Հայաստանն ու ԱՄԷ-ն պլանավորում են առևտրի, ներդրումների և ծառայությունների ազատականացման համաձայնագիր ստորագրել – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
09 07 2025
  • $
    383.82
  • RUBLE
    4.91
  • 449.11
WEATHER
+29.09 oC

Հայաստանն ու ԱՄԷ-ն պլանավորում են առևտրի, ներդրումների և ծառայությունների ազատականացման համաձայնագիր ստորագրել

10:02 23.02.2024

Անցյալ տարի զարգացման կտրուկ լիցք ստացած Հայաստան-ԱՄԷ տնտեսական հարաբերություններն առաջիկայում կարող են նոր երանգ ստանալ։ ՀՀ էկոնոմիկայի նախարարությունն, արձագանքելով «Արմենպրես»-ի հարցմանը, ներկայացրել է երկու երկրների տնտեսական փոխգործակցությանը թարմ շունչ հաղորդելու ունակ առավել հեռանկարային ուղղությունները։

Նշվում է, որ հրապուրիչ է հատկապես զբոսաշրջության, ենթակառուցվածքների, վերականգնվող էներգիայի, շինարարության, գյուղատնտեսության, սննդի արդյունաբերության, բարձր տեխնոլոգիաների, թվայնացման, կիբեռանվտանգության և նորարարության բնագավառներում համագործակցության ընդլայնումն ու խորացումը: Այդ ոլորտներում համագործակցությունը խոստանում է փոխշահավետ լինել:

2023 թվականին ԱՄԷ-ն ապրանքաշրջանառության ծավալով դարձավ մեր երկրի երկրորդ առևտրային գործընկերը՝ միաժամանակ գլխավորելով Հայաստանում օտարերկրյա ուղղակի ներդրումներ կատարած երկրների ցանկը։ Անցյալ տարի Հայաստանից ԱՄԷ արտահանումը գումարային արտահայտմամբ կազմել է շուրջ 2.2 մլրդ դոլար՝ 2022 թվականի համեմատ աճելով 3.2 անգամ: Ներմուծման ծավալն անհամեմատ համեստ է՝ մոտ 600 մլն դոլար: 2022–ի ցուցանիշը գերազանցվել է 36.7 տոկոսով: Ընդհանուր առևտրաշրջանառությունը կազմել է 2.8 մլրդ դոլար՝ մեկ տարում աճելով 1.9 անգամ։

Նախարարության տեղեկացմամբ՝ 2022 թվականի համեմատ արտահանման կառուցվածքն էականորեն չի փոխվել: Նախորդ տարի Հայաստանից ԱՄԷ արտահանման 96.3 տոկոսը բաժին է հասել չորս ապրանքատեսակների՝ անմշակ, կիսամշակ ոսկի կամ ոսկու փոշի, ոսկերչական իրեր, ադամանդե քարեր, սիգարետներ և սիգարներ: 2022-ին դրանք կազմել են արտահանման 98.7 տոկոսը:

Հիմնականում անփոփոխ է նաև ներմուծման կառուցվածքը, որում գերիշխում են մարդատար ավտոմեքենաները, ադամանդե քարերը, հեռախոսների պահեստամասերը, մոդեմները և ոսկերչական իրերը: Ընդհանուր առմամբ՝ դրանք կազմում են 2023 թվականին ԱՄԷ-ից Հայաստան ներմուծված ապրանքների 59 տոկոսը (2022-ին 60 տոկոսն էր):

2023-ին Հայաստանից ԱՄԷ վերաարտահանվել է 1.6 մլրդ դոլարի ապրանք, հիմնականում՝ անմշակ ոսկի (1.3 մլրդ դոլարի), ադամանդե քարեր (300 մլն) և անմշակ, կիսամշակ կամ փոշու տեսքով պլատին (32 մլն):

Անցյալ տարի ԱՄԷ-ն դարձավ Հայաստանի տնտեսությունում օտարերկրյա ուղղակի ներդրումների ամենամեծ ծավալն ապահոված երկիրը՝ պատմության մեջ առաջին անգամ շրջանցելով Ռուսաստանին: 2023-ի հունվար-սեպտեմբեր ամիսներին արաբական այդ երկիրը ՀՀ-ում կատարել է 101 մլրդ 814.4 մլն դրամի ուղղակի ներդրում: Նախարարությունն ընդգծում է, որ այդ ցուցանիշը պետք չէ պայմանավորել առանձին գործոնով, այլ անհրաժեշտ է դիտարկել վերջին շրջանում հայ-էմիրաթական առևտրատնտեսական հարաբերությունների զարգացման դինամիկայի ընդհանուր տրամաբանության խորապատկերում:

