16:16 15.02.2024
Փետրվարի 14-ին Վայոց ձորի մարզպետ Կոլյա Միքաելյանն ընդունել է Միացյալ Թագավորության խորհրդարանի Համայնքների պալատի անդամ սըր Ջոն Ուիթինգդեյլի գլխավորած պատվիրակությանը:
Ինչպես տեղեկացնում են մարզպետարանից, հանդիպմանը ներկա են եղել նաև Ջերմուկ համայնքի ղեկավար Վահագն Արսենյանը, Միացյալ Թագավորությունում Հայաստանի Հանրապետության արտակարգ և լիազոր դեսպան Վարուժան Ներսեսյանը, բարձրաստիճան այլ հյուրեր:
Մարզպետ Կ․ Միքաելյանը շնորհակալություն է հայտնել Մեծ Բրիտանիա-Հայաստան բարեկամական խմբի անդամներին ինչպես Միացյալ Թագավորությունում իրականացվող հայանպաստ շարունակական նախաձեռնությունների, այնպես էլ Ջերմուկ այցելելու և Ադրբեջանի շարունակական սադրանքների հետևանքով ստեղծված իրավիճակին անձամբ ականատես լինելու ցանկության համար։
Պատվիրակության ղեկավար սըր Ջոն Ուիթինգդեյլն իր հերթին շնորհակալություն է հայտնել ջերմ ընդունելության համար և ընդգծել, որ թեկուզև իրենք ընդհանուր առմամբ տեղյակ են պատերազմական գործողություններին և դրանց հետևանքներին, սակայն իրենց համար շատ կարևոր էր այցելել և տեղում ծանոթանալ ագրեսիայի հետևանքով ստեղծված իրավիճակին, ինչը թույլ կտա հասկանալ, թե ինչպես կարող են լավագույնս աջակցություն ցուցաբերել Հայաստանին։
Հանդիպման ընթացքում մարզպետը պատասխանել է ներկաներին հետաքրքրող հարցերին, ներկայացրել է Ադրբեջանի էթնիկ զտումների քաղաքականության արդյունքում մարզում ստեղծված հումանիտար իրավիճակի, ինչպես նաև Լեռնային Ղարաբաղից բռնի տեղահանված անձանց առաջնային կարիքների հասցեագրմանն ուղղված միջնաժամկետ և երկարաժամկետ ծրագրերի, նրանց զբաղվածության և սոցիալական ինտեգրման ուղղությամբ մարզի և համայնքի կողմից իրականացվող աշխատանքների վերաբերյալ:
Այս համատեքստում խորհրդարանական պատվիրակության անդամները հանդիպել են Լեռնային Ղարաբաղից բռնի տեղահանված և Ջերմուկ համայնքում բնակվող ընտանիքների հետ, լսել նրանց պատմությունները։
Սըր Ջոն Ուիթինգդեյլը նշել է, որ արդեն երկու օր է, ինչ գտնվում են Հայաստանում, բայց այս հանդիպումն իրենց համար ունեցավ առանձնահատուկ նշանակություն այդ պատմությունները և ստացված տեղեկատվությունն արձանագրելու և Միացյալ Թագավորության համապատասխան կառույցներում բարձրաձայնելու տեսանկյունից։
Պատվիրակության անդամներին ներկայացվել է նաև 2020թ․ ադրբեջանական ագրեսիայի թիրախ դարձած քաղաքացիական ենթակառուցվածքներին և Ջերմուկ համայնքի տնտեսությանը հասցված վնասը։
Հանդիպման ընթացքում ներկայացվել են նաև Վայոց ձորի տնտեսության գերակա ուղղությունները, տնտեսական ներկայիս իրավիճակը և զարգացման միտումները` հատուկ անդրադարձ կատարելով զբոսաշրջության ոլորտին: Ոլորտի ընձեռած հնարավորություններին տեղում ծանոթանալու նպատակով կողմերն այցելել են համայնքի այցեքարտ հանդիսացող Ջերմուկի ըմպելասրահ և տեսարժան այլ վայրեր:
Ամփոփելով հանդիպումը՝ կողմերը հույս են հայտնել, որ հաջորդ հանդիպումը կլինի ընդլայնված ձևաչափով, և պատվիրակության անդամները հնարավորություն կունենան տեղում ծանոթանալ մարզի տնտեսությանը, գյուղատնտեսության և զբոսաշրջության ոլորտների ներուժին, մշակույթին և ժողովրդին՝ հետագա համագործակցությունն ավելի ամրապնդելու և նոր նախաձեռնություններով համալրելու նպատակով։
17:54 09.06.2025
Զիդանը նշել է պատմության մեջ տեխնիկապես ամենաօժտված ֆուտբոլիստինՀամաշխարհային ֆուտբոլի լեգենդ Զինեդին Զիդանը նշել է պատմության մեջ տեխնիկապես ամենաօժտված ֆուտբոլիստին։ Զիդանը առանձնացրել է իր հայրենակից Թիերի Անրիին։ «Ռոնալդինյոն յուրահատուկ ֆուտբոլիստ է, բայց Թիերի Անրին, թերևս, տեխնիկապես ամենաօժտված ֆուտբոլիստն է, ով երբևէ ներկայացրել է ֆուտբոլը»,-Զիդանի խոսքերն է մեջբերում Give me Sport-ը, փոխանցում է armsport.am-ը: Անրին հանդես է եկել «Արսենալում», «Բարսելոնայում», «Յուվենտուսում» և այլ ակումբներում։ […] ...
