11:34 07.07.2023
Շարունակվում են քաղաքաշինական ծրագրային փաստաթղթերի մշակման աշխատանքները, հայտնում է Քաղաքաշինության կոմիտեն: Հայաստանի բոլոր բնակավայրերը մինչև 2024 թվականը կունենան քաղաքաշինական ծրագրային փաստաթղթեր: Քաղաքաշինության կոմիտեի համակարգմամբ մշակվել են միկրոռեգիոնալ մակարդակի համակցված տարածական պլանավորման փաստաթղթեր 8 մարզի համար, որից 6-ինն արդեն հաստատվել են: Այս տարի մեկնարկել է Լոռու և Կոտայքի մարզերի փաստաթղթերի մշակումը: Դրանց հաստատմամբ հանրապետության քաղաքային և գյուղական բոլոր բնակավայրերը կունենան քաղաքաշինական գործընթացները կանոնակարգող հիմնական ուղեցույց ծառայող ծրագրային փաստաթղթեր:
Փաստաթղթերի կիրառությունն առավել դյուրին դարձնելու նպատակով քաղաքաշինության կոմիտեի համակարգմամբ ձևավորված միջգերատեսչական հանձնաժողովի անդամները պարբերաբար այցելում են մարզեր՝ համայնքների ղեկավարներին և շահագրգիռ բոլոր կողմերին ներկայացնելու դրանց կիրառման կարգը, հավաքագրելու ծագող հարցերը, առաջարկները և աջակցելու մասնագիտական պարզաբանումներով։
Աշխատանքային խումբն այցելել է Սյունիքի, Վայոց ձորի, Տավուշի, Շիրակի, Կոտայքի, Արագածոտնի, Արմավիրի, Արարատի մարզեր։ Առաջիկայում նախատեսված են քննարկումներ Գեղարքունիքի և Լոռու մարզերում։
Միկրոռեգիոնալ փաստաթղթերը ներառում են տարածական պլանավորման երեք մակարդակ՝ մարզ, համայնք և բնակավայր՝ համապատասխանաբար ընդգրկելով տարածքային հատակագծման նախագիծ, գլխավոր հատակագիծ և գոտևորման նախագիծ։ Հետևաբար կոչված են կանոնակարգելու ինչպես յուրաքանչյուր բնակավայրի տարածքում իրականացվող քաղաքաշինական գործունեությունը, այնպես էլ տարածաշրջանային նշանակության համընդհանուր խնդիրները։
Ինչպես տեղեկացնում է Քաղաքաշինության կոմիտեի նախագահի տեղակալ Նունե Պետրոսյանը, ճարտարապետահատակագծային խնդիրների լուծումից բացի փաստաթղթերում առաջարկվում են բնակավայրի մշակութային ժառանգության և բնական միջավայրի պահպանման, հետագա ճիշտ օգտագործման, նաև տարածաշրջանի ներդրումային գրավչության բարձրացմանն ուղղված պայմաններ։ Փաստաթղթերում արտացոլվում են այն հիմնական գործողությունները, որոնք անհրաժեշտ են տարածքների մրցունակությունը բարձրացնելու և Հայաստանի մարզերի միջև զարգացման առկա անհամաչափությունները մեղմելու համար։ Դրանք հնարավորություն են տալիս իրականացնել քաղաքաշինական այնպիսի քաղաքականություն, որը հիմնված է մարզի իրական կարիքների և ռեսուրսային հնարավորությունների վրա՝ նպաստելով մարզերի տնտեսական զարգացմանը, աշխատատեղերի ստեղծմանը և բնակչության կենսամիջավայրի ու կենսամակարդակի բարելավմանը,-ընդգծում է Նունե Պետրոսյանը։ Որպես օրինակ նա առանձնացնում է հուշարձան-շինություններին երկրորդ կյանք տալու, նոր թաղամասեր ձևավորելու, զբոսաշրջային, գյուղատնտեսական կամ այլ հեռանկարով բնակավայրերի տարածքը ճիշտ օգտագործելու, ենթակառուցվածքներ ստեղծելու ծրագրային առաջարկները, որոնք յուրաքանչյուր մարզի առանձնահատկությունները հաշվի առնելով ներկայացված են փաստաթղթերում։
Միկրոռեգիոնալ մակարդակի քաղաքաշինական փաստաթղթերը մշակվում են ՀՀ կառավարության 2021-2026թթ. գործունեության միջոցառումների ծրագրի համաձայն՝ Քաղաքաշինության կոմիտեի համակարգմամբ։ Դրանք արդեն կիրառվում են Տավուշի, Արագածոտնի, Արմավիրի, Արարատի, Վայոց ձորի և Սյունիքի մարզերում: Առաջիկայում նախատեսվում է ավելացնել մշտադիտարկում իրականացնելու պահանջ՝ վերահսկելու համար ծրագրային ուղղությունների իրագործման ընթացքը և գնահատելու արդյունքները:
23:59 19.05.2025
Երևանի բոլոր վարչական շրջաններում շարունակվում են փոսային նորոգումներըԵրևանի բոլոր վարչական շրջաններում շարունակվում են փոսային նորոգումները: Այս մասին հայտնել են Երևանի քաղաքապետարանից: Արդեն իսկ կատարվել են շուրջ 25.000 քմ աշխատանքներ։ Մանրամասները՝ տեսանյութում: ...
