14:45 31.08.2018
«Հայաստանին անհրաժեշտ է կոնսեսուսի կառուցման, բանակցային սեղան ձևավորել»,- լրագրողների հետ զրույցում այսօր ասել է փորձագետ Թևան Պողոսյանը՝ անդրադառնալով վարչապետ Նիկոլ Փաշինյանի՝ սահմանադրական փոփոխություններ կատարելու վերաբերյալ արված հայտարարությանը:
Ըստ նրա՝ քաղաքական ուժերը պետք է կարողանան իրենց մեջ ուժ գտնել ու նստել բանակցային սեղանի շուրջ՝ քննարկելու և իրենց ստորագրություններով վավերացնելու փոխզիջումային մի փաստաթուղթ, թե երբ է տեղի ունենալու խորհրդարանի արտահերթ ընտրությունները:
Փորձագետի պնդմամբ՝ ընտրական գործընթացը մոտ 2-2.5 ամիս տևող պրոցես է, և այդ հետհաշվարկը հաշվի առնելով պետք է կուսակցությունները որոշեն, թե մինչև երբ են քննարկելու ընտրական օրենսգիրքը, երբ են ընդունվելու փոփոխությունները, որպեսզի արտահերթ ընտրություններին նախապատրաստվող ուժերը տեղեկացված լինեն, թե ինչքան ժամանակ ունեն ու ինչպես պատրաստվեն ընտրություններին:
«Հիմա եթե գիտենք, այդ օրը լինի, կհասկանանք, թե ինչ պետք է հասցնենք մինչ այդ օրը անել և ոնց ենք անելու, որպեսզի որևէ մեկի մոտ կասկածներ չառաջանա, որևէ մի քաղաքական միավոր չմտածի, թե այս մեկը կարող է ինձ «քցել», խաբել, խուսափել, այլ խաղ խաղալ: Ինչի՞ չենք ցանկանում, որ մեր երկիրը զարգացնելու մեջ լինենք միասնական, գիտակցված, սպասելով և բոլորս մեր էներգիան և ուժերը դեպի այդ դրականը տանենք»,- նշել է փորձագետը:
Նույն տրամաբանությամբ, ըստ Թևան Պողոսյանի, պետք է մոտենալ նաև վարչապետի կողմից առաջարկած անցումային արդարադատության մոդելի ձևավորմանը: Փորձագետի համոզմամբ՝ քաղաքական ուժերը պետք է ընդհանուր հայտարարի գան ու գծեն տնտեսական, քաղաքական ու մյուս ոլորտներին վերաբերող կարմիր գծերը, թե նախկինում արված չարաշահումներից որոնք են ներելի, որոնք՝ ոչ, որ հանցատեսակը ինչպես պետք է պատժվի:
«Եթե օրինակ՝ այսօր օրենքի տառին համաձայն բոլոր գործերը փորձենք բացահայտել, ապա Հայաստանում կան համակարգեր, որտեղ բոլորին պետք է նստեցնել: Եթե սոլյարկա են գողացել, ուրեմն եղել է նաև այն ամենացածր օղակը, որը ստորագրել է այդ թղթի տակ՝ խաբելով, որ էսքան կիլոմետր քշել եմ, բայց չի քշել: Առողջապահական համակարգում՝ չգիտեմ մեկը գումար է տվել, մեկը բժիշկին կոնյակ է տվել, կոռուպցիա՞ է, կոռուպցիա չէ՞, ո՞նց ենք գնահատում»,- նշել է Պողոսյանը՝ ավելացնելով, որ խնդիրները շատ են ու եթե կարմիր գծեր չգծվեն, ապա անհասկանալի ու խառնաշփոթ իրավիճակ կարող է ստեղծվել:
Թևան Պողոսյանի պնդմամբ՝ պետք չէ կրկնել նախկինների սխալները, հարկավոր է հետ կանգնել իրար բզկտելու նախկին մեթոդներից ու պետք է բանակցել: Ի դեպ, նա այդ ուղղությամբ որոշակի տեղաշարժ նկատում է ԱԺ նախագահի և վարչապետի միջև տեղի ունեցած բանակցություններից հետո, երբ հրապարակվեց կոնկրետ այն հարցերի շրջանակը, որի շուրջ քաղաքական ուժերը պատրաստվում են աշխատել:
Ինչ վերաբերում է Սահմանադրության փոփոխությանը, ապա, ըստ Թևան Պողոսյանի, եթե բանակցությունների արդյունքում խորհրդարանի բոլոր խմբակցությունների համաձայնությամբ որոշվի, որ Սահմանադրության մեջ պետք է նոր նախադասություն ավելացվի, ապա որևէ խնդիր չի առաջանա, բայց այդ համաձայնությանը պետք է հանգեն բոլոր ուժերը միասին՝ կոնսեսուսի միջոցով:
11:31 06.07.2025
Այրվել է մոտ 3000 հակ անասնակեր
11:12 06.07.2025
Քարաթափում Ալավերդի քաղաքում. վնասվել է ավտոմեքենաՀուլիսի 5-ին, ժամը 21:54-ին Լոռու մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Ալավերդի քաղաքի Բաղրամյան փողոցում տեղի է ունեցել քարաթափում, ինչի հետևանքով վնասվել է ավտոմեքենա, երթևեկությունը դարձել է միակողմանի։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Բաղրամյան թաղամասի սկզբնամասում տեղի է ունեցել քարաթափում: Ճանապարհի վրա ընկել է մոտ 0,3 խմ […] ...
