19:20 07.09.2018
ԱԺ ֆինանսավարկային և բյուջետային հարցերի մշտական հանձնաժողովում այսօր քննարկվել և հաստատվել է երկու թեկնածություն ԿԲ-ում և Հաշվեքննիչ պալատում առկա թափուր պաշտոնների համար:
Երկու թեկնածուներին էլ ներկայացրել է ԱԺ ՀՀԿ խմբակցությունը: Կենտրոնական բանկի խորհրդի անդամի թափուր տեղի համար հաստատվել է Դիլիջանի ուսումնահետազոտական կենտրոնի ղեկավար Մարտին Գալստյանի թեկնածությունը, իսկ Հաշվեքննիչ պալատի անդամի թափուր տեղի համար հաստատվել է Վերահսկիչ պալատի աշխատակից Կարեն Կարապետյանի թեկնածությունը:
Սկզբում հանձնաժողովին իր աշխատանքային կենսագրականն է ներկայացրել Կենտրոնական բանկի խորհրդի անդամի թեկնածու Մարտին Գալստյանը: Թեկնածուին հարցեր ուղղելիս ԱԺ «Ծառուկյան» խմբակցության անդամ Սերգեյ Բագրատյանը հայտարարել է, որ թեկնածուի դեմ որևէ առարկություն չունի, սակայն գտնում է, որ այս առաջադրմամբ Հանրապետական կուսակցությունը խախտում է հավասար մրցակցային հնարավորությունները: Նա հարց է ուղղել հանձնաժողովի ղեկավար Գագիկ Մինասյանին, թե ինչու միայն Հանրապետական կուսակցությունն է թեկնածու առաջադրել:
Գագիկ Մինասյանը հարցին հարցով է պատասխանել, թե ինչու թեկնածու չի առաջադրել «Ծառուկյան» խմբակցությունը, քանի որ ԱԺ նախագահը բոլոր խմբակցություններին ծանուցման հայտ է ներկայացրել, որ բոլորը սահմանված ժամկետում կարող են թեկնածուներ առաջադրել:
Սերգեյ Բագրատյանն իր հերթին պնդել է, որ նախօրոք ճշտել է, ինչի արդյունքում է նման պատասխանատու հայտարարություն անում: Վերջինս պնդել է, որ իրենց խմբակցությունը նման բովանդակությամբ ոչ մի ծանուցում չի ստացել:
Գագիկ Մինասյանն էլ համոզված հայտարարել է, որ թեև առավել քան վստահ է, որ նման ծանուցում եղել է, այդուհանդերձ, խոստացել է գործընկերոջը նիստից հետո պաշտոնապես ճշտել: Խոսակցությանը միջամտել է հանձնաժողովի անդամ Սամվել Նիկոյանը՝ կատակով խորհուրդ տալով Բագրատյանին գրազ գալ:
Մինասյանը հստակեցրել է, որ ինքը գրազին չի մասնակցում, Բագրատյանն էլ պարզաբանել է, որ Նիկոյանի հետ գրազ կգա:
Նույն հարցադրումը Բագրատյանը կրկնել է նաև Հաշվեքննիչ պալատի անդամի թեկնածու Կարեն Կարապետյանի ներկայացումից հետո:
Թեկնածու Կարեն Կարապետյանը, սակայն, պարզաբանել է, որ նախորդ օրը՝ որպես ՀՀԿ-ի կողմից առաջադրված թեկնածու, հանդիպում է ունեցել թե՛ ՀՅԴ խմբակցության ներկայացուցիչների հետ, թե՛ ԱԺ փոխնախագահ, «Ծառուկյան» խմբակցության անդամ Միքայել Մելքումյանի հետ ու նման հարցադրումներ չեն հնչել:
Բագրատյանին այդ հայտարարությունը անակնկալի է բերել: Սամվել Նիկոյանն էլ վերջինիս առաջարկել է նիստից հետո հստակեցնել, պայմանով, որ եթե պարզվի, որ իրոք մյուս խմբակցությունները տեղյակ չեն եղել, ապա ինքը ևս կկանգնի Բագրատյանի կողքին ու կհայտարարի՝ ընտրություններն իրոք ոչ մրցակցային են, բայց եթե հակառակը պարզվի, ապա Բագրատյանն էլ պետք է հայտարարի, որ սխալվել է: Բագրատյանն ընդունել է առաջարկը:
14:05 07.07.2025
Խորհրդարանը շարունակել է քննարկել ԱԺ պատգամավոր Արծվիկ Մինասյանի նկատմամբ քրեական հետապնդում հարուցելուն համաձայնություն տալու հարցըԱզգային ժողովը հուլիսի 7-ի արտահերթ նստաշրջանում շարունակել է քննարկել «Ազգային ժողովի պատգամավոր Արծվիկ Գարեգինի Մինասյանի նկատմամբ քրեական հետապնդում հարուցելուն համաձայնություն տալու մասին» ԱԺ որոշման նախագիծը: Հուլիսի 4-ի քննարկումը՝ այստեղ: Ընդդիմադիր խմբակցությունների պատգամավորներն այս գործի հիմնավորումներն ապօրինի ու շինծու են որակել, նշել, որ քաղաքական պատվեր է կատարվում, ինչի առնչությամբ անհամաձայնություն են հայտնել իշխող քաղաքական ուժի պատգամավորները, […] ...
