադարձավ նաև վերջերս ԱՄՆ դեսպան Ռիչարդ Միլսի հարցազույցին, որում կային Հայաստանի ներաքաղաքական կյանքին վերաբերող բնրոշումներ: Շարմազնավոն ասաց, որ նախ և առաջ զարմանալի էր ու տարօրինակ, որ որոշ քաղաքագետներ ու լրատվամիջոցներ փորձում են ոչ ամբողջական ներկայացնել նրա գնահատականները Հայաստանում ժողովրդավարության մասին: Ամբողջական հարցազրույցը կարդալու դեպքում պարզ է դառնում, որ այնտեղ կան և քննադատական, և թե դրական գնահատականներ,- ասաց մամուլի խոսնակը: 

 Շարմազանովը նշեց մի քանի դիտարկումներ: Օրինակ,  ներդրումների մասին  դեսպանը հայտարարում է, որ Հայաստանում   ԱՄՆ-ն իրականացրել է  երեք խոշոր ներդրումային ծրագիր: Երկուսը՝ վերջին երեք  տարվա ընթացքում: Սա նշանակում է, որ ներդրումային միջավայրը դրական տեղաշարժ է արձանագրել: 

Հաջորդ դիտարկումը`միայն վերջին տարվա ընթացքում հայ- ամերիկյան տնտեսական  շրջանառությունը 35 տոկոսով աճել է: Դեսպանը նաև նշում է,  որ Հայաստանում կա ազատ մամաուլ և ազատ քաղաքացիական հասարակություն: Իսկ ազատ մամուլը հնարավոր չէ ոչ ժողովրդավար հասարակությունում, եզրահանգեց Շարմազանովը:

«Մենք  ԱՄՆ դեսպանի շուրթերով արձանագրում ենք,  որ ունենք ժողովրդավարություն: Դեսպանը կոռուպցիայի մասով նշում է`  այն պետական կառույցներում, որոնք  անմիջական են աշխատում հասարակության հետ, կոռուպցիան շեշտակի նվազել է:

Խոսելով դատական իշխանության մասին` դեսպանը նշում է,  որ իշխանությունը կարևորում  է անկախ դատական իշխանությունը և հենց դրանով է  պայմանավորված ԲԴԽ հինգ  անդամի ընտրությունը ԱԺ կողմից:

Մենք պետք է համեմատենք այսօրվա  Հայաստանը հինգ  տարվա  Հայաստանի  հետ»,- ասաց Շարմազանովը:

ՀՀԿ մամուլի խոսնակը նաև պատասխանեց լրագրողների այն հարցին, թե արդյո՞ք քննարկել են ՀՀ վարչապետի, փոխվարչապետի թեկնածության հարցերը:

 «Հայաստանի հանրապետական կուսակցությւնը չի պատրաստվում քննարկել մինչև ապրիլ ոչ վարչապետի, ոչ փոխվարչապետի կամ նախարարների հարցը: Մենք  դա կքննարկենք ապրիլին: Կուսակցությունը  վարչապետի պաշտոնում կառաջադրի այն թեկնածուին, որը  կարող է առավելագույնս  իրականացնել սահմանադրական լիազորությունները,-ավելացրեց Շարմազամովը: 

 «Շատերն ասում են `ինչու ենք դանդաղում: Մենք  չենք  դանդաղում, դուք  եք շտապում,- ասաց ՀՀԿ մամուլի խոսնակը: