10:58 03.04.2024
Ներքին գործերի նախարարության ոստիկանության Արմավիրի մարզային վարչության Արմավիրի բաժնում առավոտյան խորհրդակցություն է։ Ոստիկանության ավագ լեյտենանտ Անի Նազարյանը համապատասխան հանձնարարականը ստանալուց հետո շտապում է Արմավիրի թիվ 5 հիմնական դպրոց՝ աշակերտների հետ հերթական իրազեկման դասընթացն անցկացնելու։
Անի Նազարյանը ճանաչվել է 2023 թ. անչափահասների գործերով և ընտանեկան բռնության դեմ պայքարի լավագույն տեսուչ։
Դպրոցի տնօրենի խոսքով՝ Անին միշտ սպասված է, դպրոց գալիս է ոչ թե որպես տեսուչ, այլ երեխաների ընկեր, ուսուցիչ ու պաշտպան։
Դասի ընթացքում աշակերտները համակ ուշադրությամբ լսեցին, հարցեր ուղղեցին, կիսվեցին իրենց կարծիքներով։ Դասամիջոցի զանգը ոչ մեկին չմտահոգեց. զրույցը սովորականից երկար տևեց՝ ասելիքը շատ էր։ Դասի ավարտին էլ երեխաները շտապեցին կիսվել իրենց տպավորություններով։
Անի Նազարյանը սպասարկում է Արմավիրի մարզի 11 դպրոց, որտեղ սովորում են ավելի քան 2000 աշակերտ։ Մեր այն հարցին, թե ինչու ընտրեց ոստիկանի մասնագիտությունը, Անին ասում է՝ մանկուց է սիրել համազգեստը, իսկ կրթությամբ մանկավարժ լինելն օգնում է երեխաների հետ աշխատելիս։
Դպրոց այցից հետո մեկ այլ ահազանգ՝ այս անգամ ընտանեկան բռնության հետքերով: Անին շտապում է դեպքի վայր՝ պարզելու հանգամանքները։
Անիի ղեկավարության խոսքով՝ նա ունի դրական ծառայողական բնութագիր, վայելում է անձնակազմի հարգանքը, բանիմաց է:
Ոստիկանության մայոր Նարեկ Ավետիսյանը մեզ հետ զրույցում պատմում է, որ Անի Նազարյանը մեծ աշխատանք է կատարում նաև մուրացիկ, թափառաշրջիկ երեխաների հետ՝ իրականացնելով կանխարգելիչ միջոցառումներ: Իր կատարած աշխատանքի մասին Անին երկար խոսել չցանկացավ. ասում է՝ չեմ սիրում ինքս ինձ գնահատել, միայն պատմեց, թե ինչպես է իմացել, որ ընտրվել է նախորդ տարվա անչափահասների գործերով լավագույն տեսուչ:
Անի Նազարյանն իր բարեխիղճ ծառայությամբ ապացուցում է՝ երբ աշխատանքդ սիրով ու նվիրումով ես կատարում, առանց գնահատականի ակնկալիքի, գնահատականը երբեք չի ուշանում:
Մանրամասները՝ տեսանյութում:
22:25 07.07.2025
Տեխասում ջրհեղեղի զոհերի թիվը հասել է 89-ի
22:25 07.07.2025
Տեխասում ջրհեղեղի զոհերի թիվը հասել է 89-իԱՄՆ Տեխաս նահանգում ջրհեղեղների հետևանքով զոհերի թիվը հասել է 89-ի, տասնյակ մարդիկ դեռևս անհետ կորած են համարվում, հաղորդում է CBS-ը։ Ավելի վաղ CNN-ը, հղում անելով տեղական իշխանություններին, հայտնել էր մահվան 80 դեպքի մասին։ «Տեխասում տեղի ունեցած ավերիչ ջրհեղեղներից հետո առնվազն 89 մարդ է մահացել, տասնյակներ դեռևս անհետ կորած են համարվում», – ասվում է հրապարակման մեջ։ ...
22:11 07.07.2025
Հայտնաբերվել է մոտեցող ծերացման առաջին նշանըԵրկարակեցության մասնագետ Պեդրո Աբիզանդան ասել է, որ թվացյալ անվնաս նշան կա, որը վկայում է ծերության մոտենալու մասին։ Նա դա բացահայտել է El Español-ին տված հարցազրույցում։ Աբիսանդան ասել է, որ ծերության առաջին նշանը քայլելու արագության մի փոքր նվազումն է: Նրա խոսքով՝ կան ուսումնասիրություններ, որոնք ցույց են տվել, որ նման փոփոխություններ սկսում են տեղի ունենալ 50 տարեկանից […] ...
21:57 07.07.2025
ՊՍԺ-ն ցանկանում է ձեռք բերել Մադրիդի «Ռեալի» հարձակվող ՌոդրիգոյինՊՍԺ-ն ցանկանում է ձեռք բերել Մադրիդի «Ռեալի» հարձակվող Ռոդրիգոյին, գրում է ESPN-ը։ Փարիզյան թիմը հավանական տրանսֆերի վերաբերյալ կապ է հաստատել 24-ամյա ֆուտբոլիստի հետ։ «Ռեալը» շահավետ առաջարկի դեպքում պատրաստ է բաց թողնել բրազիլացուն։ Նրա ծառայություններով հետաքրքրված են նաև «Արսենալն» ու Սաուդյան Արաբիան ներկայացնող «Ալ Նասրը»։ Ռոդրիգոն Ալոնսոյի` «Ռեալը» գլխավորելուց հետո կորցրել է տեղը մեկնարկային կազմում և […] ...
21:34 07.07.2025
ԱՄՆ-ն 25% մաքսատուրք կկիրառի Ճապոնիայից և Հարավային Կորեայից ներմուծվող ապրանքների վրաԱՄՆ նախագահ Դոնալդ Թրամփը հայտարարեց, որ օգոստոսի 1-ից սկսած ԱՄՆ-ն 25 տոկոս մաքսատուրք կսահմանի Ճապոնիայից և Հարավային Կորեայից ներմուծվող ապրանքների վրա։ Նա Truth Social-ում հրապարակել է Հարավային Կորեայի նախագահ Լի Չժե Մյունին և Ճապոնիայի վարչապետ Շիգերու Իշիբային ուղղված երկու պաշտոնական նամակներ։ «Սկսած 2025 թվականի օգոստոսի 1-ից՝ մենք կսահմանենք ընդամենը 25% սակագին Միացյալ Նահանգներ մտնող ցանկացած […] ...
21:30 07.07.2025
ՀՀ դեսպանը մասնակցել է Փարիզի 16-րդ շրջանի քաղաքապետարանում անցկացված Եվրոպայի հայ երիտասարդության առաջին ֆորումինՀուլիսի 5-ին դեսպան Արման Խաչատրյանը մասնակցել է Փարիզի 16-րդ շրջանի քաղաքապետարանում անցկացված Եվրոպայի հայ երիտասարդության առաջին ֆորումին (Forum Européen de la jeunesse arménienne) և հանդես եկել բացման խոսքով։ Միջոցառմանը ներկա էին նաև Սփյուռքի հարցերով բարձր հանձնակատար Զարեհ Սինանյանը, Եվրոպական խորհրդարանի պատգամավոր Ֆրանսուա-Քզավիե Բելամին, Փարիզի 16-րդ շրջանի քաղաքապետ Ժերեմի Ռեդլերը, Իլ-դը-Ֆրանսի ռեգիոնի փոխնախագահ Պատրիկ Կարամը, սենատոր […] ...
