17 05 2024

$

388.09
4.27
€

421.93

+11.09 ^oC

Հուշանվեր-թղթադրամների իրացման նոր դեպքեր. Թումանյանի ոստիկանների բացահայտումը

ՀԱՍԱՐԱԿՈՒԹՅՈՒՆ

14:48 19.04.2024

Ապրիլի 18-ին Թումանյանի բաժնի քրեական հետախույզներն ու անչափահասների գործերով և ընտանիքում բռնության կանխարգելման բաժանմունքի ծառայողները համատեղ օպերատիվ-հետախուզական միջոցառումների արդյունքում տեղեկություններ են ստացել, որ 16-ամյա երկու պատանի, հանցավոր համաձայնությամբ, առցանց գնումների հարթակի Սանահին-Սարահարթ թաղամասի սրահից 1500 դրամով գնել են 10 հազար դրամանոցի նմանվող շուրջ 60 հուշանվեր թղթադրամ, որոնց մի մասը իրացրել են, իսկ մնացած մասը փորձում են իրացնել առևտրի և սննդի կետերում:
Հետագա միջոցառումներով իրավապահները պարզել են, որ նրանք հինգ թղթադրամ իրացրել են 18-ամյա մի երիտասարդի, իսկ երկու թղթադրամ՝ 16-ամյա մի պատանու: Վերջիններս էլ իրենց հերթին տարբեր առևտրի կետերում գնումներ կատարելու միջոցով փորձել են իրացնել հուշանվեր-թղթադրամները:

Նույն օրը Ալավերդի քաղաքի Թումանյան փողոցի մի առևտրի կետում հուշանվերն իրացնելիս ձերբակալվել և բաժին են տեղափոխվել երկու պատանի: Նրանցից մեկի անձնական խուզարկությամբ հայտնաբերվել է հուշանվեր 19 թղթադրամ: Նա հայտնել է, որ թղթադրամները պատվիրել են առցանց գնումների հարթակի միջոցով, որոշ մասն իրացրել են, մնացած մասը փորձել են իրացնել:

Առևտրի կետի վաճառողուհին տվել է հաղորդում և ներկայացրել իրեն իրացրած 10-հազարանոց երկու հուշանվեր թղթադրամ:

Եվս մեկ հանցակից երկու ժամ անց հայտնաբերվել, ձերբակալվել ու տեղափոխվել է բաժին:

Ձեռնարկվում են միջոցառումներ՝ չորրորդ պատանուն և մնացած հուշանվեր թղթադրամները հայտնաբերելու ուղղությամբ: Կազմված փաստաթղթերը և երեք պատանիները ներկայացվել են Թումանյանի քննչական բաժին:

Նախաձեռնված քրեական վարույթի շրջանակում իրականացված հետագա միջոցառումներով Թումանյանի ոստիկանները պարզել են, որ պատանիները հուշանվեր 10-հազարանոցով փորձել են գնում կատարել նաև Ալավերդի քաղաքի Թումանյան փողոցում գործող խանութում: Այս դեպքում, սակայն, անկախ իրենց կամքից, հանցագործությունն ավարտին չեն հասցրել:

Նախաքննությամբ հանգամանքները պարզվում են:

Բաժանորդագրվեք SHANTNEWS.am-ին Telegram-ում

Բոլոր լուրերը

09:30 17.05.2024
Պենտագոնը հայտարարել է իր անփոփոխ դիրքորոշումը Կիևի կողմից ամերիկյան զենք օգտագործելու վերաբերյալ

Կապակցված լուրեր

08:41 17.05.2024

Փրկարարներն իրականացրել են ջրահեռացման աշխատանքներ

Մայիսի 16-ին, ժամը 18:52-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ քաղաքային մարզադաշտի մի հատվածում անձրևաջրեր են լցվել. հեռացնելու համար անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը: Փրկարարները պոմպի միջոցով հեռացրել են մոտ 700 լիտր ջուր: ...

08:22 17.05.2024

Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...

08:16 17.05.2024

ՀՀ տարածքում կա փակ ավտոճանապարհ

Փրկարար ծառայությունը տեղեկացնում է, որ ՀՀ տարածքում կա փակ ավտոճանապարհ։ Արարատի մարզի Գետափնյա գյուղի մոտ գտնվող կամրջի հետիոտնի համար նախատեսված հատվածում տեղի է ունեցել մասնակի փլուզում, ինչի հետևանքով կամրջով երթևեկությունը դադարեցվել է։ Սյունիքի մարզի բարձրադիր գոտիներում մառախուղ է: ...

23:45 16.05.2024

Սլովակիայում հայտարարել են, որ Ֆիցոյի դեմ մահափորձը նախապես ծրագրված է եղել

Սլովակիայի վարչապետ Ռոբերտ Ֆիցոյի դեմ մահափորձը նախապես ծրագրված էր։ Այս մասին հայտարարել է Սլովակիայի փոխվարչապետ և պաշտպանության նախարար Ռոբերտ Կալինյակը հանրապետության Պետական անվտանգության խորհրդի և կառավարության արտակարգ նիստից հետո կայացած մամուլի ասուլիսում։ Նա հավելել է, որ դա պատահականություն չէր, և նշել, որ կրակողը նախկինում մասնակցել է Դոլնա-Կուպայում բողոքի ցույցի, որտեղ տեղի էր ունենում նախարարների կաբինետի […] ...

22:42 16.05.2024

Ի պատասխան Փարիզի կողմից Երևանին սպառազինության մատակարարմանը՝ Ադրբեջանը անկարգություններ է հրահրում ֆրանսիական Նոր Կալեդոնիա նահանգում

Ի պատասխան Փարիզի կողմից Երևանին սպառազինության մատակարարմանը, Ադրբեջանը հերթական բացահայտ սադրանքն է իրեն թույլ տվել Ֆրանսիայի դեմ: Ֆրանսիայի հատուկ ծառայությունները պարզել են, որ Ադրբեջանը ուղիղ առնչություն ունի ֆրանսիական Նոր Կալեդոնիա նահանգում շարունակվող զանգվածային անկարգությունների կազմակերպմանը: Դրանց հետևանքով կան զոհեր ու վիրավորներ: Ի՞նչ առիթով են Նոր Կալեդոնիայում սկսվել անկարգությունները, ի՞նչ դեր է խաղացել Բաքուն: Թեմային «Հորիզոնի» […] ...

21:38 16.05.2024

Մայիսի 17-ին Երևանի և մարզերի որոշ հասցեներում լույս չի լինի

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մայիսի 17-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16:00 Նոր Նորք 2-րդ զանգ.՝ Թոթովենցի փ. 1, 1/1, 3, 13, 15 շենքեր, Մոլդովական փ. 3/1, 5, 12, 13, 14 շենքեր, Գայի պող. 11, 13 շենքեր, թիվ 164 դպրոց և հարակից ոչ […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.