23:55 19.05.2025
Մարդ-վայրի բնություն կոնֆլիկտ. Կենսաբազմազանության միջազգային շաբաթվա շրջանակում միջոցառում Վայրի կենդանիների փրկարար կենտրոնումԿենսաբազմազանության միջազգային շաբաթվա միջոցառումների շարքում մայիսի 19-ին հերթական հանդիպումն անցկացվել է Վայրի կենդանիների փրկարար կենտրոնում (WRC), որի նպատակն էր ընդգծել մարդ-վայրի բնություն կոնֆլիկտի հիմնախնդրի հրատապությունը և վեր հանել համատեղ լուծման հնարավոր ուղիները։ Այս մասին հայտնել են ՀՀ շրջակա միջավայրի նախարարությունից: Միջոցառմանը մասնակցել են Շրջակա միջավայրի նախարարի տեղակալ Տիգրան Գաբրիելյանը, «Հայանտառ» ՊՈԱԿ-ի տնօրենի պաշտոնակատար Վիգեն Չիլինգարյանը, […] ...
23:52 19.05.2025
Հայտնաբերվել է 370 ոչ սթափ վարորդ․ պարեկների անցած շաբաթվա ծառայության արդյունքներըՄայիսի 12-ից 19-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 5297 խախտում, պահպանվող հատուկ տարածք է տեղափոխվել 269 ավտոմեքենա։ Մասնավորապես, հայտնաբերվել է ոչ սթափ վիճակում մեքենա վարող՝ 156, առանց վարորդական իրավունքի վկայականի՝ 340, կեղծ վարորդական իրավունքի վկայականով երթևեկող՝ 1 անձ։ Հայտնաբերվել է հաշվառման համարանիշի հետ կապված՝ 33, չամրակապված վարելու՝ 860, առանց […] ...
23:50 19.05.2025
Գյումրիում կիսաֆաբրիկատների արտադրությամբ զբաղվող ընկերությունը Կառավարության աջակցությամբ վերազինվել է ժամանակակից սարքավորումներովԳյումրիում կիսաֆաբրիկատների արտադրությամբ զբաղվող ընկերությունը Կառավարության աջակցությամբ վերազինվել է ժամանակակից սարքավորումներով. հոսքագծերը ձեռք են բերվել պետական լիզինգի ծրագրով: Գյումրիում արտադրվածը սպառվում է ոչ միայն Հայաստանում, այլև արտահանվում է: Մանրամասները՝ կառավարության տեսանյութում: ...
23:39 19.05.2025
Անահիտ Ավանեսյանը պատասխանում է Առողջության համապարփակ ապահովագրության բարեփոխման վերաբերյալ հարցերիԱռողջապահության նախարար Անահիտ Ավանեսյանը շարունակում է պատասխանել Առողջության համապարփակ ապահովագրության բարեփոխման վերաբերյալ հարցերի: Հարց 5: 50 Ապահովագրության ներդրումից հետո արդյո՞ք քաղաքացին ինքն է ընտրելու` որ բժշկական կենտրոնում սպասարկվի: Մանրամասները՝ տեսանյութում: ...
23:33 19.05.2025
50 տարի անց «Շենգավիթի համալիր մարզաձևերի մարզադպրոց»-ի մարզադահլիճները հիմնանորոգվել ենԿառուցումից հետո՝ շուրջ 50 տարի անց, «Շենգավիթի համալիր մարզաձևերի մարզադպրոց»-ի մարզադահլիճներն առաջին անգամ հիմնանորոգվեցին, թարմացվեց գույքը։ Այս մասին Ֆեյսբուքի իր էջում հայտնել է Երևանի քաղաքապետ Տիգրան Ավինյանը: Համայնքային միջոցներով իրականացված ծրագրի շնորհիվ այսօր ավելի քան 1200 պատանի մարզիկ մարզվում է բարեկարգ, հարմարավետ և ժամանակակից պայմաններում։ Ստեղծվել է միջավայր, որտեղ սաներն ունեն զարգանալու, մեծ սպորտում առաջընթաց […] ...
