11:53 07.06.2023
ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանը հեռակապի միջոցով հանդիպում է ունեցել Համաշխարհային բանկի և Միջազգային ճանապարհների գնահատման ծրագրի (iRAP) գործընկերների հետ։ Քննարկվել են ճանապարհային անվտանգությանը և այդ համատեքստում iRAP-ի կողմից Հայաստանի ճանապարհային ոլորտին հնարավոր աջակցության շրջանակին առնչվող հարցեր։
Փոխնախարար Ղալեչյանը նշել է, որ ճանապարհային անվտանգության գնահատումը և կարողությունների զարգացումը մեր առաջնահերթություններից են, ուստի կարևորում է միջազգային գործընկերների հետ այս ոլորտում Հայաստանում առկա բացերի, մարտահրավերների ու հնարավոր լուծումների քննարկումը։
Միջազգային ճանապարհների գնահատման ծրագրի ներկայացուցիչները խոսել են ենթակառուցվածքների անվտանգության ապահովման iRAP ծրագրի հնարավորությունների, տեսլականի, մեթոդաբանության, նպատակների ու տարբեր երկրներում գրանցած փորձի մասին։ Վերլուծվել են ճանապարհատրանսպորտային պատահարների պատճառները և դրանց մեղմման հնարավորությունները։
Միջազգային փորձագետների հետ քննարկվել են հետագա համատեղ աշխատանքների ձևաչափերը։ Ուսումնասիրություններ կատարելու նպատակով պայմանավորվածություն է ձեռք բերվել iRAP-ի մասնագետներին փոխանցել ճանապարհային անվտանգության ցուցանիշների հետ կապված առկա տեղեկատվությունը, անդրադարձ է եղել Հայաստանում գործող անվտանգության ինժեներներին մասնագիտական աջակցություն ցուցաբերելու հարցին։ Նշվել է նաև, որ ճանապարհային անվտանգության ապահովման խնդիրը պահանջում է ոչ միայն ճանապարհային մասնագետների՝ նախագծողների, շինարարների, անվտանգության ինժեներների ներգրավում, այլև սերտ համագործակցություն տարբեր ոլորտների՝ օրենսդրական, իրավական և այլ բնագավառների ներկայացուցիչների հետ։
21:51 18.06.2025
Իրանն Իսրայելի ուղղությամբ առաջին անգամ արձակել է «Սաջիլ» երկաստիճան միջին հեռահարության բալիստիկ հրթիռԻսլամական հեղափոխության պահապանների կորպուսը (ԻՀՊԿ) հայտարարել է, որ Թեհրանը մարտական գործողությունների ընթացքում առաջին անգամ արձակել է «Սաջիլ» երկաստիճան միջին հեռահարության (2000կմ) բալիստիկ հրթիռ, հաղորդում է Tasnim լրատվական գործակալությունը։ Նշվում է, որ Իրանը Իսրայելի ուղղությամբ արձակել է երեք նմանատիպ հրթիռ։ Ավելի վաղ SHANTNEWS.am-ը հայտնել էր, որ Իրանի զինված ուժերը հրթիռներ են արձակել Իսրայելի ուղղությամբ: ...
21:45 18.06.2025
Կարեն Խաչանովի հաղթական մեկնարկը Հալե-ի ATP-500 մրցաշարումԳերմանական Հալեում ընթացող ATP-500 կարգի մրցաշարում Կարեն Խաչանովը հաղթանակի է հասել Զիզու Բերգսի նկատմամբ: Գրանցվել է 6:4, 6:3 հաշիվը: Աշխարհի 22-րդ ռակետը երկրորդ անգամ էր խաղում բելգիացու հետ և երկրորդ հաղթանակն է տարել։ 1/8 եզրափակչում Խաչանովը կմրցի աշխարհի 27-րդ ռակետ Ֆելիքս Օժյե Ալյասիմի հետ: Կանադացու հետ դիմակայությունների հաշիվն է՝ 1-2: Նրանք չէին հանդիպել 3 տարի: ...
21:41 18.06.2025
Հացահատիկային մշակաբույսերի բերքատվության կանխատեսում«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է հացահատիկային մշակաբույսերի բերքատվության կանխատեսումը: Մասնագիտացված ագրոօդերևութաբանական հաշվարկների և դիտված եղանակային պայմանների վերլուծության արդյունքում՝ 2025թ. հացահատիկային մշակաբույսերի միջին հանրապետական բերքատվությունը (ցողունակալման փուլում) 1 հեկտարից սպասվում է․ աշնանացան ցորեն` 18.5-19ց, գարնանացան գարի՝ 16ց։ ...
21:36 18.06.2025
Փաշինյան-Էրդողան հանդիպումից առաջ Ալիևը Հայաստանի հետ համաձայնագրի կնքման նոր նախապայմաններ է առաջ քաշումԲաքվում աշխատանքն է սկսել «Սևծովյան տնտեսական համագործակցության» կազմակերպության խորհրդարանական վեհաժողովի հերթական նստաշրջանը: Ինչպես և սպասվում էր, Ադրբեջանի իշխանությունները այդ հարթակը կրկին օգտագործել են հակահայկական հռետորաբանության ու քարոզչության համար: Ինչո՞ւ է Բաքվում անցնում ու արդյո՞ք Հայաստանի խորհրդարանը ներկայացված է պատվիրակությամբ: Թեմային՝ «Հորիզոնի» տաղավարում անդրադարձել է Արտյոմ Երկանյանը: «Կազմակերպության 65-րդ նստաշրջանը 3 օր է տևելու Բաքվում: Այնտեղ […] ...
21:28 18.06.2025
Թենիսի Հայաստանի կանանց հավաքականը երկրորդ հաղթանակն է տարել Բիլի Ջին Քինգի գավաթի խաղարկությունումԹենիսի Հայաստանի կանանց հավաքականը երկրորդ հաղթանակն է տարել Բիլի Ջին Քինգի գավաթի խաղարկությունում։ Եվրոպական գոտու երրորդ ենթախմբում հայ թենիսիստուհիները 2-1 հաշվով հաղթել են Անդորրայի թիմին։ Մենախաղում Ալինա Սողոմոնյանը 6-3, 6-1 հաշվով հաղթել է Յուդիթ Կարտանային, իսկ Անի Ամիրաղյանը 0-6, 1-6 հաշվով պարտվել է աշխարհի 135-րդ ռակետ Վիկտորյա Խիմենես-Կասինցևային։ Հայաստանի թիմը հաղթանակն ամրագրել է զուգախաղում։ Սողոմոնյան […] ...
