Շինարարական աշխատանքների կարգը՝ գերեզմանատներում – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
22 05 2025
  • $
    385.06
  • RUBLE
    4.80
  • 436.58
WEATHER
+26.09 oC

Շինարարական աշխատանքների կարգը՝ գերեզմանատներում

13:29 18.02.2024

«Լինում են դեպքեր, երբ տապանաքարեր են գողանում գրված, հետո մաքրում և վաճառում են: Սովորական քաղաքացին դա չի կարող անել»,- ասում է «Բնակչության հատուկ սպասարկում» ՀՈԱԿ տնօրեն Հրաչյա Նազարյանը:

Երևանի համայնքային գերեզմանատներում շինարարական աշխատանքների ընթացքում այլ դեպքեր էլ են բացահայտվել: Դրանք հիմնականում կատարվում են գիշերային ժամերին: Քաղաքացիները, որոնք վարպետներ են գտնում գերեզմանատեղիի նորոգման համար, հաճախ չեն էլ ենթադրում, թե ինչպես են աշխատում շինարարները: «Բնակչության հատուկ սպասարկում» ՀՈԱԿ-ը խնդիրը լուծելու համար նախաձեռնեց փոփոխություններ: Տարեվերջին ավագանին հաստատեց գերեզմանատներում շինարարական աշխատանքներ իրականացնելու նոր կարգը:

«Մենք ուղիղ պատասխանատվություն ենք կրում քաղաքացիների առջև: Գերեզմանատները պետք է ունենան որոշակի ստանդարտներ, որպեսզի նախորդ տարիների արատավոր երևույթները թույլ չտանք և ամեն ինչ լինի քաղաքապետարանի կողմից վերահսկելի»,-նշում է Երևանի քաղաքապետի առաջին տեղակալ Արմեն Փամբուխչյանը:

«Ավագանու որոշմամբ գերեզմանատներում շինարարական աշխատանքներ կատարելիս պետք է համաձայնեցնել գերեզմանատան վարիչի հետ, որպեսզի կարողանան հսկողություն սահմանել: Ինչու դա արվեց, որովհետև բազմաթիվ գերեզմանատներում կանխվում են գողությունները, աղբ թափելը»,-ասում է Նազարյանը:

Նախատեսված է նաև որոշակի ժամային սահմանափակումներ՝ շինարարական աշխատանքների համար: Խոսքը մասնավորապես հուղարկավորությունների մասին է: Ժամը 20:00-ից հետո էլ գերեզմանտներ մեքենաների մուտքը չի թույլատրվում:

«Շինարարները, որ տեղյակ չեն պահում վարիչին, շինարարական աշխատանքներ կատարելիս չափերի խախտում են կատարում, իսկ դրանից հետո ասում են՝ «դե կատարվել է, թող մնա», այսինքն՝ մենք չենք կարողանում վերահսկել: Ապօրինի շինարարությունը որ կատարվում է երեկոյան ժամերին, կարող ենք դիտարկել որպես ինքնական շինարարություն և կարող են տուգանքի ենթարկվել մինչև 1.5 մլն դրամի չափով»,- նշում է ՀՈԱԿ-ի տնօրենը:

Շինարարներին փոփոխությունները մտահոգել են: Նրանց հետ հանդիպմանը ՀՈԱԿ-ի տնօրենն ընդգծեց գերեզմանատներում շինարարական աշխատանքներ կարող են կատարել բոլոր շինարարները, թեև մեծ մասն անգամ արտոնագիր չունի, միայն թե վարպետները պետք է անպայման համաձայնեցնեն վարիչի հետ:

«Մենք փորձելու ենք լուծել հետևյալ խնդիրը՝ կանոնակարգել գերեզմանատներում շինարարական աշխատանքների իրականացնելու ժամային մասը, կարգը և, բնականաբար, դա միտված է բարելավելու մատուցվող ծառայությունների որակը և թե այլ տարատեսակ կոռուպցիոն ռիսկերի նվազեցում: Ուզում եմ նաև հիշեցնել, որ գերեզմանատեղիի համար պահանջվող ցանկացած գումար ապօրինի է և քրեական էլեմենտ է պարունակում իր մեջ»,- ընդգծում է քաղաքապետի առաջին տեղակալ Արմեն Փամբուխչյանը:

Հենց այս նպատակով էր նաև վճարովի ծառայությունների ավելացումը: ՀՈԱԿ-ն այսօր առաջարկում է բետոնային աշխատանքներ՝ շուկայական արժեքներով: Ֆինանսական նոր հոսքերը հնարավորություն են տալիս բարձրացնել ու ընդլայնել մատուցվող ծառայությունները:

Մանրամասները՝ տեսանյութում:

Բոլոր լուրերը

Կապակցված լուրեր

Հոգեկան առողջության իրազեկման ամիս. քաղաքապետարանի աջակցությամբ իրականացվում է «Հուզական աջակցության թեժ գիծ» փորձնական ծրագիրը

14:37 22.05.2025

Հոգեկան առողջության իրազեկման ամիս. քաղաքապետարանի աջակցությամբ իրականացվում է «Հուզական աջակցության թեժ գիծ» փորձնական ծրագիրը

Հաշվի առնելով այն, որ Հոգեկան առողջության իրազեկման ամիսը (Mental Health Awareness Month) նշվում է ամեն տարի մայիսին, Երևանի քաղաքապետարանն, ի դեմս աշխատակազմի երեխաների և սոցիալական պաշտպանության վարչության, համագործակցում է «Հոգեկան առողջության իրազեկման նախաձեռնություն» հասարակական կազմակերպության հետ, որը քաղաքապետարանի աջակցությամբ իրականացնում է «Հուզական աջակցության թեժ գիծ» փորձնական ծրագիրը: «Ծրագիրը նպատակ ունի բարձրացնել հասարակության իրազեկվածությունը հոգեկան առողջության […] ...