10:45 06.07.2025
Այրվել է ավտոմեքենա. կա տուժածՀուլիսի 5-ին, ժամը 21:59-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Գառնի գյուղի գլխավոր խաչմերուկում այրվում է ավտոմեքենա: Դեպքի վայր է մեկնել ՆԳՆ ՓԾ մարզային փրկարարական վարչության Գառնու երկու կամավորական հրշեջ–փրկարարական խումբ: Պարզվել է, որ հրդեհը բռնկվել է Գառնի գյուղի Գևորգ Մարզպետունու փողոցում։ Մինչ փրկարարների կանչի վայր հասնելը՝ վարորդը տեղափոխվել է բժշկական կենտրոն: Հրդեհը մեկուսացվել է ժամը 22:17-ին, մարվել՝ 22:27-ին: Այրվել է «Lada» մակնիշի ավտոմեքենան: ...
10:15 06.07.2025
Փրկարարներն արձագանքել են ուժեղ քամու վերաբերյալ ստացված ահազանգերինՀուլիսի 5-ին, ժամը 16:27-ից սկսած՝ ՀՀ ՆԳՆ փրկարար ծառայությունում մի շարք ահազանգեր են ստացվել ուժեղ քամու հետևանքով առաջացած վնասների վերաբերյալ։ Արմավիրի, Վայոց ձորի մարզերից և Երևան քաղաքի մի շարք վարչական շրջաններից տեղեկություններ են ստացվել թեքված և տապալված ծառերի, սյուների, ինչպես նաև շինությունների տանիքների վնասման վերաբերյալ։ Փրկարար ծառայության համապատասխան ստորաբաժանումներն օպերատիվորեն արձագանքել են բոլոր դեպքերին։ Մասնավորապես՝ […] ...
10:00 06.07.2025
Այրվել է վագոն-տնակՀուլիսի 6-ին, ժամը 01:42-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մեծամոր քաղաքի 5-րդ փողոցում այրվում է չշահագործվող վագոն-տնակ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Հրդեհը մեկուսացվել է ժամը 02:09-ին, մարվել՝ 04:01-ին: Այրվել է վագոն-տնակը (մոտ 20 քմ)՝ գույքով: ...
09:00 06.07.2025
Երկրաշարժ Մարտունի քաղաքից 6 կմ հյուսիս-արևմուտքՀուլիսի 6-ին, տեղական ժամանակով ժամը 07:48-ին (Գրինվիչի ժամանակով` ժամը 03։48-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.18⁰ և արևելյան երկայնության 45․25⁰ աշխարհագրական կոորդինատներով Հայաստան՝ Մարտունի քաղաքից 6 կմ հյուսիս-արևմուտք, օջախի 10 կմ խորությամբ 1․9 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 2-3 բալ: Երկրաշարժը զգացվել է […] ...
22:59 05.07.2025
Նեթանյահուն կաբինետի նիստ կանցկացնի՝ պատանդների գործարքը քննարկելու համարԻսրայելի վարչապետ Բենիամին Նեթանյահուն կհավաքի կառավարության (այսպես կոչված՝ փոքր կաբինետի) հիմնական անդամներին՝ Գազայի հատվածում պատանդների վերաբերյալ ՀԱՄԱՍ-ի հետ համաձայնագիրը քննարկելու համար, հայտարարել է Իսրայելի կառավարության ղեկավարի գրասենյակի խորհրդական Դմիտրի Գենդելմանը։ Նա մանրամասնել է, որ հանդիպմանը կքննարկվի նաև Կատարում կայանալիք բանակցություններին իսրայելական պատվիրակություն ուղարկելու հարցը։ Ավելի վաղ Ynet պորտալը հայտնել էր, որ Իսրայելի իշխանությունները ՀԱՄԱՍ-ից պատասխան […] ...
