18:30 06.09.2023
Հայաստանի Հանրապետության Ազգային ժողովի աշխատակազմի ղեկավար-գլխավոր քարտուղար Դավիթ Առաքելյանը սեպտեմբերի 6-ին ընդունել է Հայաստանում Կանադայի դեսպան Էլիսն Մարի ԼըՔլերին եւ նրա պատվիրակությանը: Հանդիպմանը ներկա է եղել նաեւ ԱԺ աշխատակազմի ղեկավարի տեղակալ Հեղինե Խաչիկյանը:
Ողջունելով հյուրերին՝ Դավիթ Առաքելյանը շնորհակալություն է հայտնել Կանադայի դեսպանին՝ Հայաստանի համար ծանր ժամանակաշրջանում ստանձնած դիվանագիտական աշխատանքի ու համագործակցության համար: «Հայաստանի եւ Կանադայի միջեւ դիվանագիտական հարաբերությունների հաստատումից ի վեր երկու երկրների միջեւ հարաբերությունները կրում են բարեկամական բնույթ եւ հիմնված են փոխադարձ վստահության ու հարգանքի վրա: Մենք շատ բարձր ենք գնահատում այն փաստը, որ 2020 թվականին՝ Արցախյան երկրորդ պատերազմի առաջին իսկ օրվանից Կանադան ակտիվորեն ջանքեր էր գործադրում կրակի դադարեցման համար»,- նշել է Դավիթ Առաքելյանը:
Կարեւորելով երկկողմ համագործակցության զարգացումը եւ խորացումը՝ ԱԺ աշխատակազմի ղեկավար-գլխավոր քարտուղարը երկու երկրների գերատեսչությունների արդյունավետ աշխատանք է համարել առաջիկայում մեր երկրում Կանադայի դեսպանության բացումը:
Դավիթ Առաքելյանը գոհունակությամբ է արձանագրել այն փաստը, որ հայ-կանադական երկկողմ հարաբերություններում իր ուրույն տեղն է զբաղեցնում միջխորհրդարանական դիվանագիտական համագործակցությունը: «Կարեւորում ենք երկու խորհրդարանների բարեկամական խմբերի դերը` դրանք կարեւոր օղակ են մեր երկու օրենսդիր մարմինների միջեւ փոխգործակցության, ինչպես նաեւ միջպետական հարաբերությունների զարգացման ոլորտում»,- ընդգծել է Դավիթ Առաքելյանը: Այս համատեքստում վերջինս բարձր է գնահատել նաեւ Կանադայի խորհրդարանական կենտրոնի հետ համատեղ արդյունավետ աշխատանքները, փորձի փոխանակմանն ուղղված փոխայցելություններն ու ընդգծել, որ կենտրոնի աջակցությամբ մշակվել է ՀՀ ԱԺ աշխատակազմի Ռազմավարական զարգացման ծրագիրը, որը միտված է աշխատակազմի գործունեությունն ավելի ներառական դարձնելուն` ներգրավելով հաշմանդամություն ունեցող անձանց, կանանց եւ երիտասարդներին:
Հանդիպման ընթացքում քննարկվել են երկու երկրների խորհրդարանների աշխատակազմերի միջեւ համագործակցության խորացմանը, Կանադայի խորհրդարանական կենտրոնի հետ համատեղ իրականացվող ծրագրերի ու հետագա ծրագրերին առնչվող հարցեր:
Ամփոփելով հանդիպումը` Դավիթ Առաքելյանը հույս է հայտնել, որ համագործակցությունը շարունակական բնույթ կկրի:
22:47 10.05.2025
Պայթյուն՝ ավտոմեքենայում․ մեկ տուժած հոսպիտալացվել էՄայիսի 10-ին, ժամը 21։08-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Պոպովի փողոցում ավտոմեքենայից լսվել է պայթյունի ձայն․ առկա է վառելիքի արտահոսք։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։ Ըստ նախնական տվյալների՝ պայթյունը տեղի է ունեցել «Toyota» մակնիշի ավտոմեքենայում: Մինչ փրկարարների կանչի վայր հասնելը՝ […] ...
22:37 10.05.2025
Ալոնսոն հայտարարել է, որ մրցաշրջանից հետո հեռանում է «Բայերից»Լևերկուզենի «Բայերի» գլխավոր մարզիչ Չաբի Ալոնսոն մամուլի ասուլիսի ժամանակ հայտարարել է, որ 2024/25 մրցաշրջանից հետո հեռանալու է գերմանական ակումբից: «Մենք ակումբի հետ համաձայնեցրել ենք, որ սրանք իմ վերջին երկու խաղերն են «Բայերի» ղեկին: Ես պարտական եմ «Բայերին», իմ խաղացողներին և անձնակազմին, ակումբի բոլոր աշխատակիցներին և վերջապես հիանալի երկրպագուներին: Շնորհակալություն»,- ասել է նա: Չաբի Ալոնսոն նաև […] ...
22:30 10.05.2025
Կապանում գնացինք թատրոն և զբոսնեցինք. ՓաշինյանՀՀ վարչապետ Նիկոլ Փաշինյանը Ֆեյսբուքի իր էջում գրել է. «Կապանում գնացինք թատրոն և զբոսնեցինք»: Մանրամասները՝ տեսանյութում: ...
22:21 10.05.2025
Նոր Նորքի ծեծկռտուքը, տրանսպորտը, աղբահանությունը. Հայկ Գրիգորյանի հարցազրույցը քաղաքային խնդիրների վերաբերյալՎերջին օրերին լրահոսում բուռն քննարկումների տեղիք տվեց Նոր Նորքի թաղապետարանում տեղի ունեցած ծեծկռտուքը: Միաժամանակ մշտապես մարդկանց ուշադրության կենտրոնում են քաղաքային կառավարման ու ենթակառուցվածքների հարցերը: Այս ու այլ հարցերի անդրադարձել է Երևանի ավագանու «Ազգային առաջընթաց» խմբակցության անդամ Հայկ Գրիգորյանը «Հեռանկարում»: Ամբողջական հարցազրույցը՝ տեսանյութում: ...
22:12 10.05.2025
Ծաղկաձորում կանցկացվեն ITF-ի վարկանիշային մրցաշարերՄայիսի 12-ից Ծաղկաձորում կմեկնարկեն ITF-ի կանանց և տղամարդկանց պրոֆեսիոնալ վարկանիշային մրցաշարեր։ Այս մասին հայտնում է Հայաստանի թենիսի ֆեդերացիան: Կանցկացվի տղամարդկանց և կանանց 2-ական մրցաշար՝ յուրաքանչյուրը 15․000 դոլար մրցանակային ֆոնդով։ Մրցաշարերին կմասնակցեն 20-ից ավելի երկրների ներկայացուցիչներ։ ...