ՀՀ էկոնոմիկայի նախարարության գնահատմամբ՝ Հայաստան-ԱՄԷ տնտեսական համագործակցության զարգացմանն ամենից առաջ նպաստում են մեր երկրում բիզնես միջավայրի շարունակական բարելավումը, երկկողմ առևտրային հարաբերություններում առկա աճը և ԱՄԷ-ից դեպի Հայաստան զբոսաշրջիկների հոսքի շարունակական ավելացումը: «Այդ առումով անշուշտ կարևոր էր, օրինակ, նախորդ տարվա սեպտեմբերին Երևանում կայացած հայ-էմիրաթական գործարար համաժողովը: Զուգահեռաբար, Հայաստանը ակտիվ մասնակցում է ԱՄԷ-ում անցկացվող միջազգային գործարար միջոցառումներին, ինչը հնարավորություն է տալիս առաջ մղել Հայաստանի ներդրումային հնարավորությունները և էմիրաթցի գործարարներին ներկայացնել մեր տնտեսության՝ ներդրումային ներուժ ունեցող ոլորտները:

Շարունակվում են «Հայաստանի Հանրապետության կառավարության և Արաբական Միացյալ Էմիրությունների կառավարության միջև՝ ծառայությունների, առևտրի և ներդրումների մասին» համաձայնագրի ստորագրման վերաբերյալ բանակցությունները, որոնք սկսվել են անցյալ տարի: Նման փաստաթուղթ կնքելու վերաբերյալ պայմանավորվածություն է ձեռք բերվել Եվրասիական տնտեսական միության և այդ կառույցին անդամակցող պետությունների ու ԱՄԷ-ի միջև ազատ առևտրի մասին համաձայնագրի շուրջ բանակցությունների հարթակում։ Համաձայնագիրն, ըստ էության, ազատականացնում է ՀՀ և ԱՄԷ-ի միջև ծառայությունների, առևտրի ու ներդրումների իրականացման գործընթացները՝ նախատեսելով նշված ոլորտներում խոչընդոտների վերացում, տնտեսական արդյունավետության բարձրացում և բարենպաստ պայմանների ստեղծում: Այն միտված է տնտեսական փոխշահավետ համագործակցության ընդլայնմանը:

Բոլոր լուրերը

Կապակցված լուրեր

49-ամյա տղամարդու տան բակում կանեփի բույսեր են հայտնաբերվել

19:34 09.07.2025

49-ամյա տղամարդու տան բակում կանեփի բույսեր են հայտնաբերվել

Համայնքային ոստիկանության Վաղարշապատի բաժնի ծառայողներն օպերատիվ տեղեկություն էին ստացել, որ Վաղարշապատ քաղաքի Դավիթ Բեկի փողոցի բնակիչ 49-ամյա տղամարդը կանեփ է աճեցնում: Նախաձեռնվել է քրեական վարույթ, որի շրջանակում կատարված զննությամբ 49-ամյա տղամարդու տան բակում հայտնաբերվել է կանեփի 12 բույս: Կատարվում է նախաքննություն: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն […] ...

ՀՀ քաղաքների մթնոլորտային օդում փոշու պարունակությունը

19:24 09.07.2025

ՀՀ քաղաքների մթնոլորտային օդում փոշու պարունակությունը

Հիդրոօդերևութաբանության և մոնիթորինգի կենտրոնը ներկայացրել էՀՀ քաղաքների մթնոլորտային օդում փոշու պարունակությունը հունիսի 29-ից հուլիսի 5-ը: Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան. ◾️ Վանաձոր քաղաքում՝ Ծատուրյան փողոցի հարակից տարածք՝ հունիսի 29-ին և հուլիսի 4-ին, Վարդանանց փողոցի հարակից տարածք՝ հուլիսի 3-ին և 5-ին, Հերացի փողոցի հարակից տարածք՝ հուլիսի 5-ին։ ◾️ Ալավերդի քաղաքում՝ Սանահին սարահարթ, […] ...