13:58 07.07.2025
Մեկնարկել է Կապանի միջազգային երաժշտական փառատոնը. այն կշարունակվի 12 օրՍյունիքի մարզկենտրոն Կապանում «Նախերգանք» համերգային ծրագրով մեկնարկել է Կապանի միջազգային երաժշտական երրորդ փառատոնը։ Երաժշտական տոնակատարությունը կշարունակվի 12 օր անընդմեջ՝ հանդիսատեսին առաջարկելով երաժշտական տարբեր ժանրերի համերգներ՝ 30-ից ավելի հրավիրյալ երաժիշտների կատարմամբ։ «Կապան ֆեստ 2025»-ի հյուրերը հնարավորություն կունենան տեսնելու 18-րդ դարի լարային գործիքներ, այդ թվում՝ Ստրադիվարիուսի և Գվարների դել Ջեզուի ջութակները, որոնց ցուցադրությունը Կապանում կներկայացնի հայտնի ջութակագործ […] ...
13:50 07.07.2025
Ռուբեն Ռուբինյանն ընդունել է ՀՀ-ում Շվեդիայի դեսպանինՀՀ ԱԺ նախագահի տեղակալ Ռուբեն Ռուբինյանը հուլիսի 7-ին ընդունել է ՀՀ-ում Շվեդիայի Թագավորության արտակարգ եւ լիազոր դեսպան Պատրիկ Սվենսոնին, ով ավարտում է դիվանագիտական առաքելությունը մեր երկրում: Քննարկվել են Հայաստան-Շվեդիա սերտ համագործակցությանն ու միջխորհրդարանական խորացող հարաբերություններին վերաբերող հարցեր: Ռուբեն Ռուբինյանը բարձր է գնահատել դեսպան Սվենսոնի անձնական ներդրումն ու ջանքերը երկու երկրների խորհրդարանների փոխգործակցության զարգացման հարցում։ ...
13:42 07.07.2025
Երթևեկության կազմակերպման փոփոխություններ՝ տրանսպորտային միջոցների ավելի անարգել երթևեկությունն ու տրանսպորտային հոսքերի անընդհատությունն ապահովելու նպատակովԵրևանում ավտոբուսների երթևեկությունն առանձնացված գոտիներով կազմակերպելու նպատակով ամիսներին իրականացվել է գործող առանձնացված գոտիների շարունակականության ապահովում Մաշտոցի պողոտայից դեպի Խորենացի, Բեյրութի, Իտալիայի և Արգիշտիի փողոցներ՝ ապահովելով հասարակական տրանսպորտի անարգել երթևեկը դեպի «Հաղթանակի» կամուրջ և հակառակ ուղղություններով։ Այս նախագծով մի շարք խաչմերուկներում տեղի են ունեցել երթևեկության կազմակերպման փոփոխություններ, որոնց նպատակն է, նշված փողոցներում ավտոբուսի առանձնացված գծերի ներդրմամբ […] ...
13:33 07.07.2025
Մեկնարկել է Քանաքեռ-Զեյթուն վարչական շրջանի Մինաս Ավետիսյան 4/2 հասցեում գտնվող հ.156 մանկապարտեզի նոր շենքի շինարարությունըՄեկնարկել է Քանաքեռ-Զեյթուն վարչական շրջանի Մինաս Ավետիսյան 4/2 հասցեում գտնվող հ.156 մանկապարտեզի նոր շենքի շինարարությունը: Այս մասին հայտնում են Երևանի քաղաքապետարանից։ Գործընթացն իրականացվում է Երևանի էներգաարդյունավետության ծրագրի համաձայն: Մանկապարտեզը լինելու է 6 խմբանի՝ ամբողջությամբ համալրված հակահրդեհային, արևային ֆոտովոլտային, օդափոխության համակարգերով: ...
13:26 07.07.2025
Լողասեզոնին Սևանալճում իրականացվելու է 24-ժամյա ուժեղացված ծառայությունՍևանալճում հուլիսի 1-ից լողասեզոնը բացվել է. փրկարարներն ու ջրային պարեկներն իրականացնում են 24-ժամյա ուժեղացված ծառայություն: Այս մասին այսօր մանրամասներ են ներկայացրել մամուլի ասուլիսի ընթացքում: Մանրամասները՝ տեսանյութում: ...
