19:35 08.07.2023
Կառավարության «Կրթական օբյեկտների շենքային պայմանների բարելավում» ծրագրի շրջանակներում Արագածոտնի մի շարք դպրոցներում վերանորոգման ծավալուն աշխատանքներ են ընթանում, իսկ որոշներն արդեն ավարտվել են, ինչը գեղեցիկ առիթ է դարձել կարմիր ժապավեններ կտրելու և մշակութային միջոցառումներ նախաձեռնելու։
Այս կապակցությամբ, մարզպետ Սերգեյ Մովսիսյանի հրավերով,Արագածոտնի մարզում էին ԱԺ ՔՊ խմբակցության պատգամավորներ Հերիքնազ Տիգրանյանը, Մարիամ Պողոսյանը, Գայանե Եղիազարյանը, որոնք ծանոթացել են Արտենիի թիվ 1 միջնակարգ և Արտենիի հիմնական դպրոցներում Կառավարության ֆինանսական միջոցներով իրականացված աշխատանքներին, մասնավորապես, վերանորոգված միջանցքներին ու հանդիսությունների սրահին։
Մարզպետ Սերգեյ Մովսիսյանը շնորհավորանքի խոսքում ընդգծել է, որ Կառավարության՝ դպրոցների շենքային պայմանների բարելավման ծրագրերը առանցքային նշանակություն ունեն կրթության զարգացման համատեքստում, և մարզպետի աշխատակազմն իր հերթին, իր լիազորությունների շրջանակում առավելապես աջակցում է ծրագրերի իրականացման ու պատշաճ կատարման գործընթացին։ Մասնավորապես, մարզպետի հանձնարարականով նախորդ տարի ստեղծված աշխատանքային խումբը գույքագրել է մարզի բոլոր դպրոցների խնդիրները՝ ըստ առաջնահերթության դրանց լուծում տալու նպատակով, ինչը հաջողությամբ կյանքի է կոչվում։
Սերգեյ Մովսիսյանը վստահություն է հայտնել, որ բարենորոգ ու ժամանակակից միջավայրը շահադրդելու է աշակերտներին ավելի լավ սովորելու, իսկ այս ծավալի դպրոցաշինական ծրագրերի արդյունքում առաջիկայում մարզն ունենալու է ժամանակակից կրթական միջավայր։
Թալին համայնքի տաղանդավոր աշակերտները հյուրերի ուշադրությանն են ներկայացրելիրենց ձեռքի աշխատանքները, հայրենասիրական պարային ու երաժշտական կատարումները, արժանացել են հիացական ծափահարությունների։
Պատգամավոր Հերիքնազ Տիգրանյանը իր ելույթում ասել է, որ դպրոցի պայմանների բարելավումը ոչ միայն ուղղված է աշակերտների առաջադիմության բարձրացմանը, այլև նրանց մեջ ճաշակ ու էսթետ մարդու տեսակ ձևավորելուն և զարգացնելուն։
Կարմիր ժապավեն է կտրվել մարզի ևս 2 դպրոցներում, որոնք տոնել են վերանորոգված մարզադահլիճների բացումը․ մինչ պատգամավորների այցը, մարզպետ Սերգեյ Մովսիսյանը Թալինի համայնքապետ Տավրոս Սափեյանի, մարզպետի աշխատակազմի և համայնքապետարանի ներկայացուցիչների հետ ներկա է գտնվել Դավթաշենի Ա․ Վարդանյանի անվան միջնակարգ և Ակունքի միջնակարգ դպրոցների մարզադահլիճների բացման արարողություններին, որոնք նշանավորվել ենմարզական ու մշակութային գեղեցիկ ցուցադրություններով։
Վերոնշյալ ծրագրի շրջանակում Կառավարությունը Արագածոտնի մարզի 15 դպրոցների համար տրամադրել է 230 մլն 624 հազար ՀՀ դրամ։
14:48 14.05.2025
Մարտունիում հացամթերքի արտադրամասի գործունեություն է կասեցվելՀՀ սննդամթերքի անվտանգության տեսչական մարմնի Գեղարքունիքի մարզային կենտրոնի տեսուչները վերահսկողական միջոցառումներ են իրականացրել «ՎԱԳԵ» ՍՊԸ-ին պատկանող հացամթերքի արտադրամասում (Գեղարքունիքի մարզ, ք․ Մարտունի), որտեղ պարզել են, որ այն գործում է սանիտարահիգիենիկ պայմանների խախտումներով։ Այս մասին տեղեկացնում է ՍԱՏՄ-ն։ Մասնավորապես՝ – արտադրական օբյեկտի պատերի, առաստաղների մակերևույթները պատրաստված չեն եղել անջրանցիկ, լվացվող, ախտահանվող նյութերից. – արտադրական օբյեկտը ապահովված […] ...