Քրեական ոստիկանության ծառայողները թմրամիջոցի իրացման դեպք են բացահայտել. նախաձեռնվել է քրեական վարույթ

19:16 09.07.2025

Քրեական ոստիկանության ծառայողները թմրամիջոցի իրացման դեպք են բացահայտել. նախաձեռնվել է քրեական վարույթ

Քրեական ոստիկանության Թմրամիջոցների անօրինական շրջանառության դեմ պայքարի վարչության ծառայողները, իրացնելով օպերատիվ տեղեկությունները, Երևան քաղաքի Ադոնցի փողոցում ձերբակալել և Համայնքային ոստիկանության Արաբկիրի բաժին են տեղափոխել 32-ամյա մի տղամարդու: Նրա անձնական խուզարկությամբ հայտնաբերվել է մեթամֆետամին թմրամիջոցի նմանվող սպիտակ բյուրեղանման զանգված: Պարզվել է նրան թմրամիջոցն իրացրած անձի ինքնությունը։ 33-ամյա տղամարդը Երևանի Սարալանջի փողոցում ձերբակալվել և «Կիա» մակնիշի մեքենայով […] ...

Իգա Շվյոնտեկը կարիերայում առաջին անգամ դուրս է եկել «Ուիմբլդոնի» կիսաեզրափակիչ

19:12 09.07.2025

Իգա Շվյոնտեկը կարիերայում առաջին անգամ դուրս է եկել «Ուիմբլդոնի» կիսաեզրափակիչ

WTA-ի 4-րդ համար Իգա Շվյոնտեկը կարիերայում առաջին անգամ դուրս է եկել «Ուիմբլդոնի» կիսեզրափակիչ։ Լեհ թենիսիստուհին քառորդ եզրափակչում 6-2, 7-5 հաշվով առավելության է հասել Լյուդմիլա Սամսոնովայի նկատմամբ։ Շվյոնտեկը եզրափակչի ուղեգիրը կվիճարկի Միրա Անդրեևա – Բելինդա Բենչիչ զույգի հաղթողի հետ։ ...

ՀՀ ԱԳՆ-ն Հայաստան-Եվրոպական միություն գործընկերության կոմիտեի վեցերորդ նիստի արդյունքներով համատեղ մամուլի հաղորդագրություն է տարածել

19:09 09.07.2025

ՀՀ ԱԳՆ-ն Հայաստան-Եվրոպական միություն գործընկերության կոմիտեի վեցերորդ նիստի արդյունքներով համատեղ մամուլի հաղորդագրություն է տարածել

Հուլիսի 8-ին Բրյուսելում կայացել է Համապարփակ և ընդլայնված գործընկերության համաձայնագրի (ՀԸԳՀ) հիման վրա ձևավորված Հայաստան-Եվրոպական միություն գործընկերության կոմիտեի վեցերորդ հանդիպումը։ Կողմերը քննարկել են ՀԸԳՀ կիրարկման գործընթացը և Հայաստան-Եվրոպական միություն փոխգործակցության ընդլայնումը։ Հայաստանը և ԵՄ-ն ընդգծել են ՀՀ-ԵՄ գործընկերության զգալի առաջընթացը՝ հիմնված ընդհանուր արժեքների հանձնառությանը։ Ողջունել են 2025թ. հունիսի 29-ից 30-ը Եվրոպական միության արտաքին գործերի և […] ...

«Նոան» դիմակայության առաջին խաղում հաղթել է նվազագույն հաշվով․ Չեմպիոնների լիգա

19:00 09.07.2025

«Նոան» դիմակայության առաջին խաղում հաղթել է նվազագույն հաշվով․ Չեմպիոնների լիգա

Չեմպիոնների լիգայի որակավորման առաջին փուլի առաջին խաղում Հայաստանի չեմպիոն «Նոան» սեփական դաշտում 1-0 հաշվով հաղթել է Չեռնոգորիան ներկայացնող «Բուդուչնոստին»։ Չեմպիոնների լիգայում «Նոայի» պատմության մեջ առաջին գոլը 68-րդ րոպեին խփել է Իմրան Ուլադ Օմարը։ Պատասխան հանդիպումը կկայանա հուլիսի 15-ին՝ Պոդգորիցայում։ ...

BACK_TO_TOP