Պեսկովը խոսել է Ուկրաինայի հետ գերիների փոխանակման նախապատրաստական աշխատանքների մասին

14:26 22.05.2025

Պեսկովը խոսել է Ուկրաինայի հետ գերիների փոխանակման նախապատրաստական աշխատանքների մասին

Բոլոր կողմերը շահագրգռված են Ռուսաստանի և Ուկրաինայի միջև գերիների փոխանակման արագ իրականացման հարցում՝ 1000-ը 1000-ի դիմաց բանաձևով, հայտարարել է Ռուսաստանի նախագահի մամուլի քարտուղար Դմիտրի Պեսկովը։ «Սա բավականին աշխատատար հարց է։ Բնականաբար, այնտեղ աշխատանքներ են տարվում կոնկրետ անուններով մարդկանց փոխանակելու ուղղությամբ։ Քանի որ խոսքը 1000-ը 1000-ի դիմացի մասին է, ապա, իհարկե, դա որոշակի ժամանակ է պահանջում։ […] ...

Հայաստանի տարածքում «Արևմտյան Ադրբեջան» չկա. ՀՀ ԱԳՆ խոսնակն արձագանքել է Ալիևի հայտարարությանը

14:16 22.05.2025

Հայաստանի տարածքում «Արևմտյան Ադրբեջան» չկա. ՀՀ ԱԳՆ խոսնակն արձագանքել է Ալիևի հայտարարությանը

Հայաստանի արտաքին գործերի նախարարության մամուլի խոսնակ Անի Բադալյանն անդրադարձել է Ադրբեջանի նախագահ Իլհամ Ալիևի կողմից հերթական անգամ հնչեցված՝ այսպես կոչված «Արևմտյան Ադրբեջան» կեղծ խոսույթին: ԱԳՆ մամուլի խոսնակը թեմային անդրադարձել է՝ պատասխանելով «Արմենպրես»-ի հարցին։ Հարց. Երեկ տեղի ունեցած միջոցառումներից մեկի ժամանակ հնչել է Ադրբեջանի նախագահի ուղերձ, որում կրկին շեշտվում է «Արևմտյան Ադրբեջան» խոսույթը: Ինչպե՞ս եք արձագանքում: […] ...

Օպերատիվ իրավիճակը հանրապետությունում մայիսի 21-22-ը

14:07 22.05.2025

Օպերատիվ իրավիճակը հանրապետությունում մայիսի 21-22-ը

Բացահայտվել է 103 հանցագործություն, որոնցից 7-ը՝ նախկինում կատարված: Մասնավորապես՝ 25 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 12 դեպք՝ թմրանյութի հայտնաբերման, 10-ական դեպք՝ մարմնական վնասվածք պատճառելու և խարդախության, 6 դեպք՝ ֆիզիկական ներգործության, 4-ական դեպք՝ հոգեկան ներգործության և զենք-զինամթերքի առգրավման, 3-ական դեպք՝ անձնական ունեցվածքի […] ...

Իտալիայում ՀՀ դեսպանն իր հավատարմագրերն է հանձնել ՄԱԿ Պարենի և գյուղատնտեսության կազմակերպության գլխավոր տնօրենին

13:45 22.05.2025

Իտալիայում ՀՀ դեսպանն իր հավատարմագրերն է հանձնել ՄԱԿ Պարենի և գյուղատնտեսության կազմակերպության գլխավոր տնօրենին

Իտալիայում ՀՀ դեսպան Վլադիմիր Կարապետյանը իր հավատարմագրերն է հանձնել ՄԱԿ Պարենի և գյուղատնտեսության կազմակերպության (FAO) Գլխավոր տնօրեն Չյու Դոնգյուին։ Այս մասին հայտնում են Իտալիայում ՀՀ դեսպանությունից։ ...

Հայ շախմատիստների գրանցած արդյունքները՝ «8th Sharjah Masters 2025»-ում

13:40 22.05.2025

Հայ շախմատիստների գրանցած արդյունքները՝ «8th Sharjah Masters 2025»-ում

Շարժայում ընթացող «8th Sharjah Masters 2025» շախմատի միջազգային մրցաշարի ավարտին մնացել է 4 խաղափուլ։ 5 խաղափուլից հետո գրոսմայստեր Շանթ Սարգսյանը ունի 3.5 միավոր և կիսում է 4-16-րդ հորիզոնականները: Գրոսմայստեր Էմին Օհանյանը ունի 2.5 միավոր, գրոսմայստեր Գաբրիել Սարգսյանը՝ 2 միավոր, իսկ միջազգային վարպետ Արթուր Դավթյանը՝ 1.5 միավոր: Մրցաշարի «B» խմբում կանանց միջազգային վարպետ Մարիամ Մկրտչյանը ունի […] ...

BACK_TO_TOP