14:35 14.05.2025
Արարատ Միրզոյանը և Ալեն Բերսեն քննարկել են ՀՀ-ԵԽ փոխգործակցության հարցերըԼյուքսեմբուրգում կայացած քննարկումների ընթացքում ՀՀ ԱԳ նախարար Արարատ Միրզոյանը և ԵԽ գլխավոր քարտուղար Ալեն Բերսեն անդրադարձ են կատարել ՀՀ-ԵԽ փոխգործակցության հարցերի, այդ թվում՝ առաջիկա ծրագրերին։ Այս մասին հայտնում են ՀՀ ԱԳՆ-ից։ ...
14:33 14.05.2025
Ռուսաստանը պատրաստ է մայիսի 15-ին Ուկրաինայի հետ ուղիղ բանակցությունների․ ՈւշակովՌուսաստանը պատրաստ է մայիսի 15-ին Ստամբուլում վերսկսել Ուկրաինայի հետ ուղիղ բանակցությունները, ինչպես նշել էր Ռուսաստանի նախագահ Վլադիմիր Պուտինը, հայտարարել է ՌԴ նախագահի օգնական Յուրի Ուշակովը։ «Դուք գիտեք նախագահի մայիսի 11-ի հայտարարությունը, որ մենք պատրաստ ենք մայիսի 15-ին Ստամբուլում ուղիղ բանակցություններ սկսել։ Ավելի ճիշտ՝ նույնիսկ չսկսել, այլ վերսկսել այն բանակցությունները, որոնք ընդհատվել էին ուկրաինական կողմի կողմից […] ...
14:28 14.05.2025
ՊԵԿ պատվիրակությունը Բրյուսելում մասնակցել է մաքսային հարցերով ենթակոմիտեի հինգերորդ նիստինՊետական եկամուտների կոմիտեի պատվիրակությունը ՊԵԿ նախագահի տեղակալ Ռաֆայել Գևորգյանի գլխավորությամբ Բրյուսելում մասնակցել է Հայաստանի Հանրապետության և Եվրոպական Միության միջև կնքված Համապարփակ և ընդլայնված գործընկերության համաձայնագրի ներքո գործող մաքսային հարցերով ենթակոմիտեի հինգերորդ նիստին։ Նիստի ընթացքում ներկայացվել են մաքսային ոլորտին առնչվող օրենսդրական բարեփոխումները, ինչպես նաև մաքսային գործառնությունների թվայնացման ուղղությամբ երկու կողմերի ձեռքբերումները և առաջիկա քայլերը։ Քննարկվել է […] ...
14:21 14.05.2025
Թրամփը ցանկանում է Իրանին գործարք առաջարկել միջուկային զենքից հրաժարվելու դիմացԱՄՆ նախագահ Դոնալդ Թրամփը հայտարարել է, որ ցանկանում է համաձայնագիր կնքել Իրանի հետ, եթե վերջինս հրաժարվի միջուկային զենքի մշակումից։ «Ես ուզում եմ գործարք կնքել Իրանի հետ, եթե հնարավոր է ինչ-որ բան անել։ Բայց նրանք պետք է դադարեն ահաբեկչությունը հովանավորելուց, արյունալի միջնորդական պատերազմներ վարելուց և միջուկային զենք ստեղծելու նպատակից», – ասել է Թրամփը Միացյալ Նահանգների և […] ...
14:18 14.05.2025
Քննարկվել են Հայաստան-Իրան երկկողմ հարաբերությունների օրակարգում ընդգրկված առանցքային հարցերըՓոխվարչապետ Մհեր Գրիգորյանն ընդունել է Հայաստանի Հանրապետությունում Իրանի Իսլամական Հանրապետության դեսպան Մեհդի Սոբհանիին: Զրուցակիցները քննարկել են Հայաստան-Իրան երկկողմ հարաբերությունների օրակարգում ընդգրկված առանցքային հարցերը, անդրադարձել համագործակցությանը էներգետիկ և առևտրատնտեսական ոլորտներում: Մտքեր են փոխանակվել նաև տարածաշրջանային զարգացումների շուրջ: ...