17:43 09.06.2025
Վագոն-տնակում թմրանյութ է հայտնաբերվել. երիտասարդը ձերբակալվել էՀամայնքային ոստիկանության Աշտարակի բաժնի ծառայողները տեղեկություններ էին ստացել, որ Ուջան գյուղի 24-ամյա բնակիչը կանեփի թփեր է աճեցնում, պահում և օգտագործում է մարիխուանա: Հունիսի 5-ին նա հենց Ուջանում ձերբակալվել և տեղափոխվել է բաժին: Նախաձեռնվել է քրեական վարույթ, որի շրջանակում կատարված զննությամբ վագոն-տնակում հայտնաբերվել է մոտ 16 գրամ մարիխուանա, իսկ այգում՝ կանեփի բույսեր։ Նախաքննությամբ հանգամանքները պարզվում են: […] ...
17:34 09.06.2025
ՀՀ ԱԳ նախարարի տեղակալը հանդիպել է Գերմանիայի շրջակա միջավայրի դաշնային նախարարության խորհրդարանական պետքարտուղարի հետՀունիսի 9-ին Նիսում անցկացվող Օվկիանոսի հարցերով ՄԱԿ 3-րդ համաժողովի շրջանակներում ՀՀ ԱԳ նախարարի տեղակալ Ռոբերտ Աբիսողոմոնյանը հանդիպել է Գերմանիայի շրջակա միջավայրի, բնության պահպանության և միջուկային անվտանգության դաշնային նախարարության խորհրդարանական պետքարտուղար Ռիտա Շվարցելյուր-Զուտտերի հետ: Հանդիպմանը մասնակցել է նաև ՀՀ վարչապետի գլխավոր խորհրդական, COP-17-ի կազմկոմիտեի նախագահ Համբարձում Մաթևոսյանը: Հանդիպմանն անդրադարձ է կատարվել 2026թ. Հայաստանում կայանալիք ՄԱԿ Կենսաբանական […] ...
17:27 09.06.2025
Որպես անհետ կորած որոնվող 52-ամյա տղամարդը հայտնաբերվել էՀունիսի 3-ին հաղորդվել էր 1973 թվականին ծնված, Գյումրու բնակիչ Արմեն Հ․-ի անհետ կորելու մասին։ Նախաձեռնվել էր քրեական վարույթ: Քրեական ոստիկանության Արմավիրի մարզային վարչության ծառայողների ձեռնարկած միջոցառումների արդյունքում տղամարդը հունիսի 8-ին Էջմիածնի Զվարթնոց թաղամասում հայտնաբերվել և ներկայացվել է։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական […] ...
17:20 09.06.2025
Երևանի քաղաքապետարանն առաջարկում է վերանայել «Վեոլիա ջրի» հետ պայմանագրային հարաբերություններըԵրևանի քաղաքապետարանը նամակ է ուղարկել կառավարությանը և Ջրային կոմիտեին՝ առաջարկելով վերանայել «Վեոլիա ջրի» հետ պայմանագրային հարաբերությունները: Այս և այլ թեմաների մասին զեկուցել են այսօրվա գործակարգավարականի ընթացքում: Մանրամասները՝ ռեպորտաժում: ...
